Sunday, July 12, 2015
Friday, July 10, 2015
പിന്നോക്ക രാഷ്ട്രീയം ബിജെപിയുടെ കാപട്യം
പിന്നോക്ക രാഷ്ട്രീയം ബിജെപിയുടെ കാപട്യം
അരുവിക്കരയില്‍ ജയിച്ച യുഡിഎഫും തോറ്റ ബിജെപിയും അഹങ്കാര സ്വരത്തിലാണ്. ആ അഹങ്കാരം ഉല്‍പ്പാദിപ്പിക്കുന്ന പൊള്ളയായ അവകാശവാദങ്ങള്‍ കേട്ട് ജനം അമ്പരക്കുകയാണ്. പുതിയ ആകാശവും പുതിയ ഭൂമിയും കീഴടക്കി എന്ന മട്ടിലാണ് ബിജെപി. അരുവിക്കരയില്‍ മൂന്നാംസ്ഥാനത്താണെങ്കിലും 34,000 വോട്ട് സമ്പാദിച്ചതിന്റെ പേരില്‍, ബിജെപി എന്തെല്ലാമാണോ അതല്ല എന്നുവരുത്താനുള്ള കിണഞ്ഞ പരിശ്രമത്തിലാണ് സംസ്ഥാന പ്രസിഡന്റ് വി മുരളീധരന്‍ അടക്കമുള്ള നേതാക്കള്‍. പിന്നോക്കവിഭാഗത്തിന്റെയും പട്ടികജാതി- വര്‍ഗത്തിന്റെയും പ്രതിനിധിയായ പാര്‍ടിയായി ബിജെപി മാറി എന്നുവരുത്താനാണ് ഉദ്യമം. മുന്നണിരാഷ്ട്രീയത്തിന്റെ മതില്‍ക്കെട്ടുകള്‍ തകര്‍ക്കാനും പട്ടികജാതി- വര്‍ഗ പിന്നോക്കവിഭാഗങ്ങളിലേക്ക് ആഴത്തില്‍ വേരോട്ടമുണ്ടാക്കാനും ബിജെപിക്ക് കഴിഞ്ഞുവെന്നാണ് പ്രചാരണം. എല്‍ഡിഎഫ്- യുഡിഎഫ് മുന്നണികള്‍ മാറിയും തിരിഞ്ഞും അധികാരത്തിലെത്തുന്ന സംസ്ഥാനത്തിന്റെ രാഷ്ട്രീയസ്വഭാവത്തെ മാറ്റിമറിക്കാന്‍ ബിജെപിക്ക് കഴിഞ്ഞാല്‍ അതിന്റെ ആപത്ത് ചെറുതാകില്ല. സംസ്ഥാനത്തിന്റെ മതനിരപേക്ഷ നിലനില്‍പ്പും ജനതയുടെ ഒരുമയും പുരോഗതിയും തകര്‍ക്കപ്പെടുകയാകും അതിന്റെ ഫലം. അത് തിരിച്ചറിയാനുള്ള വിവേകം കേരളീയര്‍ക്ക് പൊതുവിലുണ്ട്. അതുകൊണ്ടുതന്നെ അരുവിക്കരയുടെ പേരില്‍ ബിജെപി പുലര്‍ത്തുന്ന ആത്മവിശ്വാസം പൊതുവായി സംസ്ഥാനത്ത് പ്രതിഫലിപ്പിക്കാന്‍ അവര്‍ക്ക് കഴിയില്ല.
അരുവിക്കരയില്‍ ബിജെപി നേടിയത് 23.99 ശതമാനം വോട്ട്. സ്ഥാനാര്‍ഥിയുടെ വ്യക്തിമഹിമ, ജില്ലയില്‍ പരമ്പരാഗതമായി ചില മേഖലകളില്‍ ബിജെപി നേടുന്ന വോട്ടുമുന്നേറ്റം തുടങ്ങിയ ഘടകങ്ങളെല്ലാം ഇത്ര വോട്ട് ലഭിച്ചതിനുപിന്നിലുണ്ട്. അത് മാറ്റിനിര്‍ത്തിയാല്‍പ്പോലും 23 ശതമാനം വോട്ടുകൊണ്ട് സംസ്ഥാനത്തെ ഒരു നിയമസഭാമണ്ഡലത്തിലും ബിജെപിക്ക് ജയിക്കാനാകില്ല. സംസ്ഥാന നിയമസഭയിലേക്ക് കടന്നുവരാന്‍ ഒരു സാഹചര്യവുമില്ലാത്ത കക്ഷിയാണ് ഇപ്പോഴും ബിജെപി എന്നര്‍ഥം. എന്നിട്ടാണ് വരുന്ന നിയമസഭാതെരഞ്ഞെടുപ്പില്‍ എന്തോ മഹാത്ഭുതം കാട്ടാന്‍പോകുന്നു എന്ന പ്രതീതി അവര്‍ പരത്തുന്നത്. മുന്നണി രാഷ്ട്രീയത്തിന് എന്തെല്ലാം കുറവുകളുണ്ടെങ്കിലും, യുഡിഎഫ് എത്രമാത്രം അഴിമതിയിലാറാടി ദുര്‍ഗുണങ്ങളാല്‍ കെട്ടുനാറുകയാണെങ്കിലും യുഡിഎഫിനേക്കാള്‍ ഒട്ടും മെച്ചപ്പെട്ട രാഷ്ട്രീയശക്തിയല്ല ബിജെപി. അത് തികഞ്ഞ ഹിന്ദുവര്‍ഗീയതയുടെ രാഷ്ട്രീയരൂപമാണ്. കേന്ദ്രത്തില്‍ അധികാരത്തില്‍വന്നു എന്നതുകൊണ്ട് ഇതിന് രാഷ്ട്രീയമാന്യത നല്കാന് പാടില്ല.
പിന്നോക്കവിഭാഗക്കാരെയും ദളിതരെയും കബളിപ്പിച്ചും പ്രലോഭിപ്പിച്ചും അവരുടെ സമുദായസംഘടനാ നേതാക്കളെ അടക്കം വിലയ്ക്കെടുത്തും ബിജെപി നടത്തുന്ന പിന്നോക്കപ്രീണന രാഷ്ട്രീയം തികഞ്ഞ കാപട്യമാണ്. ചെന്നായ മാന്‍തോലണിയുന്ന കപടരാഷ്ട്രീയമാണിത്. സവര്‍ണഹിന്ദു ആശയസംഹിതയാല്‍ നയിക്കപ്പെടുന്ന പ്രസ്ഥാനം ഹിന്ദുവര്‍ഗീയതയെ ഉപയോഗിച്ച് വോട്ടുപിടിക്കുന്നു. അതിനുവേണ്ടി കേന്ദ്ര അധികാരവും പണവും വിതറി പിന്നോക്ക- ദളിത് സംഘടനാനേതാക്കളെ പാട്ടിലാക്കുന്നു. ഇതൊക്കെ ഉണ്ടായിട്ടും ദളിത്- പിന്നോക്ക വിഭാഗങ്ങളുടെ വോട്ട് സിംഹഭാഗവും എല്‍ഡിഎഫിനാണ്. അരുവിക്കരയിലെ വോട്ട് സൂക്ഷ്മമായി പരിശോധിച്ചാല്‍ അത് വ്യക്തമാകും. പക്ഷേ, പ്രചാരണമാകട്ടെ ആ വിഭാഗങ്ങള്‍ ബിജെപിയെ പ്രതിനിധാനം ചെയ്യുന്നുവെന്ന്. ജാതിയും മതവും പറഞ്ഞല്ല എല്‍ഡിഎഫ് പ്രവര്‍ത്തിക്കുന്നത്. എല്ലാ ജാതിയിലും മതത്തിലുംപെട്ടവരും ഒരു മതത്തിലും വിശ്വാസമില്ലാത്തവരുമായ വോട്ടര്‍മാരുടെ സമ്മതിദാനം വലിയതോതില്‍ ലഭിക്കുന്ന പ്രസ്ഥാനമാണ് എല്‍ഡിഎഫ്.
പിന്നോക്ക- ദളിത് വിഭാഗങ്ങളുടെ പേരില്‍ നിലകൊള്ളുന്ന വിവിധ സമുദായസംഘടനാ നേതാക്കളില്‍ പലരെയും പലവിധത്തില്‍ സ്വാധീനിക്കുന്നതില്‍ ബിജെപി നേതൃത്വം വിജയിക്കുന്നുണ്ടെങ്കിലും അതിനുസൃതമായി അവരുടെ അനുയായികളെപ്പോലും തങ്ങള്‍ക്കനുകൂലമായി അണിനിരത്താന്‍ അവര്‍ക്ക് കഴിഞ്ഞിട്ടില്ല. എങ്കിലും തെറ്റിദ്ധാരണ സൃഷ്ടിച്ച് പിന്നോക്ക- ദളിത് വിഭാഗങ്ങളില്‍നിന്ന് ഒരുപങ്ക് വോട്ടുനേടാന്‍ അരുവിക്കരയില്‍ ബിജെപിക്ക് കഴിഞ്ഞു. ബിജെപിയും ആര്‍എസ്എസും എന്താണെന്ന് ഈ വിഭാഗങ്ങളെ ഓര്‍മപ്പെടുത്താനും പഠിപ്പിക്കാനും അവരുടെയിടയില്‍ ക്ഷമയോടെ പ്രവര്‍ത്തിച്ച് അവരെ ബോധ്യപ്പെടുത്തണം. ആ കടമയാണ് എല്‍ഡിഎഫിനുമുന്നിലുള്ളത്. ഇന്ത്യയെ ഹിന്ദുരാഷ്ട്രമാക്കുക എന്നതാണ് ആര്‍എസ്എസ് വിഭാവനം ചെയ്യുന്നത്. ഇവര്‍ വിഭാവനംചെയ്യുന്ന ഹിന്ദുരാഷ്ട്രത്തിന്റെ മേല്‍ത്തട്ടില്‍ എല്ലാ ഹിന്ദുക്കളും വരില്ല. അത് സവര്‍ണമേധാവിത്വത്തെ അരക്കിട്ടുറപ്പിക്കുന്ന തത്വശാസ്ത്രമാണ്; മനുവിന്റെ നിയമങ്ങളോടുള്ള വിധേയത്വം പ്രഖ്യാപിക്കുന്ന പ്രസ്ഥാനമാണ്. "മനുസ്മൃതി'യിലെ നിയമങ്ങള്‍ ഉയര്‍ത്തിപ്പിടിക്കാന്‍ ലഭിക്കുന്ന ഒരവസരവും പാഴാക്കരുത് എന്നാണ് രാഷ്ട്രീയ സ്വയംസേവക് സംഘിന്റെ രണ്ടാമത്തെ സര്‍സംഘ് ചാലക് ആയ എം എസ് ഗോള്‍വാള്‍ക്കര്‍ ചൂണ്ടിക്കാണിച്ചത്. അയിത്തത്തോടുള്ള സമീപനമെന്തെന്ന് ഗോള്‍വാള്‍ക്കറോട് ആരാഞ്ഞപ്പോള്‍ അക്കാര്യത്തിലൊരു സമീപനവുമില്ലെന്നായിരുന്നു പ്രതികരണം. വര്‍ണവ്യവസ്ഥയുടെ നിര്‍മാര്‍ജനത്തിനായി പ്രവര്‍ത്തിക്കുമോ എന്നു ചോദിച്ചപ്പോഴും, ഐക്യമുള്ള ഏകജാതീയമായ ഒരു ഹിന്ദുജനതയെ സൃഷ്ടിക്കാന്‍ ഞാന്‍ ഗുണകരമായി പ്രവര്‍ത്തിക്കുമെന്ന കൗശലമുള്ള മറുപടിയാണ് ലഭിച്ചത്. ശിരസ്സ് ബ്രാഹ്മണനും കരങ്ങള്‍ ക്ഷത്രിയനും തുടകള്‍ വൈശ്യനും പാദങ്ങള്‍ ശൂദ്രനുമായ ഹിന്ദുജനതയാണ് അദ്ദേഹത്തിന്റെ ഗുണകരമായ ഹിന്ദുസമൂഹം. ഈ നാലുമടങ്ങിയ സംവിധാനത്തെ വാഴ്ത്തുകയാണ് ആര്‍എസ്എസിന്റെ ഗുരുക്കള്‍. ഈ ഗുരുനിലപാടുകളെ ഇതേവരെ ആര്‍എസ്എസ് തള്ളിപ്പറഞ്ഞിട്ടില്ല. വര്‍ണവ്യവസ്ഥയെ ഗോള്‍വാള്‍ക്കര്‍ മാത്രമല്ല, സവര്‍ക്കര്‍ ഉള്‍പ്പെടെയുള്ള ആര്‍എസ്എസ് ആചാര്യന്മാര്‍ അഭിമാനപൂര്‍വമാണ് അവതരിപ്പിച്ചത്.
സ്വതന്ത്ര ഇന്ത്യയുടെ ഭരണഘടനാ ശില്‍പ്പികള്‍- അംബേദ്കര്‍ ഉള്‍പ്പെടെയുള്ളവര്‍, പട്ടികജാതി- വര്‍ഗക്കാര്‍ക്ക് സംവരണം ഏര്‍പ്പെടുത്താനുള്ള വകുപ്പുകളുണ്ടാക്കിയപ്പോള്‍ ആര്‍എസ്എസ് എന്ത് നിലപാടെടുത്തുവെന്ന് നോക്കുക. ഹിന്ദുസാമൂഹ്യക്രമത്തിന്റെ വേരുകള്‍ കുഴിമാന്തിയെടുത്ത്, മുന്‍കാലങ്ങളിലുണ്ടായിരുന്ന വ്യത്യസ്ത വിഭാഗങ്ങളുടെ അന്യതാബോധവും അവര്‍ക്കിടയിലുണ്ടായിരുന്ന സ്വരഐക്യവും നശിപ്പിക്കാന്‍ ഭരണാധികാരികള്‍ ശ്രമിക്കുന്നുവെന്നായിരുന്നു ഗോള്‍വാള്‍ക്കറുടെ നിലപാട്. പട്ടികജാതി- വര്‍ഗക്കാരുടെ സംവരണത്തെപ്പോലും പിന്തുണയ്ക്കാത്തവരാണ് ആര്‍എസ്എസ്. അപ്പോള്‍പിന്നെ പിന്നോക്കവിഭാഗക്കാരുടെ സംവരണത്തിന്റെ കാര്യം പറയേണ്ടതില്ലല്ലോ. ഈ നിലപാടിന്റെ തുടര്‍ച്ചയായാണ്, വി പി സിങ് സര്‍ക്കാരിന്റെകാലത്ത് സംവരണത്തിനെതിരെ പ്രക്ഷോഭം കെട്ടഴിച്ചുവിടാന്‍ സംഘപരിവാര്‍ തെരുവിലിറങ്ങിയത്. സംവരണവിരുദ്ധ പ്രക്ഷോഭം രാജ്യത്തിന്റെ പല ഭാഗങ്ങളിലും സമീപകാലത്തും നടത്തിയ പാര്‍ടിയാണ് ബിജെപി. ഈ ചരിത്രവും വസ്തുതയും മറച്ചുവച്ചാണ് പിന്നോക്കക്കാരുടെയും ദളിതരുടെയും മിത്രമായി കേരളത്തില്‍ ബിജെപി പ്രത്യക്ഷപ്പെടുന്നത്. ഇതാണ് ആര്‍എസ്എസും ബിജെപിയുമെന്ന് ജനങ്ങളെ കൂടുതലായി പഠിപ്പിക്കാന്‍ ഇടതുപക്ഷവും ജനാധിപത്യപ്രസ്ഥാനവും മുന്നോട്ടുവരേണ്ടതുണ്ട്.
ഇന്ത്യയെ 200 വര്‍ഷം പിന്നിലേക്ക് കൊണ്ടുപോകാന്‍ ആര്‍എസ്എസ് ശ്രമിക്കുന്നുവെന്ന് പ്രധാനമന്ത്രിയായിരിക്കെ ജവാഹര്‍ലാല്‍ നെഹ്റു അഭിപ്രായപ്പെട്ടപ്പോള്‍, യഥാര്‍ഥ ഇന്ത്യയെ കൂടുതല്‍ പിറകിലേക്ക്, ഒരായിരം വര്‍ഷങ്ങള്‍ക്കുപിന്നിലേക്ക് കൊണ്ടുപോകുകയാണ് ആവശ്യം എന്നായിരുന്നു ഗോള്‍വാള്‍ക്കറുടെ മറുപടി. പ്രധാനമന്ത്രി നരേന്ദ്രമോഡി ഒബിസിയില്‍ ജനിച്ച ആളായതുകൊണ്ട് ആര്‍എസ്എസ്- ബിജെപി തത്വശാസ്ത്രം പിന്നോക്കാധിഷ്ഠിതമാകുന്നില്ല. പിന്നോക്കക്കാരനായ കല്യാണ്‍സിങ് യുപി മുഖ്യമന്ത്രിയായിരിക്കെയാണല്ലോ അയോധ്യയില്‍ ബാബറിമസ്ജിദ് തകര്‍ത്തത്. ഒബിസിക്കാരന്‍ അധികാരശ്രേണിയിലെത്തിയാലും ആര്‍എസ്എസ് അജന്‍ഡ മാറുകയോ അത് നടപ്പാക്കുന്നതിലുള്ള തീവ്രത കുറയുകയോ ചെയ്യില്ല എന്നാണ് ഈ സംഭവം വ്യക്തമാക്കിയത്.
ശ്രീനാരായണഗുരുവും അയ്യന്‍കാളിയും ചട്ടമ്പിസ്വാമിയും നയിച്ച സാമൂഹ്യനവോത്ഥാനത്തെയും അതിന്റെ പിന്തുടര്‍ച്ചാപ്രവര്‍ത്തനത്തെയും അനുകൂലിക്കാത്ത ശക്തിയാണ് ആര്‍എസ്എസ്. അയിത്ത നിര്‍മാര്‍ജനം, ക്ഷേത്രപ്രവേശന സ്വാതന്ത്ര്യം, സഞ്ചാരസ്വാതന്ത്ര്യം എന്നിവയ്ക്കായി കേരളത്തില്‍ നടന്ന നവോത്ഥാനപോരാട്ടങ്ങളുടെ സദ്പാരമ്പര്യമല്ല; മറിച്ച്, അവയ്ക്കെതിരെ നിലകൊണ്ട മതാന്ധ- യാഥാസ്ഥിതിക ശക്തികളുടെ പിന്തുടര്‍ച്ചയാണ് ആര്‍എസ്എസ്- ബിജെപി പേറുന്നത്. എന്നിട്ടാണ് ക്ഷേത്രപ്രവേശനം- അയിത്തനിര്‍മാര്‍ജനം തുടങ്ങിയ കാര്യങ്ങളില്‍ കമ്യൂണിസ്റ്റ് പ്രസ്ഥാനം വഹിച്ച പങ്കിനെപ്പറ്റി നിഷേധാത്മകമായി ബിജെപി നേതാക്കള്‍ എഴുതുകയും പറയുകയും ചെയ്യുന്നത്. പി കൃഷ്ണപിള്ള, എ കെ ജി, ഇ എം എസ് തുടങ്ങിയ നേതാക്കള്‍ കമ്യൂണിസ്റ്റാകുംമുമ്പേ നവോത്ഥാന രാഷ്ട്രീയത്തിന്റെ കൊടിക്കൂറ ഉയര്‍ത്തിപ്പിടിച്ചു. ഗുരുവായൂര്‍ അമ്പലത്തില്‍ എല്ലാവര്‍ക്കും ആരാധനാസ്വാതന്ത്ര്യം കിട്ടാനും വൈക്കം ക്ഷേത്രറോഡില്‍ എല്ലാവര്‍ക്കും സഞ്ചാരസ്വാതന്ത്ര്യം കിട്ടാനുമുള്ള പ്രക്ഷോഭങ്ങളില്‍ പില്‍ക്കാലത്ത് കമ്യൂണിസ്റ്റ് നേതാക്കളായവര്‍ അണിനിരന്നു.
ശ്രീനാരായണഗുരു അടക്കമുള്ള നവോത്ഥാനായകര്‍ ഉഴുതുമറിച്ച മണ്ണിലാണ് കമ്യൂണിസ്റ്റ് പ്രസ്ഥാനം വളര്‍ന്നതെന്ന ചരിത്രയാഥാര്‍ഥ്യം ബിജെപിക്കാരുടെ പരിഹാസംകൊണ്ട് മറഞ്ഞുപോകില്ല. പതിനെട്ടും പത്തൊമ്പതും നൂറ്റാണ്ടുകളില്‍ ഇന്ത്യയുടെ വിവിധ ഭാഗങ്ങളില്‍ നവോത്ഥാനപ്രസ്ഥാനങ്ങളും സാമൂഹ്യപരിഷ്കര്‍ത്താക്കളും ഉണ്ടായെങ്കിലും ആ സംസ്ഥാനങ്ങളില്‍ പലയിടങ്ങളിലും ഇപ്പോഴും അയിത്തവും അനാചാരവും ക്ഷേത്രപ്രവേശന വിവേചനവും നിലനില്‍ക്കുന്നുണ്ട്. ഈ സംസ്ഥാനങ്ങളില്‍ പലയിടത്തും ബിജെപി ശക്തമാണ്. അവിടങ്ങളിലുള്ള ദുഃസ്ഥിതി കേരളത്തിലുണ്ടാകാതിരുന്നത് നവോത്ഥാനപ്രസ്ഥാനത്തിന്റെ മൂല്യങ്ങള്‍ ഏറ്റെടുത്ത് കമ്യൂണിസ്റ്റുകാരും ഇടതുപക്ഷക്കാരും പുരോഗമനവാദികളും മുന്നോട്ടുപോകുന്നതുകൊണ്ടാണ്.
മോഡി ഭരിച്ച ഗുജറാത്തിലെയും കേരളത്തിലെയും ദളിത് - പിന്നോക്കക്കാര്‍ ഉള്‍പ്പെടെയുള്ള ജനവിഭാഗങ്ങളുടെ അവസ്ഥ താരതമ്യംചെയ്താല്‍ കേരളം ഏറെ പുരോഗതിയിലാണെന്നുകാണാം. പോഷകാഹാരക്കുറവ് ഏറ്റവും കൂടുതലുള്ള സംസ്ഥാനങ്ങളിലൊന്നാണ് ഗുജറാത്ത്. 2011ലെ മനുഷ്യവികസന റിപ്പോര്‍ട്ടില്‍ പറയുന്നത് അവിടത്തെ പകുതിയോളം കുട്ടികളും പോഷകാഹാരക്കുറവുള്ളവരാണ് എന്നാണ്. 2012ലെ യൂണിസെഫ് റിപ്പോര്‍ട്ടനുസരിച്ച് അഞ്ചുവയസ്സിനുതാഴെയുള്ള ഓരോ രണ്ടുകുട്ടികളിലും ഒരാള്‍ പോഷകാഹാരക്കുറവ് അനുഭവിക്കുന്നു. നാലില്‍ മൂന്ന് കുട്ടികള്‍ വിളര്‍ച്ചബാധിച്ചവരാണെന്നും ഈ റിപ്പോര്‍ട്ട് പറയുന്നു. ശിശുമരണനിരക്ക് കൂടുതലുള്ള സംസ്ഥാനമാണ് ഗുജറാത്ത്. 1000 കുട്ടികള്‍ ജനിക്കുമ്പോള്‍ 44 പേര്‍ മരിക്കുന്നു. മൂന്ന് അമ്മമാരില്‍ ഒരാള്‍ പോഷകാഹാരക്കുറവ് അനുഭവിക്കുന്നു. സാക്ഷരതയുടെ കാര്യത്തിലാകട്ടെ, ഏഴാം സ്ഥാനത്താണ്. വ്യവസായങ്ങളേറെയുണ്ടെങ്കിലും ജോലിയെടുക്കുന്നവര്‍ക്ക് അന്തസ്സോടെ ജീവിതം നയിക്കാനുള്ള കൂലി ലഭിക്കുന്നില്ല. 67 ശതമാനം വീട്ടിലും കക്കൂസില്ല. ജനങ്ങളുടെ ജീവിതസുരക്ഷയേക്കാള്‍ വ്യവസായികളുടെയും കോര്‍പറേറ്റുകളുടെയും സുരക്ഷയ്ക്ക് പ്രാധാന്യം നല്‍കുന്ന മോഡിനയമാണ് ബിജെപി മോഡല്‍. ഇതിന്റെ പേരില്‍ കേരളത്തിലെ പിന്നോക്കക്കാരെയും ദളിതരെയും ആവേശംകൊള്ളിക്കാമെന്നാണ് ബിജെപി കരുതുന്നതെങ്കില്‍ ഹാ! കഷ്ടം എന്നേ പറയാനുള്ളൂ
അറ്റോര്‍ണി ജനറല്‍ ഹാജരായത് കോണ്‍ഗ്രസ് - ബിജെപി ബന്ധത്തിന്റെ തെളിവ്: കോടിയേരി
അറ്റോര്‍ണി ജനറല്‍ ഹാജരായത് കോണ്‍ഗ്രസ് - ബിജെപി ബന്ധത്തിന്റെ തെളിവ്: കോടിയേരി
തിരുവനന്തപുരം > സംസ്ഥാന സര്‍ക്കാരിന്റെ മദ്യനയവുമായി ബന്ധപ്പെട്ട കേസില്‍ സുപ്രീംകോടതിയില്‍ മദ്യ മുതലാളിമാര്‍ക്കുവേണ്ടി അറ്റോര്‍ണി ജനറല്‍ ഹാജരായതില്‍ തെളിയുന്നത് യുഡിഎഫ് സര്‍ക്കാരും കേന്ദ്രത്തിലെ ബിജെപി സര്‍ക്കാരും തമ്മിലുള്ള സഹകരണമാണെന്ന് സിപിഐ എം സംസ്ഥാന സെക്രട്ടറി കോടിയേരി ബാലകൃഷ്ണന്‍ പറഞ്ഞു.
അറ്റോര്‍ണി ജനറല്‍ മുകുള്‍ രോഹതഗി ബാര്‍ ഉടമകള്‍ക്കുവേണ്ടി കോടതിയില്‍ ഹാജരായത് കേന്ദ്രസര്‍ക്കാരിന്റെ അനുമതി തേടിയശേഷമാണ്. ഒരു സംസ്ഥാനത്തെ മദ്യനയവുമായി ബന്ധപ്പെട്ട കേസില്‍ ബാര്‍ മുതലാളിമാര്‍ക്കുവേണ്ടി സുപ്രീംകോടതിയില്‍ ഹാജരാകാന്‍ കേന്ദ്രസര്‍ക്കാരിന്റെ ഔദ്യോഗിക അഭിഭാഷകന്‍ തയ്യാറാകുക എന്നത് അസാധാരണ നടപടിയാണ്.
രാഷ്ട്രീയവും നയപരവുമായ തീരുമാനം കൈക്കൊണ്ടാല്‍ മാത്രമേ അറ്റോര്‍ണി ജനറലിന് കേന്ദ്രഗവണ്‍മെന്റിന്റെ അനുമതി ലഭിക്കൂ. ത്രീ സ്റ്റാര്‍, ഫോര്‍ സ്റ്റാര്‍ ബാറുകള്‍ പൂട്ടിയതിനെ അംഗീകരിച്ച ഹൈക്കോടതി വിധി ചോദ്യം ചെയ്തുകൊണ്ടുള്ള ഹര്‍ജിയാണ് സുപ്രീം കോടതിയിലുള്ളത്. ഈ കേസില്‍ സംസ്ഥാന സര്ക്കാര് ബാറുടമകളുമായി ഒത്തുകളിക്കുകയാണെന്ന ആക്ഷേപം ശക്തമാണ്. ധനകാര്യമന്ത്രി കെ എം മാണിയും എക്സൈസ് മന്ത്രി കെ ബാബുവും ഉള്പ്പെട്ട ബാര്‍ കോഴക്കേസ് കോടതിയുടെ പരിഗണനയിലാണ്. കോഴ വാങ്ങിയ മന്ത്രിമാര്‍ക്കു മുന്നില്‍ തെളിയുന്നത് തടവറയാണ്.
ഇതിനെ അട്ടിമറിക്കാന്‍ മുഖ്യമന്ത്രി ഉമ്മന്‍ചാണ്ടിയുടെ നേതൃത്വത്തില്‍ ബാര്‍ മുതലാളിമാരുമായി രഹസ്യ കരാര്‍ ഉണ്ടാക്കി മുന്നോട്ടുനീങ്ങുകയാണ്. ഇതിന്റെ ഭാഗമായാണ് ഇത്തരം നീക്കങ്ങള്‍ നടക്കുന്നത്. ബാര്‍ മുതലാളിമാര്‍ക്കുവേണ്ടി സുപ്രീംകോടതിയില്‍ നേരത്തെ ഹാജരായ നാഗേശ്വര റാവുവില്‍ നിന്നും കോഴക്കേസില്‍ മന്ത്രി മാണിക്ക് അനുകൂലമായി നിയമോപദേശം വാങ്ങിയിരുന്നു. ബാര്‍ മുതലാളിമാരെ സഹായിച്ച് കോഴക്കേസ് ഒതുക്കാനുള്ള യുഡിഎഫ് സര്‍ക്കാരിന്റെ പരിശ്രമത്തിന് നരേന്ദ്രമോഡി ഗവണ്‍മെന്റ് സഹകരണാത്മക പിന്തുണ നല്‍കിയിരിക്കുകയാണ്.
യുഡിഎഫ് സര്‍ക്കാരിനെതിരായ കോഴക്കേസ് ഒതുക്കുന്നതിന് ഉമ്മന്‍ചാണ്ടിയുടെയും മോഡിയുടെയും സര്‍ക്കാരുകള്‍ കൈകോര്‍ത്തതിന്റെ വിളംബരമാണ് അറ്റോര്‍ണി ജനറല്‍ സുപ്രീംകോടതിയില്‍ ബാര്‍ ഉടമകള്‍ക്കുവേണ്ടി പ്രത്യക്ഷനായതെന്നും കോടിയേരി ബാലകൃഷ്ണന്‍ പ്രസ്താവനയില്‍ ചൂണ്ടിക്കാട്ടി.
ബാറുടമകള്‍ക്കുവേണ്ടി അറ്റോര്‍ണി ജനറല്‍
ബാറുടമകള്‍ക്കുവേണ്ടി അറ്റോര്‍ണി ജനറല്‍
ന്യൂഡല്‍ഹി > സംസ്ഥാന സര്‍ക്കാരിന്റെ മദ്യനയം ചോദ്യംചെയ്ത് സുപ്രീംകോടതിയില്‍ സമര്‍പ്പിച്ച ഹര്‍ജിയില്‍ ബാറുടമകള്‍ക്കുവേണ്ടി ഹാജരായത് അറ്റോര്‍ണി ജനറല്‍ മുകുള്‍ റോഹ്തഗി. കേന്ദ്ര സര്‍ക്കാരിന്റെ അനുമതിയോടെയാണ് ബാറുടമകള്‍ക്കുവേണ്ടി ഹാജരാകുന്നതെന്ന് റോഹ്തഗി കോടതിയെ അറിയിച്ചു. കണ്ണൂരിലെ ഫോര്‍സ്റ്റാര്‍ ബാറായ സ്കൈപേളിന് വേണ്ടിയാണ് ഹാജരായത്. ബാര്‍കോഴ കേസില്‍ മന്ത്രി കെ എം മാണിക്ക് അനുകൂലമായി നിയമോപദേശം നല്‍കിയ മുതിര്‍ന്ന അഭിഭാഷകന്‍ നാഗേശ്വരറാവു ബാറുടമകള്‍ക്കുവേണ്ടി ഹാജരാകുമെന്ന് അറിയിച്ചിരുന്നെങ്കിലും അവസാനിമിഷം നാടകീയമായിരുന്നു അറ്റോര്‍ണി ജനറലിന്റെ രംഗപ്രവേശം. അതേസമയം, ഹര്‍ജി പരിഗണിക്കുന്നത് 28ലേക്ക് മാറ്റിയതായി രണ്ടംഗ ബെഞ്ച് അറിയിച്ചു. വസ്തുതകള്‍ പരിശോധിക്കാതെയാണ് ഹൈക്കോടതി മദ്യനയം അംഗീകരിച്ചതെന്നും ഇടക്കാല ഉത്തരവിലൂടെ ബാറുകള്‍ക്ക് പ്രവര്‍ത്തനാനുമതി നല്‍കണമെന്നും ആവശ്യപ്പെട്ടാണ് ബാറുടമകള്‍ സുപ്രീംകോടതിയെ സമീപിച്ചത്.
മദ്യഉപഭോഗം കുറയ്ക്കുകയെന്ന അവകാശവാദത്തോടെ സംസ്ഥാന സര്ക്കാര് കൊണ്ടുവന്ന മദ്യനയത്തിനെതിരെ കേന്ദ്രസര്‍ക്കാരിന്റെ പരമോന്നത നിയമോപദേഷ്ടാവുതന്നെ രംഗത്തെത്തിയത് അസ്വാഭാവികമാണെന്നാണ് നിയമവൃത്തങ്ങളുടെ വിലയിരുത്തല്‍. സര്‍ക്കാരില്‍നിന്ന് മുന്‍കൂര്‍ അനുമതി നേടിയിരുന്നെന്ന അറ്റോര്‍ണി ജനറലിന്റെ വാദംകൂടി കണക്കിലെടുക്കുമ്പോള്‍, കേന്ദ്ര സര്‍ക്കാര്‍തന്നെ മദ്യനയത്തിനെതിരാണെന്ന ധാരണയും ശക്തമായിട്ടുണ്ട്. നേരത്തെയും ബാറുടമകള്‍ക്കുവേണ്ടി റോഹ്തഗി ഹാജരായിട്ടുണ്ടെങ്കിലും അറ്റോര്‍ണി ജനറലായി അധികാരമേറ്റശേഷം ഇതാദ്യമായാണ് കേസില്‍ ഹാജരാകുന്നത്. എന്നാല്‍, ബാറുടമകള്‍ക്കായി ഹാജരായതില്‍ നിയമപരമായ പ്രശ്നങ്ങളില്ലെന്ന് അറ്റോര്‍ണി ജനറല്‍ പ്രതികരിച്ചു. നേരത്തെ ബാര്‍കോഴ കേസില്‍ ധനമന്ത്രി കെ എം മാണിയെ പ്രതിചേര്‍ക്കുന്നതു സംബന്ധിച്ച് വിജിലന്‍സ് അറ്റോര്‍ണി ജനറലിന്റെയും നിയമോപദേശം തേടിയതായി റിപ്പോര്‍ട്ടുണ്ടായിരുന്നു. എന്നാല്‍, നിയമോപദേശം നല്‍കാനാകില്ലെന്ന നിലപാടാണ് അദ്ദേഹം സ്വീകരിച്ചിരുന്നതെന്ന് അടുത്ത വൃത്തങ്ങള്‍ പറഞ്ഞു.
സമയക്കുറവുകാരണം ഹര്‍ജി വെള്ളിയാഴ്ച പരിഗണിക്കേണ്ടതില്ലെന്നാണ് ജസ്റ്റിസുമാരായ അനില്‍ ആര്‍ ദവെയും ആര്‍ കെ അഗര്‍വാളും അടങ്ങുന്ന ബെഞ്ച് ആദ്യം തീരുമാനിച്ചത്. എന്നാല്‍, സംസ്ഥാനത്തെ മദ്യവ്യവസായത്തെ പ്രതികൂലമായി ബാധിക്കുന്ന വിഷയമാണിതെന്നും നിരവധി പേരുടെ ജോലി പ്രശ്നത്തിലാണെന്നും ചൂണ്ടിക്കാണിച്ച് ഹര്‍ജി അടിയന്തരമായി പരിഗണിക്കണമെന്ന് അറ്റോര്‍ണി ജനറല്‍ ആവശ്യപ്പെട്ടു. മദ്യവ്യവസായത്തെ തകര്‍ക്കുന്ന നിലപാടാണ് സംസ്ഥാന സര്‍ക്കാരിന്റേതെന്നും റോഹ്തഗി പറഞ്ഞു. സംസ്ഥാന സര്‍ക്കാരിന്റെ മദ്യനയം അപ്രായോഗികമാണെന്ന് സുപ്രീംകോടതി നേരത്തെ നിരീക്ഷിച്ചിരുന്നു. ബാര്‍ഹോട്ടലുകളെ ഫൈവ്സ്റ്റാര്‍, ഫോര്‍സ്റ്റാര്‍, ത്രീസ്റ്റാര്‍ എന്നിങ്ങനെ തരംതിരിക്കുന്നതിലെ ഔചിത്യവും കോടതി ചോദ്യംചെയ്തിരുന്നു.
സംസ്ഥാനത്ത് ബാറുകളുടെ ലൈസന്‍സ് കാലാവധി കഴിഞ്ഞ മാര്‍ച്ച് 31ന് അവസാനിച്ചിരുന്നു. പുതിയ മദ്യനയത്തിന്റെ അടിസ്ഥാനത്തിലാകണം ലൈസന്‍സ് പുതുക്കിനല്‍കല്‍ ഉള്‍പ്പെടെയുള്ള വിഷയങ്ങളില്‍ തീരുമാനമെടുക്കേണ്ടതെന്ന് സംസ്ഥാന സര്ക്കാര് വാദിക്കുന്നു. ഫൈവ്സ്റ്റാര്‍ ഹോട്ടലുകള്‍ക്ക് മാത്രമേ ബാര്‍ ലൈസന്‍സ് അനുവദിക്കേണ്ടതുള്ളൂവെന്ന സംസ്ഥാന സര്ക്കാര് നിലപാട് നേരത്തെ ഹൈക്കോടതി ശരിവച്ചിരുന്നു. ഈ സാഹചര്യത്തിലാണ്, ബാറുടമകള്‍ സുപ്രീംകോടതിയെ സമീപിച്ചത്. 24 ഫൈവ്സ്റ്റാര്‍ ബാറുകള്‍ മാത്രമാണ് സംസ്ഥാനത്ത് പ്രവര്‍ത്തിക്കുന്നത്.
ബാറുടമകള്‍ക്ക് വേണ്ടി അറ്റോര്‍ണി ഹാജരായത് ഞെട്ടിച്ചെന്ന് കോണ്‍ഗ്രസ് നേതാവ് ആനന്ദ്ശര്‍മ പ്രതികരിച്ചു.
രക്ഷപ്പെടല്‍ എളുപ്പമല്ല
രക്ഷപ്പെടല്‍ എളുപ്പമല്ല
ബാര്‍ കോഴക്കേസില്‍നിന്ന് ഭരണാധികാരം ഉപയോഗിച്ച് രക്ഷപ്പെടാന്‍ തങ്ങള്‍ ഒരുക്കുന്ന തന്ത്രങ്ങള്‍ അപ്പാടെ കോടതി വെള്ളംതൊടാതെ വിഴുങ്ങിക്കൊള്ളും എന്ന യുഡിഎഫ് നേതൃത്വത്തിന്റെ മോഹത്തിന് തിരിച്ചടിയേല്‍ക്കുന്നു. തെളിവില്ലെന്നു പറഞ്ഞ് വിജിലന്‍സ് നല്‍കിയ റിപ്പോര്‍ട്ട് അപ്പാടെ അംഗീകരിച്ച് കെ എം മാണിയുടെയും കെ ബാബുവിന്റെയും മറ്റും മോഹങ്ങള്‍ക്ക് ജുഡീഷ്യറി തുല്യംചാര്‍ത്തിക്കൊടുക്കും എന്ന് കരുതിയവര്‍ക്കു തെറ്റി. ദ്രുതപരിശോധനാ റിപ്പോര്‍ട്ട്, കേസ് ഡയറി, വിജിലന്‍സ് ഡയറക്ടറുടെ റിപ്പോര്‍ട്ട് തുടങ്ങിയവയൊക്കെ വിളിപ്പിച്ചിരിക്കുകയാണ് കോടതി. ശുഭോദര്‍ക്കമാണിത്.
ബാര്‍ കോഴക്കേസില്‍ ധനമന്ത്രി കെ എം മാണിയെ കുറ്റവിമുക്തനാക്കും വിധമാണ് വിജിലന്‍സ് തിരുവനന്തപുരം പ്രത്യേക വിജിലന്‍സ് കോടതിയില്‍ റിപ്പോര്‍ട്ട് സമര്‍പ്പിച്ചത്. മാണി അംഗമായ മന്ത്രിസഭയ്ക്കുകീഴില്‍ പ്രവര്‍ത്തിക്കുന്ന വിജിലന്‍സ് ഇതല്ലാതെ മറ്റൊന്നു ചെയ്യുമെന്ന് പ്രതീക്ഷിക്കാന്‍ കഴിയുമായിരുന്നില്ല; പ്രത്യേകിച്ചും മാണിയുടെയും അദ്ദേഹത്തിന്റെ പാര്‍ടിയുടെയും ദയാദാക്ഷിണ്യത്തിലാണ് ഉമ്മന്‍ചാണ്ടിയുടെ മുഖ്യമന്ത്രിസ്ഥാനം എന്നിരിക്കെ. മാണിക്കെതിരായ നിയമനടപടികളെ അതിന്റെ വഴിക്കു നീങ്ങാന്‍ അനുവദിച്ചാല്‍ തെറിക്കുന്നത് തന്റെ മുഖ്യമന്ത്രിസ്ഥാനമാണെന്ന് ഉമ്മന്‍ചാണ്ടിക്കറിയാം. അതിനുമപ്പുറം, നിയമത്തിന്റെയോ നീതിയുടെയോ നടത്തിപ്പ് നേര്‍വഴിക്കാകണമെന്ന കാര്യത്തില്‍ വിശേഷാല്‍ നിഷ്കര്‍ഷയുള്ളയാളൊന്നുമല്ല അദ്ദേഹം. തനിക്കെതിരായ കേസ് പിന്‍വലിക്കാന്‍ അനുവദിക്കണമെന്ന് കോടതിയില്‍ ചെന്നുപറയണമെന്നു നിശ്ചയിച്ച മന്ത്രിസഭായോഗത്തില്‍ അധ്യക്ഷത വഹിച്ചയാള്‍, തന്റെ മന്ത്രിസഭയിലെ സഹപ്രവര്‍ത്തകന്റെ കേസ് ഇല്ലാതാക്കിക്കൊടുക്കണമെന്ന ആഗ്രഹത്തിനുമേല്‍ മറിച്ചൊരു തീരുമാനമെടുക്കുമെന്ന് ആര്‍ക്ക് കരുതാനാകും? അഴിമതി നടത്താനും അതിന്റെ തെളിവുകള്‍ തേച്ചുമാച്ചുകളയാനുമുള്ള സംവിധാനമാക്കി ഭരണത്തെ അധഃപതിപ്പിച്ച ഇവരില്‍നിന്ന് ധാര്‍മികതയുടെ കണികപോലും പ്രതീക്ഷിച്ചിട്ട് കാര്യമില്ല.
കോഴ ഇടപാട് നടന്നതിന്റെ എ മുതല്‍ ഇസഡ് വരെ തെളിവുകള്‍ ഉണ്ടെന്ന് നേരത്തെ വ്യക്തമാക്കിയ അതേ എസ്പിയെക്കൊണ്ടാണ് ഇപ്പോള്‍ തെളിവുകള്‍ അപര്യാപ്തമാണെന്ന മട്ടിലുള്ള റിപ്പോര്‍ട്ട് കൊടുപ്പിച്ചത്. ഏത് കോടതി മുമ്പാകെയാണോ ഈ റിപ്പോര്‍ട്ട് നല്‍കിയത്, ആ കോടതിക്കുതന്നെയറിയാം ഒരു ഘട്ടത്തില്‍ ഇതേ എസ്പിതന്നെ മാണിയെ പ്രോസിക്യൂട്ട് ചെയ്യാന്‍ വേണ്ടതിന്റെ 60 ശതമാനവും തെളിവ് ശേഖരിച്ചതായി വ്യക്തമാക്കിയിരുന്നു എന്ന്. ഇതോടെ ഈ രാജ്യത്ത് നിയമവാഴ്ചയും നീതിസംവിധാനവും പുലരണമെന്ന് ആഗ്രഹിക്കുന്ന മുഴുവനാളുകളുടെയും കണ്ണ് വിജിലന്‍സ് കോടതിയുടെ മേലായി. പൊതുജീവിതത്തിലെ ശുദ്ധി കളങ്കപ്പെടാനുവദിക്കില്ല എന്ന് കോടതി കരുതുന്നു എന്നതിന്റെ സൂചനയുണ്ട് വ്യാഴാഴ്ചത്തെ നടപടിയില്‍. ആശ്വാസകരമാണിത്.
ശാസ്ത്രീയ തെളിവുണ്ട്. സാഹചര്യത്തെളിവുണ്ട്. നുണപരിശോധനാ ഫലമുണ്ട്. 20 ശതമാനം തെളിവുണ്ടെങ്കില്‍ കുറ്റപത്രം നല്‍കണമെന്ന സുപ്രീംകോടതി നിര്‍ദേശമിരിക്കെ 60 ശതമാനം തെളിവുണ്ടെന്ന് കേസന്വേഷിച്ച എസ്പിതന്നെ വ്യക്തമാക്കിയശേഷവും കുറ്റപത്രം ഒഴിവാക്കി കേസ് അവസാനിപ്പിക്കാന്‍ സര്ക്കാര് കാട്ടുന്ന വ്യഗ്രതയുണ്ട്. ഇതൊക്കെ പൊതുജനത്തിന്റെ കണ്ണില്‍മാത്രമല്ല, കോടതിയുടെ ദൃഷ്ടിപഥത്തിലുമുണ്ട്. ബാര്‍ കോഴക്കേസില്‍ കടുത്ത സമ്മര്‍ദമുണ്ടായി എന്ന് എഡിജിപി സ്ഥാനം വഹിച്ച ജേക്കബ് തോമസും എസ്പിയായ സുകേശനും പറഞ്ഞതും ആ എഡിജിപിയെ മാറ്റി മന്ത്രിസഭയ്ക്ക് സ്വീകാര്യനായ ഒരാളെ നിയമിച്ചതും ഒക്കെ പൊതുശ്രദ്ധയിലുണ്ട്. കുറ്റപത്രം സമര്‍പ്പിക്കേണ്ടതില്ല എന്ന സ്ഥിതിയുണ്ടാക്കാന്‍ സര്‍ക്കാര്‍പെട്ട പാട് ചെറുതൊന്നുമല്ല. ബാറുടമകള്‍ക്കുവേണ്ടി സുപ്രീംകോടതിയില്‍ വാദിക്കുന്ന എല്‍ നാഗേശ്വരറാവുവിലേക്കുവരെ ഇതിനായി ഈ സര്ക്കാര് നിയമോപദേശം തേടിപ്പോയി. ബാര്‍ ഉടമകളുടെ വക്കീലാകുമ്പോള്‍ എളുപ്പമുണ്ടല്ലോ എന്നു കരുതിക്കാണണം. അങ്ങനെയൊക്കെ ഉണ്ടാക്കിയെടുത്ത അതിദുര്‍ബലമായ നിയമോപദേശത്തിന്റെ തട്ടില്‍നിന്നാണ് തങ്ങളുടെ മന്ത്രിക്കെതിരെ കേസ് എടുക്കുന്ന സ്ഥിതി ഒഴിവാക്കിത്തരണേ എന്ന് ആ മന്ത്രി ഉള്പ്പെട്ട മന്ത്രിസഭയ്ക്കു കീഴില്‍ പ്രവര്‍ത്തിക്കുന്നതും ഒട്ടും സ്വതന്ത്രമല്ലാത്തതുമായ വിജിലന്‍സ് വകുപ്പ് കോടതിയോട് അഭ്യര്‍ഥിക്കുന്നത്.
മുമ്പ് ഒരു വിജിലന്‍സ് ജഡ്ജി ഉമ്മന്‍ചാണ്ടിക്കെതിരെ തുടരന്വേഷണം വേണമെന്നു പറഞ്ഞപ്പോള്‍ യുഡിഎഫും അതിന്റെ സര്ക്കാര് സംവിധാനമാകെത്തന്നെയും ആ ജഡ്ജിക്കെതിരെ ഇരച്ചുചെന്നു. ആക്ഷേപങ്ങളുന്നയിച്ച് കേസ് കേള്‍ക്കുന്നതില്‍നിന്ന് ആ ജഡ്ജിയെ പിന്മാറ്റി. അതാണ് ഇവര്‍ക്ക് കോടതിയോടുള്ള ആദരവിന്റെ നില. ഏത് ജഡ്ജിയെയും തങ്ങള്‍ക്കനുകൂലമല്ല എങ്കില്‍ പാഠം പഠിപ്പിക്കുമെന്ന ഈ ഹുങ്ക് കോടതികള്‍തന്നെ തിരിച്ചറിയുമെന്നു നമുക്ക് പ്രത്യാശിക്കാം. കേസ് നിലനിന്നാല്‍ പ്രതിയാകുമെന്ന് ആശങ്കപ്പെടുന്നയാള്‍ തന്നെയല്ലേ കേസ് പിന്‍വലിക്കണമെന്ന് നിശ്ചയിച്ച മന്ത്രിസഭായോഗത്തില്‍ അധ്യക്ഷത വഹിച്ചത് എന്നു ചോദിച്ച ഉജ്വലമായ മുഹൂര്‍ത്തങ്ങള്‍ ഇന്ത്യന്‍ ജുഡീഷ്യറിയുടെ സമീപനാളുകളുടെ ചരിത്രത്തില്‍ത്തന്നെ ഉണ്ടായിട്ടുണ്ട് എന്ന വസ്തുത ഈ പ്രത്യാശയ്ക്ക് തിളക്കമേകുന്നുണ്ട്.
കേസ് അവസാനിപ്പിക്കാനുള്ള മന്ത്രിസഭാതലത്തിലുള്ള ഈ നീക്കം യഥാര്‍ഥത്തില്‍ നീണ്ട നിയമയുദ്ധപ്രക്രിയക്ക് തുടക്കമാകാന്‍ പോവുകയാണ്. അത്ര എളുപ്പത്തില്‍ രക്ഷപ്പെട്ടുപോകാന്‍ കഴിയാത്തവിധം മുറുകാന്‍ പോവുകയാണ് പല തലങ്ങളിലായി ഇനിവരുന്ന ഘട്ടത്തില്‍ ഈ കേസിന്റെ കുരുക്കുകള്‍. എഡിജിപിയെ സ്ഥാനത്തുനിന്ന് മാറ്റി സ്വന്തം ആളെ വച്ചതും അയാളെക്കൊണ്ട് മന്ത്രിസഭയുടെ ആഗ്രഹപ്രകാരമുള്ള റിപ്പോര്‍ട്ട് എഴുതിച്ചതും മാണിക്കുവേണ്ടി ബാര്‍കേസ് അഭിഭാഷകനെക്കൊണ്ട് നിയമോപദേശം എഴുതിവാങ്ങിച്ചതും 60 ശതമാനം തെളിവുണ്ടെന്ന സത്യം പൂഴ്ത്തിവച്ച് തെളിവില്ലെന്ന് കോടതിയില്‍ റിപ്പോര്‍ട്ട് കൊടുക്കുന്നതുമൊക്കെ എങ്ങനെയും രക്ഷപ്പെടാനുള്ള വെപ്രാളത്തിന്റെ ഭാഗമാകാം. എന്നാല്‍, ആ വെപ്രാളത്തില്‍ കുരുക്കുകള്‍ കൂടുതല്‍ മുറുകുകയേയുള്ളൂ വരുംഘട്ടങ്ങളില്‍.
മദ്യനയം: ബാറുടമകള്‍ക്കായി അറ്റോര്‍ണി ജനറല്‍; ഹര്‍ജി മാറ്റി
മദ്യനയം: ബാറുടമകള്‍ക്കായി അറ്റോര്‍ണി ജനറല്‍; ഹര്‍ജി മാറ്റി
ന്യൂഡല്‍ഹി> സംസ്ഥാന സര്‍ക്കാരിന്റെ മദ്യനയം ചോദ്യം ചെയ്ത് ബാറുടമകള്‍ നല്‍കിയ ഹര്‍ജി സുപ്രീംകോടതി മാറ്റിവെച്ചു. ജൂലൈ 28ലേക്കാണ് മാറ്റിവെച്ചത്. ഫൈവ് സ്റ്റാര്‍ ബാറുകള്‍ക്ക് മാത്രം പ്രവര്‍ത്തനാനുമതി നല്‍കുന്ന മദ്യനയം വിവേചനപരമാണെന്ന് ചുണ്ടിക്കാട്ടിയാണ് ബാറുടമകള്‍ ഹര്‍ജി നല്‍കിയിരുന്നത്.
വസ്തുതകള്‍ പരിശോധിക്കാതെയാണ് ഹൈക്കോടതി മദ്യനയം അംഗീകരിച്ചതെന്നും ബാറുടമകള്‍ വാദിക്കുന്നു. ഇടക്കാല ഉത്തരവിലൂടെ ബാറുകള്‍ക്ക് പ്രവര്‍ത്തനാനുമതി നല്‍കണമെന്നും ബാറുടമകള്‍ ആവശ്യപ്പെട്ടിരുന്നു.അതേസമയം ബാറുടമകര്‍ക്ക് വേണ്ടി വാദിക്കാന്‍ അറ്റോര്‍ണി ജനറല്‍ മുകുള്‍ റോഹ്തഗി ഹാജരായി. കണ്ണൂരിലെ സ്കൈപേള്‍ ബാറിനു വേിയാണ് മുകുള്‍ റോഹ്തഗി സുപ്രീംകോടതിയില്‍ ഹാജരായത്. സര്‍ക്കാരിന്റെ അനുമതിയോടെയാണ് കേസില്‍ ഹാജരായതെന്ന് റോഹ്തഗി സുപ്രീംകോടതിയെ അറിയിച്ചു.
സംസ്ഥാന സര്‍ക്കാരിന്റെ മദ്യനയം ചോദ്യംചെയ്താണ് ബാറുടമകള്‍ സുപ്രീംകോടതിയെ സമീപിച്ചത്. സുപ്രീംകോടതിയുടെ പുതിയ ബെഞ്ചാണ് കേസ് പരിഗണിക്കുന്നത്. മൂന്നംഗ ബെഞ്ചിനു പകരം ജസ്റ്റിസ് അനില്‍ ആര്‍. ദവെയും ജസ്റ്റിസ് ആര്‍.കെ. അഗര്‍വാളുമടങ്ങുന്ന രണ്ടംഗബെഞ്ചാണ് കേസ് കേള്‍ക്കുന്നത്. ഹര്‍ജിയില്‍ ഇടക്കാല ഉത്തരവ് പുറപ്പെടുവിക്കുന്നതിനായിട്ടാണ് മാറ്റിയത്. എന്നാല്‍, ഇടക്കാല ഉത്തരവ് നല്‍കാവുന്ന കേസല്ലിതെന്ന് സംസ്ഥാനസര്‍ക്കാര്‍ സുപ്രീംകോടതിയില്‍ സമര്‍പ്പിച്ച സത്യവാങ്മൂലത്തില്‍ അറിയിച്ചു. ബാര്‍ നടത്തുന്നതിനു നല്‍കിയിരുന്ന ലൈസന്‍സിന്റെ കാലാവധി മാര്‍ച്ച് 31ന് അവസാനിച്ചു. ഈ സാഹചര്യത്തില്‍ ലൈസന്‍സ് പുതുക്കിനല്‍കണമെന്ന ബാറുടമകളുടെ ആവശ്യം നിയമപരമായി നിലനില്‍ക്കില്ല.
ലൈസന്‍സ് കാലാവധി കഴിഞ്ഞ സാഹചര്യത്തില്‍ ഇനി പുതിയ മദ്യനയത്തിന്റെ അടിസ്ഥാനത്തിലാണ് കാര്യങ്ങള്‍ തീരുമാനിക്കുന്നതെന്നാണ് സംസ്ഥാനസര്‍ക്കാരിന്റെ നിലപാട്.മദ്യനയം രൂപവത്കരിക്കാന്‍ സര്‍ക്കാരിന് അവകാശമുണ്ടെന്നും സര്ക്കാര് കോടതിയെ അറിയിച്ചിട്ടുണ്ട്. ഹൈക്കോടതി വിധിയുടെ അടിസ്ഥാനത്തില്‍ ഫൈവ് സ്റ്റാര്‍ അല്ലാത്ത ബാറുകള്‍ സര്ക്കാര് പൂട്ടുകയായിരുന്നു. 24 ഫൈവ് സ്റ്റാര്‍ ബാറുകള്‍ മാത്രമാണ് ഇപ്പോള്‍ സംസ്ഥാനത്ത് പ്രവര്‍ത്തിക്കുന്നത്. ആദ്യ ഘട്ടത്തില്‍ 418 ബാറുകളും പിന്നീട് 300 ബാറുകളുമാണ് സംസ്ഥാനത്ത് പൂട്ടിയത്.
തലശേരിയില്‍ ആര്‍എസ്എസ് പ്രാദേശിക നേതാക്കളുള്‍പ്പെട്ട വന്‍കവര്‍ച്ചാസംഘം അറസ്റ്റില്‍
തലശേരിയില്‍ ആര്‍എസ്എസ് പ്രാദേശിക നേതാക്കളുള്‍പ്പെട്ട വന്‍കവര്‍ച്ചാസംഘം അറസ്റ്റില്‍
തലശേരി > ആര്‍എസ്എസ് പ്രാദേശിക നേതാക്കളുള്‍പ്പെട്ട വന്‍കവര്‍ച്ചാസംഘം തലശേരിയില്‍ അറസ്റ്റില്‍. കുപ്രസിദ്ധമോഷ്ടാവ് കൊല്ലം കരുനാഗപള്ളി ചെറിയഅഴീക്കല്‍ താഴച്ചേരി ഹൗസില്‍ പ്രകാശ്ബാബു എന്ന മുഹമ്മദിനിയാസ്(37), ആര്‍എസ്എസ് പ്രവര്‍ത്തകരായ മട്ടന്നൂര്‍ തില്ലങ്കേരി പന്നിയോടന്‍ഹൗസില്‍ പി എം വിനീഷ്(28), മാഹിചെമ്പ്ര സ്വദേശികളായ കുന്നുമ്മല്‍ഹൗസില്‍ അനീഷ്കുമാര്‍(22), അയനിയാട്ട് വീട്ടില്‍ ഇളവരശന്‍ എന്ന കാരി സതീഷ്(28), പാനൂര്‍ വള്ളങ്ങാട്ടെ എരഞ്ഞിക്കന്റവിട നവനീത് എന്ന കുക്കു(23), അനുജന്‍ നിവേദ് എന്ന അപ്പു(22) എന്നിവരെയാണ് സിഐ വിശ്വംഭരന്‍നായരും സംഘവും അറസ്റ്റ്ചെയ്തത്.
അക്രമകേസുകളില്‍ കണ്ണൂര്‍ സെന്‍ട്രല്‍ജയിലില്‍കിടന്ന ആര്‍എസ്എസുകാര്‍ അവിടെവെച്ച് പരിചയപ്പെട്ട പ്രകാശ്ബാബുവുമായി ചേര്‍ന്ന് ഒരു വര്‍ഷത്തോളമായി മോഷണം നടത്തുകയായിരുന്നു. കോഴിക്കോട്, കണ്ണൂര്‍ ജില്ലകളിലും മാഹിയിലുമായി നൂറ്റമ്പത്പവനിലേറെ സ്വര്‍ണവും ലക്ഷക്കണക്കിന് രൂപയും ഇലക്ട്രോണിക്സ് ഉപകരണങ്ങളും കവര്‍ന്നിട്ടുണ്ട്. മോഷണത്തിന് ഉപയോഗിക്കുന്ന സാമഗ്രികളും ഓട്ടോറിക്ഷയും ഉള്‍പ്പെടെ കസ്റ്റഡിയിലെടുത്തിട്ടുണ്ട്. പൂട്ടിയിട്ട വീടുകള്‍ കേന്ദ്രീകരിച്ചാണ് മോഷണം. കൂടുതല്‍ പ്രതികളുണ്ടെന്നും അന്വേഷണംതുടരുകയാണെന്നും പൊലീസ് പറഞ്ഞു.
ബാര്‍കോഴ കേസ് അട്ടിമറിക്കാന്‍ : കോണ്‍ഗ്രസും ബിജെപിയും ഒത്തുകളിക്കുന്നു-വിഎസ്
ബാര്‍കോഴ കേസ് അട്ടിമറിക്കാന്‍ : കോണ്‍ഗ്രസും ബിജെപിയും ഒത്തുകളിക്കുന്നു-വിഎസ്
തിരുവനന്തപുരം > അറ്റോര്‍ണി ജനറല്‍ മുകില്‍ റോഹ്ത്തഗി ബാര്‍ ഉടമയ്ക്ക് വേണ്ടി സുപ്രീംകോടതിയില്‍ ഹാജരായതോടെ, കെഎംമാണി പ്രതിയായ ബാര്‍ക്കോഴ കേസ് അട്ടിമറിക്കാന്‍ സംസ്ഥാന സര്‍ക്കാരും, ബിജെപിയും ചേര്‍ന്ന് നടത്തിയ കള്ളക്കളി തെളിയിക്കപ്പെട്ടിരിക്കുകയാണെന്ന് പ്രതിപക്ഷനേതാവ് വി എസ് അച്യുതാനന്ദന്‍.
ബാര്‍ ഉടമയ്ക്ക് വേണ്ടി സുപ്രീം കോടതിയില്‍ ഹാജരാകാന്‍ കേന്ദ്രസര്‍ക്കാര്‍ അറ്റോര്‍ണി ജനറലിന് അനുവാദം വാങ്ങിക്കൊടുത്തത് കേരളത്തിലെ ബിജെപി നേതൃത്വമാണ്. ഇതിലൂടെ അഴിമതിക്കാരനായ മാണിയെ രക്ഷിക്കാന്‍ കോണ്‍ഗ്രസും, ബിജെപിയും ബദ്ധകങ്കണരായി പ്രവര്‍ത്തിക്കുന്ന കാര്യം വെളിപ്പെട്ടിരിക്കുകയാണെന്നും വിഎസ് പറഞ്ഞു.
കണ്ണൂരിലെ സില്‍വര്‍പേള്‍ ബാറിന്റെ വക്കാലത്ത് ഏറ്റെടുത്താണ് അറ്റോര്‍ണി ജനറല്‍ ഇന്ന് സുപ്രീംകോടതിയില്‍ ഹാജരായി കേസ് മാറ്റി വെപ്പിച്ചത്. കേന്ദ്ര സര്‍ക്കാരിന്റെ ഔദ്യോഗിക അഭിഭാഷകനായ അറ്റോര്‍ണി ജനറല്‍ റോഹ്ത്തകി സര്‍ക്കാരിന്റെ പ്രത്യേക അനുമതി വാങ്ങിയാണ് ബാര്‍ ഉടമയ്ക്ക് വേണ്ടി ഹാജരായത്. ഇങ്ങനെ ഒരാളെ നിയമോപദേശത്തിനുവേണ്ടി തെരഞ്ഞുപിടിക്കാന്‍ വിജിലന്‍സ് മേധാവി വിന്‍സണ്‍ എം പോള്‍ കാണിച്ച സാമര്‍ത്ഥ്യം അപാരം തന്നെ. ഇദ്ദേഹത്തില്‍ നിന്ന് നിയമോപദേശം തേടുന്നത് തെറ്റാണെന്ന് താന്‍ നേരത്തെതന്നെ പറഞ്ഞിരുന്നതാണ്.
മുന്‍ അറ്റോര്‍ണി ജനറല്‍ നാഗേശ്വരറാവിന്റെ പക്കല്‍ നിന്ന് നിയമോപദേശം ആരാഞ്ഞതും ശരിയല്ലെന്ന് താന്‍ സൂചിപ്പിച്ചിരുന്നതാണ്. ഇന്നിപ്പോള്‍ നാഗേശ്വരറാവുവും ബാര്‍ ഉടമകള്‍ക്ക് വേണ്ടി സുപ്രീംകോടതിയില്‍ ഹാജരായിരിക്കുകയാണ്. അതായത് മാണിയെ ഏതുവിധേനയും രക്ഷപ്പെടുത്താന്‍ പ്രവര്‍ത്തിക്കുന്ന അഭിഭാഷകരുടെ തന്നെ ഉപദേശമാണ് വിന്‍സണ്‍ എംപോള്‍, സര്ക്കാര് നിര്‍ദ്ദേശപ്രകാരം ആധാരമായി എടുത്തിട്ടുളളതെന്നും വിഎസ് പറഞ്ഞു.
വിമാന ടിക്കറ്റ് നിരക്ക് വര്‍ധന പ്രവാസികളോടുള്ള യുദ്ധപ്രഖ്യാപനം: പിണറായി
വിമാന ടിക്കറ്റ് നിരക്ക് വര്‍ധന പ്രവാസികളോടുള്ള യുദ്ധപ്രഖ്യാപനം: പിണറായി
തിരുവനന്തപുരം > ഗള്‍ഫ് നാടുകളിലേക്കും തിരിച്ചും ഉള്ള വിമാന ടിക്കറ്റ് നിരക്കിലെ കൊള്ള പ്രവാസികളോടുള്ള യുദ്ധം തന്നെയാണെന്ന് സിപിഐ എം പൊളിറ്റ്ബ്യൂറോ അംഗം പിണറായി വിജയന്‍ പറഞ്ഞു. അവധിക്കാലത്ത് വിമാന കമ്പനികള്‍ക്ക് സര്‍വീസ് നടത്താന്‍ അധിക ചെലവില്ല, പക്ഷെ നിരക്ക് മൂന്നിരട്ടിയും അതിലധികവുമായി വര്‍ധിപ്പിക്കുന്നു.ഗള്‍ഫ് നാടുകളില്‍ ഇത് അവധിയുടെ നാളുകളാണ്. അവിടെ ജോലി ചെയ്യുന്നവര്‍ക്ക് നാട്ടിലെത്താനുള്ള അവസരം. ഒന്നും രണ്ടും വര്‍ഷം കാത്തിരുന്നു ലഭിക്കുന്ന ആ അവസരമാണ്, സാധാരണക്കാര്‍ക്ക് താങ്ങാനാകാത്ത വിമാനക്കൂലി അടിച്ചേല്‍പ്പിക്കുന്നതിലൂടെ ഇല്ലാതാക്കുന്നതെന്നും അദ്ദേഹം ഫേസ്ബുക്ക് പോസ്റ്റിലൂടെ പറഞ്ഞു.
വിമാനയാത്രയ്ക്കിടയില്‍ കൈയില്‍ കൊണ്ടുപോകാവുന്ന കാബിന്‍ ബാഗേജിനുമേല്‍ എയര്‍ ഇന്ത്യയും എയര്‍ ഇന്ത്യ എക്സ്പ്രസ്സും ഏര്‍പ്പെടുത്തിയ നിയന്ത്രണം ഇതിനോട് ചേര്‍ത്തു വായിക്കണം. യാത്രക്കാരെ പിഴിഞ്ഞ് ലാഭമുണ്ടാക്കാന്‍ പൊതുമേഖലാ സ്ഥാപനം മത്സരിക്കുമ്പോള്‍ അമിത ലാഭമോഹികളായ സ്വകാര്യ വിമാനക്കമ്പനികളുടെ കാര്യം ഊഹിക്കാവുന്നതേയുള്ളൂ.
ഈ കൊള്ളയെ പ്രോത്സാഹിപ്പിക്കുന്നതായിരുന്നു മുന്‍ യു പി എ സര്‍ക്കാരിന്റെ നിലപാട്. അത് തന്നെ ഇപ്പോള്‍ ബി ജെ പി സര്‍ക്കാരും തുടരുന്നു. പ്രവാസികളോട് ഇവര്‍ക്ക് സ്നേഹം വാക്കില്‍ മാത്രമാണ്.ഗള്‍ഫ് രാജ്യങ്ങളില്‍ തൊഴിലെടുക്കുന്ന മലയാളികളെ ബാധിക്കുന്ന പ്രശ്നത്തില്‍ സംസ്ഥാന സര്‍ക്കാരും ശ്രദ്ധ പതിപ്പിക്കണം. വിമാന യാത്രയിലെ കൊള്ള അവസാനിപ്പിക്കണമെന്നും അദ്ദേഹം ആവശ്യപ്പെട്ടു.
സമരത്തില്‍ പങ്കെടുത്തതിന് പ്രതികാരം: പൊലീസിന്റെ വിദ്യാര്‍ഥിവേട്ട
സമരത്തില്‍ പങ്കെടുത്തതിന് പ്രതികാരം: പൊലീസിന്റെ വിദ്യാര്‍ഥിവേട്ട
തിരുവനന്തപുരം > പാഠപുസ്തകം ആവശ്യപ്പെട്ട് സമരം ചെയ്ത എസ്എഫ്ഐ പ്രവര്‍ത്തകര്‍ക്ക് ജാമ്യം നിഷേധിക്കാന്‍ പൊലീസിന്റെ നെറികെട്ട നീക്കം. ബാരിക്കേഡ് നശിപ്പിച്ചതിന് ഒരുലക്ഷം രൂപ നാശനഷ്ടം കണക്കാക്കിയാണ് യൂണിവേഴ്സിറ്റി കോളേജ് വിദ്യാര്‍ഥി വൈശാഖിനെ ജാമ്യം നേടാനാകാത്ത സ്ഥിതിയുണ്ടാക്കി ജയിലിലിടാന്‍ ശ്രമിക്കുന്നത്.പാഠപുസ്തകം ആവശ്യപ്പെട്ട് എസ്എഫ്ഐ നടത്തിയ നിയമസഭാമാര്‍ച്ചില്‍ പങ്കെടുത്തതിന്റെ പേരിലാണ് പൊലീസിന്റെ ക്രൂരത. ബാരിക്കേഡിന് സമീപമെത്തിയപ്പോള്‍ത്തന്നെ പൊലീസ് വിദ്യാര്‍ഥിവേട്ട ആരംഭിച്ചിരുന്നു. ഗ്രനേഡും കണ്ണീര്‍വാതകവും ലാത്തിയും പ്രയോഗിച്ച് ഭീകരമായി അക്രമിക്കുകയായിരുന്നു പൊലീസ്. നിരവധി വിദ്യാര്‍ഥികള്‍ക്കാണ് ആക്രമണത്തില്‍ പരിക്കേറ്റത്. എന്നിട്ടും കലിയടങ്ങാതെ കള്ളക്കേസ് ചുമത്തി വിദ്യാര്‍ഥികളെ വേട്ടയാടുകയാണ് പൊലീസ്. ഇരുമ്പ് കൊണ്ടുള്ള ബാരിക്കേഡ് നശിപ്പിച്ചെന്ന പെരുംനുണകള്‍ ചേര്‍ത്താണ് എഫ്ഐഎര്‍ എഴുതുന്നത്. ഇതിന് പുറമെ സമരത്തില്‍ പങ്കെടുത്ത വിദ്യാര്‍ഥികളുടെ വീട്ടില്‍ അതിക്രമിച്ച് കയറി വീട്ടുകാരെ ഭീഷണിപ്പെടുത്തുന്നു. കഴിഞ്ഞ ദിവസം എസ്എഫ്ഐ ജില്ലാസെക്രട്ടറി പ്രദിന്‍സാജ് കൃഷ്ണ, ജില്ലാകമ്മിറ്റിയംഗം ശരത്, അരുണ്‍, അഭിജിത്ത് എന്നിവരുടെ വീട്ടില്‍ പൊലീസെത്തി ഭീഷണിമുഴക്കി. വാതില്‍ ചവിട്ടിപ്പൊളിച്ച് കയറിയ പൊലീസുകാര്‍ വീട്ടിലെ സാധനങ്ങള്‍ വലിച്ചെറിയുകയും റേഷന്‍ കാര്‍ഡുള്‍പ്പെടെ എടുത്തുകൊണ്ടുപോകുകയും ചെയ്തു.
Thursday, July 09, 2015
മാണിയുടെ രാജി: സഭയില്‍ പ്രതിപക്ഷ ബഹളം ; വി എസ് കക്ഷിചേരും
മാണിയുടെ രാജി: സഭയില്‍ പ്രതിപക്ഷ ബഹളം ; വി എസ് കക്ഷിചേരും
തിരുവനന്തപുരം> ധനമന്ത്രി കെ എം മാണിയുടെ രാജി ആവശ്യപ്പെട്ട് നിയമസഭയില്‍ പ്രതിപക്ഷബഹളം.മാണി രാജി വെക്കണ മെന്നാവശ്യപ്പെട്ടുള്ള പ്ളക്കാര്‍ഡുകളുമായാണ് പ്രതിപക്ഷം സഭയിലെത്തിയത്. ബാര്‍ കോഴ അട്ടിമറിച്ചത് ചര്‍ച്ചചെയ്യണമെന്ന അടിയന്തരപ്രമേയത്തിന് അനുമതി നിഷേധിച്ചതോടെ പ്രതിപക്ഷം നടുത്തളത്തിലിറങ്ങി. ഉടനെ സ്പീക്കര്‍ തിരക്കിട്ട് സഭാ നടപടികള്‍ അവസാനിപ്പിച്ചു. പ്രതിപക്ഷം സഭയില്‍നിന്നിറങ്ങി ധര്‍ണനടത്തി.
അതേ സമയം മാണിക്കെതിരായ ബാര്‍കോഴകേസില്‍ പ്രതിപക്ഷനേതാവ് വി എസ് അച്യുതാനന്ദന്‍ കക്ഷി ചേരും. കേസ് തള്ളരുതെന്നാവശ്യപ്പെട്ടാണ് വി എസ് കക്ഷി ചേരുന്നത്. വി എസ് അച്യുതാനന്റെ പരാതിയിലാണ് ബാര്‍ കോഴ കേസ് വിജിലന്‍സ് അന്വേഷിച്ചത്. കേസില്‍ മാണി കുറ്റക്കാരനല്ലെന്ന വിധത്തില്‍ കഴിഞ്ഞ ദിവസം വിജിലന്‍സ് കോടതിയില്‍ റിപ്പോര്‍ട്ട് നല്‍കിയിട്ടുണ്ട്. ഈ റിപ്പോര്‍ട്ട് ഇന്ന് കോടതി പരിഗണിക്കും. പരാതിക്കാരനായ തന്റെ വാദംകൂടി കോടതി കേള്‍ക്കണം എന്നാവശ്യപ്പെട്ടാണ് വി എസ് കക്ഷിചേരുന്നത്.
ബാര്‍കോഴ കേസ് അട്ടിമറിച്ച സംഭവം സഭ നിര്‍ത്തിവെച്ച് ചര്‍ച്ചചെയ്യണമെന്നാവശ്യപ്പെട്ട് പ്രതിപക്ഷം അടിയന്തരപ്രമേയത്തിന് അനുമതി തേടി. സുരേഷ് കുറുപ്പ് എംഎല്‍എയാണ് അടിയന്തരപ്രമേയത്തിന് അനുമതി തേടിയത്. ബാര്‍കോഴ കേസ് സര്ക്കാര് അട്ടിമറിച്ചെന്നും പ്രതിയുടെ മൊഴി മാത്രം വിശ്വസിച്ച് വിജിലന്‍സ് അന്വേഷണം മുക്കിയെന്നും സുരേഷ്കുറുപ്പ് ആരോപിച്ചു. അന്വേഷണ ഉദ്യോഗസ്ഥനെ മറികടന്ന് മറ്റുള്ളവരില്‍നിന്ന് നിയമോപദേശം തേടിയതും കേസ് അട്ടിമറിക്കാനാണെന്ന് സുരേഷ് കുറുപ്പ് പറഞ്ഞു.
അതേസമയം കോടതിയുടെ പരിഗണനയിലിരിക്കുന്ന കേസിനെ കുറിച്ച് സഭയില്‍ ചര്‍ച്ചചെയ്യുന്നത് ചട്ടലംഘനമാകുമെന്നും അത് കോടതിയെ വരെ സ്വാധീനിച്ചേക്കാമെന്നുമായിരുന്നു ആഭ്യന്തരമന്ത്രി ചെന്നിത്തലയുടെ മറുപടി. 7 മാസംകൊണ്ട് കുറ്റമറ്റ ശാസ്ത്രീയ അന്വേഷണമാണ് കേസില്‍ നടത്തിയത്. കേസില്‍ നിയമോപദേശം തേടുന്നത് ഇതിന് മുമ്പും ഉണ്ടായിട്ടുണ്ടെന്നും ചെന്നിത്തല പറഞ്ഞു. തുടര്‍ന്ന് അടിയന്തരപ്രമേയത്തിന് സ്പീക്കര്‍ അനുമതി നിഷേധിക്കുയായിരുന്നു.
ബാര്‍കോഴ : മുഴുവന്‍ രേഖകളും ഹാജരാക്കണമെന്ന് കോടതി
ബാര്‍കോഴ : മുഴുവന്‍ രേഖകളും ഹാജരാക്കണമെന്ന് കോടതി
തിരുവനന്തപുരം > കെ എം മാണിക്കെതിരെയുള്ള ബാര്‍കോഴ കേസിന്റെ മുഴുവന്‍ രേഖകളും ഹാജരാക്കാന്‍ വിജിലന്‍സ് കോടതി നിര്‍ദ്ദേശിച്ചു. കേസില്‍ വിജിലന്‍സ് കഴിഞ്ഞ ദിവസം സമര്‍പ്പിച്ച അന്വേഷണ റിപ്പോര്‍ട്ട് പരിഗണിക്കുമ്പോഴാണ് സര്‍ക്കാരിന് ഇരുട്ടടിയാകുന്ന നിര്‍ദ്ദേശമുണ്ടായത്.
കേസ് ഡയറിയും ക്വിക്ക് വെരിഫിക്കേഷന്‍ റിപ്പോര്‍ട്ടും കോടതിയില്‍ ഹാജരാക്കണം. വിജിലന്‍സ് ഡയറക്ടറുടെ കുറിപ്പും ഹാജരാക്കണം. കേസില്‍ പരാതിക്കാരായ പ്രതിപക്ഷ നേതാവ് വി എസ് അച്യുതാനന്ദനോടും ബാര്‍അസോസിയേഷന്‍ വര്‍ക്കിങ് പ്രസിഡന്റ് ബിജു രമേശിനോടും കോടതിയില്‍ ഹാജരാകാനും നിര്‍ദ്ദേശിച്ചു. ഇരുവര്‍ക്കും കോടതി നോട്ടീസ് അയക്കും. കേസ് വീണ്ടും ആഗസ്റ്റ് 7ന് പരിഗണിക്കും.
കേസില്‍ കെ എം മാണിക്കെതിരെ തെളിവുകള്‍ കുറവാണെന്നും മാണി കോഴ ചോദിച്ചതിനും വാങ്ങിയതിനും തെളിവില്ലെന്നും അതിനാല്‍ കേസ് അവസാനിപ്പിക്കുവാന്‍ അനുമതി നല്‍കണമെന്നും ആവശ്യപ്പെട്ടാണ് കോടതിയില്‍ റിപ്പോര്‍ട്ട് നല്‍കിയിരുന്നത്. കേസന്വേഷിച്ച എസ്പി സുകേശന്‍ നല്‍കിയ റിപ്പോര്‍ട്ടില്‍ പുറത്ത് നിന്ന് നിയമോപദേശം തേടിയശേഷം മാറ്റം വരുത്തിയാണ് കോടതിയില്‍ സമര്‍പ്പിച്ചിട്ടുള്ളത്. കേസ് അട്ടിമറിക്കുവാന്‍ വേണ്ടിയാണ് പുറത്ത്നിന്നാണ് നിയമോപദേശം തേടിയതെന്ന് പ്രതിപക്ഷം ആരോപിച്ചിരുന്നു. ആ റിപ്പോര്‍ട്ടിലാണ് മുഴുവന്‍ രേഖകളും ഹാജരാക്കാന്‍ കോടതി നിര്‍ദ്ദേശിച്ചത് . കേസ് അവസാനിപ്പിക്കരുതെന്ന് ആവശ്യപ്പെട്ട് വി എസ് അച്യുതാനന്ദനും കേസില്‍ കക്ഷിചേരും.
Tuesday, January 07, 2014
പ്രവാസി ഇന്ത്യക്കാര്‍ക്കു വേണ്ടി കേന്ദ്ര സര്ക്കാര് നടത്തുന്ന ‘ആണ്ടു നേര്‍ച്ച’ ക്ക് ഡല്‍ഹിയില്‍ തുടക്കം കുറിച്ചു...-
പ്രവാസി ഇന്ത്യക്കാര്‍ക്കു വേണ്ടി കേന്ദ്ര സര്ക്കാര് നടത്തുന്ന ‘ആണ്ടു നേര്‍ച്ച’ ക്ക് ഡ
ല്‍ഹിയില്‍ തുടക്കം കുറിച്ചു...-
നാരായണന്‍ വെളിയം‌കോട്
പ്രവാസി ഇന്ത്യക്കാര്‍ക്കു വേണ്ടി കേന്ദ്ര സര്ക്കാര് നടത്തുന്ന മറ്റൊരു ‘ആണ്ടു നേര്‍ച്ച’ കൂടി ജനവരി 7 മുതല്‍ 9 വരെ ഡല്‍ഹിയില്‍ വെച്ച് നടക്കുകയാണ്. അഭ്യസ്ത വിദ്യരും അല്ലാത്തവരുമായ അനേകായിരം ആളുകള്‍ ജിവിക്കാന്‍ വേണ്ടി സ്വന്തം നാടും വീടും വിട്ട് അന്യ നാടുകളില്‍ ചേക്കേറിയിട്ടുണ്ട്. പ്രശ്നങ്ങള്‍ക്കും പ്രയാസങ്ങള്‍ക്കും നടുവില്‍ പണി എടുക്കുന്ന പ്രവാസി ഇന്ത്യക്കാരുടെ പ്രശ്നങ്ങള്‍ ചര്‍ച്ച ചെയ്യുന്നതിന്നും പരിഹാരം കാണുന്നതിന്നുമാണു ഈ സമ്മേളനം നടത്തുന്നുവെന്നാണു പറയപ്പെടുന്നത്. എന്നാല്‍ കഷ്ടപ്പാടും പ്രയാസങ്ങളും അനുഭവിക്കുന്ന ലക്ഷ ക്കണക്കായ പ്രവാസികളുടെ പ്രശ്നങള്‍ക്ക് ഇവരുടെ അജണ്ടയില്‍ ഒരിക്കലും സ്ഥാനം കിട്ടാറില്ല. മാത്രമല്ല ഈ സമ്മേളനത്തില്‍ പങ്കെടുക്കുന്ന ഏകദേശം 1500 ഓളം പ്രതിനിധികള്‍ ഒരാളു പോലും സാധാരണ ക്കാരനെ പ്രതിനിധീ കരിക്കുന്നില്ല എന്നതാണ് വാസ്തവം
സമ്പന്നരായ പ്രവാസികള്‍ ഒത്തുചേരാന്‍ ഒരു വേദിയൊരുക്കുന്നതില്‍ കവിഞ്ഞ് യാതൊരു പ്രസക്തിയും ഈ പ്രാവാസി ഭരതിയ ദിവസ് എന്ന മഹാമേളക്കില്ല... വിദേശങളില്‍ ബിസിനസ്സ് നടത്തുന്ന സമ്പന്നര്‍ക്ക് ഒന്നിച്ച് ചേരുന്നതിന്നും പൊങച്ചം പറയുന്നതിന്നും സര്ക്കാര് ചിലവില്‍ ലക്ഷങളാണു പൊടി ക്കുന്നത് . സാധരണ പ്രവാസികളോട് പുച്ഛവും അവജ്ഞയും മാത്രം വെച്ച് പുലര്‍ത്തുന്ന പ്രവാസി കാര്യവകുപ്പ് മന്ത്രി പ്രതി നിധികളായി എത്തുന്ന അതി സമ്പന്നരെ പുകഴ്ത്താനും അവരുടെ അവതാനങളെ വാഴ്ത്താനുമാണു ഏറിയ സമയവും വിനിയോഗിന്നത്.. പ്രതിനിധിക്ക് സര്‍ക്കാറിനോടും സര്‍ക്കാറിന്ന് മടിയില്‍ കനമുള്ള പ്രതിനിധികളോടും ഒരു തരം ദാസ്യമനോഭവമാണു. എന്നാല്‍ തുച്ഛമായ ശമ്പളത്തിന്ന് ജോലിയെടുക്കുന്നവര്‍ കിട്ടുന്നതില്‍ മിച്ചം വെച്ച്, നാടിന്റെയും വീടിന്റെയും പുരോഗതിക്കു വേണ്ടി മാസാ മാസം കൃത്യമായി പണം അയക്കുന്ന സാധാരണ ക്കാരായ പ്രവാസികളോട് സര്‍ക്കാറിന്നും പ്രവാസികാര്യ മന്ത്രിക്കും പുച്ഛമാണു. ഇവര്‍ വാക്കുകൊണ്ടു പോലും ആദരവ് ഇവര്‍ക്കൊന്നും നല്‍കാറില്ല .ഒരു സാധരണ പ്രവാസിയേയും ഈ സമ്മേളനം ഇന്നു വരെ ആദരിച്ചിട്ടില്ല. എന്നാല്‍ എന്നും പ്രവാസിഭരതിയ സമ്മാന്‍ എന്ന വളരെ വിലപിടിപ്പുള്ള സമ്മാനം സര്ക്കാര് നല്‍കുന്നതും ആദരിക്കുന്നതും സമ്പന്നന്മാരെ മാത്രമാണു.... ജിവിതത്തിന്റെ പല മേഖലകളിലും വ്യക്തി മുദ്ര പതിപ്പിച്ചിട്ടുള്ള സാമൂഹ്യസാംസ്കാരിരംഗത്തും ജീവകാരുണ്യ പ്രവര്‍ത്തനമേഖലകളിലും വലിയ സംഭാവനകള്‍ നല്‍കിയിട്ടുള്ളവരെയെല്ലാം പാടെ അവഗണിക്കുകയാണു പതിവ്.... സര്ക്കാര് നല്‍കുന്ന ഈ കനപ്പെട്ട സമ്മാനത്തിന്ന് വിലയായി ലക്ഷങള്‍ കൊടുക്കാന്‍ ഇവരുടെ കയ്യിലില്ലായെന്നതാണു കാരണം. ഈ പ്രവശ്യത്തെ പ്രവാസിഭരതിയ ദിവസിന്ന് ഏറെ പ്രധാന്യമുണ്ട്....ലോകസഭ തിരെഞ്ഞെടുപ്പ് പടിവാതിക്കല്‍ എത്തി നില്‍ക്കുകയാണു....ഈ കൊല്ലത്തെ പ്രവാസി ഭരതിയ സമ്മാനത്തിന്ന് ചാര്‍ജ്ജ് സ്വല്പം കൂടുമെന്ന് മാത്രമല്ല കൂടുതല്‍ പേര്‍ക്ക് ലഭിക്കാനും സാധ്യതയുണ്ട്....കോണ്‍ഗ്രസ്സിന്ന് അധികാരത്തില്‍ തുടരാന്‍ പറ്റാത്ത സഹചര്യമാണുണ്ടാകാന്‍ പോകുന്നുവെന്നതും പ്രവാസികാര്യമന്ത്രിയെന്ന നിലയില്‍ ഒന്നിനും കൊള്ളാത്ത വയലാര്‍ രവി ഇനി ഒരിക്കലും ആ സ്ഥാനത്ത് വരാന്‍ സാധ്യതയില്ലായെന്നതും ഈ പ്രവാസി ഭരതിയ ദിവസിന്റെ പ്രത്യേകതയാണെന്ന് പറയേണ്ടിവരും..
വയലാര്‍ രവി പ്രവാസകാര്യവകുപ്പ് മന്ത്രിയായിരുന്നിട്ട് പ്രവാസികള്ക്ക് ഗുണകരമായി യാതൊന്നും ഉണ്ടായിട്ടുമില്ല.
ലോകം കടുത്ത സാമ്പത്തിക പ്രതിസന്ധിയില്‍ പെട്ട് ഉലയുമ്പോഴും പ്രവാസികള്‍ ഇന്ത്യയിലേക്ക് അയക്കുന്ന പണത്തിന് യാതൊരു കുറവും സംഭവി ച്ചിട്ടില്ലായെന്ന് മാത്രമല്ല, വന്‍ തോതില്‍ കൂടിയി രിക്കുകയുമാണു . സര്ക്കാര് കണക്കനുസരിച്ച് അര കോടിയോളം വരുന്ന പ്രവാസി ഇന്ത്യക്കാരില്‍ കാല്‍ കോടിയിലധികം കേരളത്തില്‍ നിന്നുള്ളവരാണ്. അതു കൊണ്ടു നാടിന്റ് സമ്പദ്‌വ്യവസ്ഥയെ താങിനിര്‍ത്തുന്നതിലും എറ്റവും കൂടുതല്‍ വിദേശനാണ്യം നേടിത്തരുന്നതിലും കേരളത്തിന്റെ പങ്ക് വളരെ വലുതാണു..എന്നാല്‍ ഇതിന്റെ യാതൊരു പരിഗണനയും കേരളത്തിന്ന് ഇന്നു വരെ ലഭിച്ചിട്ടില്ലയെന്നതു മാത്രമല്ല ഏറ്റവും കൂടുതല്‍ പ്രയാസം അനുഭവിക്കേണ്ടി വരുന്നവരും കേരളത്തില്‍ നിന്നുള്ള പ്രവാസികളാണ്.
പ്രവാസികളെ ബാധിക്കുന്ന നിരവധി പ്രശ്നങ്ങള്‍ സമ്മേളനത്തില്‍ ഉയര്‍ന്ന് വരാറുണ്ടെങ്കിലും യാതൊന്നിനും ഇതു വരെ പരിഹാരം കാണാന്‍ കഴിഞ്ഞിട്ടില്ല. ആരും ശ്രമിച്ചിട്ടും ഇല്ല. സാമ്പത്തിക മാന്ദ്യം ലോകത്തെ പിടിച്ച് കുലുക്കിയപ്പോഴും ഗള്‍ഫ് രാജ്യങളില്‍ സ്വദേശിയവല്‍ക്കരണം നടപ്പാക്കിയപ്പേഴും ആയിര ക്കണക്കിന് ആളുകളാണ് ജോലി നഷ്ടപ്പെട്ട് ഇന്ത്യയില്‍ തിരിച്ചെത്തിയിട്ടുണ്ട്. ഈ അടുത്ത സമയത്ത് സൗദിയില്‍ നിതാഖത്ത് നിയമം ശക്തമായി നടപ്പാക്കിയപ്പോള്‍ നിരവധിപേര്‍ക്ക് അവരുടെ സമ്പാദ്യം മുഴുവന്‍ നഷ്ടപ്പെടുത്തി രാജ്യം വിടേണ്ടതായി വന്നിട്ടുണ്ട്...ജോലി നഷ്ടപ്പെട്ട് വെറും കയ്യോടെ നിരവധി ആളുകള്‍ കേരളത്തില്‍ തിരിച്ചെത്തിയിട്ടുണ്ട്. ഇവരെ സഹായിക്കുന്നതിന്നോ പുനധിവ സിപ്പിക്കുന്നതിന്നോ സര്ക്കാര് യാതൊരു സഹായവും ഇതുവരെ നല്‍കിയിട്ടില്ല...ഇനി നല്‍കുമെന്ന് ആരും പ്രതിക്ഷിക്കുന്നുമില്ല...എന്നും പ്രവാസികളോട് മോഹനവാഗ്ദാനങള്‍ മാത്രം നല്‍കി അവരെ വഞ്ചിക്കാനാണു കേന്ദ്ര-കേരള സര്‍ക്കാറുകളും പ്രവാസകാര്യബകുപ്പ് മന്ത്രിയും ശ്രമിച്ചിട്ടുള്ളത്....തിരിച്ചെത്തിയ തൊഴില്‍ വൈദഗ്ധ്യം ഉള്ള പ്രവാസികള്ക്ക് സ്വയം തൊഴില്‍ കണ്ടെത്താന്‍ പലിശയില്ലാ വായ്പയും സഹകരണ അടിസ്ഥാനത്തില്‍ തൊഴില്‍ സ്ഥപനങളും തുടങാനുള്ള സഹചര്യം സൃഷ്ടിക്കേണ്ടതായിട്ടുണ്ട്.
പ്രവാസി ഇന്ത്യക്കാരെ ഇന്നും ഏറ്റവും അലട്ടുന്നത് അവരുടെ യാത്രാ പ്രശ്നം തന്നെയാണ്. യാതൊരു മാനദണ്ഡവും ഇല്ലാതെ ചാര്‍ജ്ജ് ഇനത്തില്‍ വന്‍ വര്‍ദ്ധനവ് വരുത്തി, യാത്രക്കാരെ കൊള്ളയടി ക്കുകയാണ്. എയര്‍ ഇന്ത്യ എക്സ്പ്രസ്സ് എന്ന ബഡ്ജറ്റ് എയര്‍ലൈന്‍ ആരംഭിച്ചാല്‍ ഈ പ്രശ്നത്തിന് പരിഹാരം കാണുമെന്ന് പ്രചരിപ്പിച്ചിരുന്നു. എന്നാല്‍ യാത്രക്കാരെ കൊള്ളയ ടിക്കുന്നതില്‍ എയര്‍ ഇന്ത്യ എക്സ്പ്രസ്സ് സര്‍വ്വ കാല റൊക്കാര്‍ഡിന് അര്‍ഹമായിരിക്കുന്നു. യാതൊരു ദയാ ദാക്ഷിണ്യ വുമില്ലാതെയാണ് ഓണം, പെരുന്നാള്‍, ക്രിസ്തുമസ്സ് എന്നീ അവസരങ്ങളിലും, ഗള്‍ഫ് രാജ്യങ്ങളില്‍ സ്കുളുകള്‍ അടക്കുകയും തുറക്കുകയും ചെയ്യുന്ന സമയത്തും ഇവര്‍ യാത്രാ കൂലിയില്‍ വന്‍ വര്‍ദ്ധനവ് വരുത്തുന്നത്. മാത്രമല്ല ആവശ്യത്തിനുള്ള ഫ്ലയിറ്റുകള്‍ പോലും അനുവദിക്കാതെ, യാത്രക്കാരെ ഇവര്‍ പരമാധി ബുദ്ധിമുട്ടി ക്കാറുമുണ്ട്.ഇന്ത്യയുടെ ഔദ്യോഗിക എയര്‍ലൈനായ എയര്‍ ഇന്ത്യ, ഇന്ത്യാ രാജ്യത്തെ നാണം കെടുത്തുന്ന സ്ഥാപനമായി മാറി ക്കഴിഞ്ഞിരിക്കുന്നു. അഹന്തയും അഹങ്കാരവും നിറഞ്ഞ ഉദ്യോഗ സ്ഥന്മാരും , കൃത്യ നിഷ്ഠ ഇല്ലാത്ത പ്രവര്‍ത്തനവും, തോന്നിയ പോലെ ഷെഡ്യുള്‍ റദ്ദ് ചെയ്യുകയും ചെയ്ത് യാത്രക്കാരെ വട്ടം കറക്കുന്ന ലോകത്തിലെ ഒരേ ഒരു എയര്‍ലൈന്‍ എന്ന ബഹുമതിക്ക് എയര്‍ ഇന്ത്യ അര്‍ഹമാ . എയര്‍ ഇന്ത്യയില്‍ സമൂലമായ അഴിച്ചു പണിക്ക് കേന്ദ്ര സര്ക്കാര് തയ്യാറാകുമോ? പ്രവാസികള്ക്ക് ക്ഷേമ നിധിയും പെന്‍ഷനും വൈദ്യ സഹായവും നല്കാന് സര്ക്കാര് സന്നദ്ധമാകുമോ?2011 ഏപ്രില്‍ 14ന്ന് കേരള എയര്‍ ലൈന്‍ യാഥര്‍ത്ഥ്യമാകുമെന്ന് പ്രവാസികള്ക്ക് ഉറപ്പ് നല്‍കിയ കേരളത്തിലെ വിടുവായത്തം പറയുന്ന മുഖ്യമന്ത്രിയുടെ പുതിയ പ്രഖ്യാപനത്തിന്ന് പ്രവാസികള്‍ കാതോര്‍ത്തിരിക്കുകയാണു...
- നാരായണന്‍ വെളിയം‌കോട്
ല്‍ഹിയില്‍ തുടക്കം കുറിച്ചു...-
നാരായണന്‍ വെളിയം‌കോട്
പ്രവാസി ഇന്ത്യക്കാര്‍ക്കു വേണ്ടി കേന്ദ്ര സര്ക്കാര് നടത്തുന്ന മറ്റൊരു ‘ആണ്ടു നേര്‍ച്ച’ കൂടി ജനവരി 7 മുതല്‍ 9 വരെ ഡല്‍ഹിയില്‍ വെച്ച് നടക്കുകയാണ്. അഭ്യസ്ത വിദ്യരും അല്ലാത്തവരുമായ അനേകായിരം ആളുകള്‍ ജിവിക്കാന്‍ വേണ്ടി സ്വന്തം നാടും വീടും വിട്ട് അന്യ നാടുകളില്‍ ചേക്കേറിയിട്ടുണ്ട്. പ്രശ്നങ്ങള്‍ക്കും പ്രയാസങ്ങള്‍ക്കും നടുവില്‍ പണി എടുക്കുന്ന പ്രവാസി ഇന്ത്യക്കാരുടെ പ്രശ്നങ്ങള്‍ ചര്‍ച്ച ചെയ്യുന്നതിന്നും പരിഹാരം കാണുന്നതിന്നുമാണു ഈ സമ്മേളനം നടത്തുന്നുവെന്നാണു പറയപ്പെടുന്നത്. എന്നാല്‍ കഷ്ടപ്പാടും പ്രയാസങ്ങളും അനുഭവിക്കുന്ന ലക്ഷ ക്കണക്കായ പ്രവാസികളുടെ പ്രശ്നങള്‍ക്ക് ഇവരുടെ അജണ്ടയില്‍ ഒരിക്കലും സ്ഥാനം കിട്ടാറില്ല. മാത്രമല്ല ഈ സമ്മേളനത്തില്‍ പങ്കെടുക്കുന്ന ഏകദേശം 1500 ഓളം പ്രതിനിധികള്‍ ഒരാളു പോലും സാധാരണ ക്കാരനെ പ്രതിനിധീ കരിക്കുന്നില്ല എന്നതാണ് വാസ്തവം
സമ്പന്നരായ പ്രവാസികള്‍ ഒത്തുചേരാന്‍ ഒരു വേദിയൊരുക്കുന്നതില്‍ കവിഞ്ഞ് യാതൊരു പ്രസക്തിയും ഈ പ്രാവാസി ഭരതിയ ദിവസ് എന്ന മഹാമേളക്കില്ല... വിദേശങളില്‍ ബിസിനസ്സ് നടത്തുന്ന സമ്പന്നര്‍ക്ക് ഒന്നിച്ച് ചേരുന്നതിന്നും പൊങച്ചം പറയുന്നതിന്നും സര്ക്കാര് ചിലവില്‍ ലക്ഷങളാണു പൊടി ക്കുന്നത് . സാധരണ പ്രവാസികളോട് പുച്ഛവും അവജ്ഞയും മാത്രം വെച്ച് പുലര്‍ത്തുന്ന പ്രവാസി കാര്യവകുപ്പ് മന്ത്രി പ്രതി നിധികളായി എത്തുന്ന അതി സമ്പന്നരെ പുകഴ്ത്താനും അവരുടെ അവതാനങളെ വാഴ്ത്താനുമാണു ഏറിയ സമയവും വിനിയോഗിന്നത്.. പ്രതിനിധിക്ക് സര്‍ക്കാറിനോടും സര്‍ക്കാറിന്ന് മടിയില്‍ കനമുള്ള പ്രതിനിധികളോടും ഒരു തരം ദാസ്യമനോഭവമാണു. എന്നാല്‍ തുച്ഛമായ ശമ്പളത്തിന്ന് ജോലിയെടുക്കുന്നവര്‍ കിട്ടുന്നതില്‍ മിച്ചം വെച്ച്, നാടിന്റെയും വീടിന്റെയും പുരോഗതിക്കു വേണ്ടി മാസാ മാസം കൃത്യമായി പണം അയക്കുന്ന സാധാരണ ക്കാരായ പ്രവാസികളോട് സര്‍ക്കാറിന്നും പ്രവാസികാര്യ മന്ത്രിക്കും പുച്ഛമാണു. ഇവര്‍ വാക്കുകൊണ്ടു പോലും ആദരവ് ഇവര്‍ക്കൊന്നും നല്‍കാറില്ല .ഒരു സാധരണ പ്രവാസിയേയും ഈ സമ്മേളനം ഇന്നു വരെ ആദരിച്ചിട്ടില്ല. എന്നാല്‍ എന്നും പ്രവാസിഭരതിയ സമ്മാന്‍ എന്ന വളരെ വിലപിടിപ്പുള്ള സമ്മാനം സര്ക്കാര് നല്‍കുന്നതും ആദരിക്കുന്നതും സമ്പന്നന്മാരെ മാത്രമാണു.... ജിവിതത്തിന്റെ പല മേഖലകളിലും വ്യക്തി മുദ്ര പതിപ്പിച്ചിട്ടുള്ള സാമൂഹ്യസാംസ്കാരിരംഗത്തും ജീവകാരുണ്യ പ്രവര്‍ത്തനമേഖലകളിലും വലിയ സംഭാവനകള്‍ നല്‍കിയിട്ടുള്ളവരെയെല്ലാം പാടെ അവഗണിക്കുകയാണു പതിവ്.... സര്ക്കാര് നല്‍കുന്ന ഈ കനപ്പെട്ട സമ്മാനത്തിന്ന് വിലയായി ലക്ഷങള്‍ കൊടുക്കാന്‍ ഇവരുടെ കയ്യിലില്ലായെന്നതാണു കാരണം. ഈ പ്രവശ്യത്തെ പ്രവാസിഭരതിയ ദിവസിന്ന് ഏറെ പ്രധാന്യമുണ്ട്....ലോകസഭ തിരെഞ്ഞെടുപ്പ് പടിവാതിക്കല്‍ എത്തി നില്‍ക്കുകയാണു....ഈ കൊല്ലത്തെ പ്രവാസി ഭരതിയ സമ്മാനത്തിന്ന് ചാര്‍ജ്ജ് സ്വല്പം കൂടുമെന്ന് മാത്രമല്ല കൂടുതല്‍ പേര്‍ക്ക് ലഭിക്കാനും സാധ്യതയുണ്ട്....കോണ്‍ഗ്രസ്സിന്ന് അധികാരത്തില്‍ തുടരാന്‍ പറ്റാത്ത സഹചര്യമാണുണ്ടാകാന്‍ പോകുന്നുവെന്നതും പ്രവാസികാര്യമന്ത്രിയെന്ന നിലയില്‍ ഒന്നിനും കൊള്ളാത്ത വയലാര്‍ രവി ഇനി ഒരിക്കലും ആ സ്ഥാനത്ത് വരാന്‍ സാധ്യതയില്ലായെന്നതും ഈ പ്രവാസി ഭരതിയ ദിവസിന്റെ പ്രത്യേകതയാണെന്ന് പറയേണ്ടിവരും..
വയലാര്‍ രവി പ്രവാസകാര്യവകുപ്പ് മന്ത്രിയായിരുന്നിട്ട് പ്രവാസികള്ക്ക് ഗുണകരമായി യാതൊന്നും ഉണ്ടായിട്ടുമില്ല.
ലോകം കടുത്ത സാമ്പത്തിക പ്രതിസന്ധിയില്‍ പെട്ട് ഉലയുമ്പോഴും പ്രവാസികള്‍ ഇന്ത്യയിലേക്ക് അയക്കുന്ന പണത്തിന് യാതൊരു കുറവും സംഭവി ച്ചിട്ടില്ലായെന്ന് മാത്രമല്ല, വന്‍ തോതില്‍ കൂടിയി രിക്കുകയുമാണു . സര്ക്കാര് കണക്കനുസരിച്ച് അര കോടിയോളം വരുന്ന പ്രവാസി ഇന്ത്യക്കാരില്‍ കാല്‍ കോടിയിലധികം കേരളത്തില്‍ നിന്നുള്ളവരാണ്. അതു കൊണ്ടു നാടിന്റ് സമ്പദ്‌വ്യവസ്ഥയെ താങിനിര്‍ത്തുന്നതിലും എറ്റവും കൂടുതല്‍ വിദേശനാണ്യം നേടിത്തരുന്നതിലും കേരളത്തിന്റെ പങ്ക് വളരെ വലുതാണു..എന്നാല്‍ ഇതിന്റെ യാതൊരു പരിഗണനയും കേരളത്തിന്ന് ഇന്നു വരെ ലഭിച്ചിട്ടില്ലയെന്നതു മാത്രമല്ല ഏറ്റവും കൂടുതല്‍ പ്രയാസം അനുഭവിക്കേണ്ടി വരുന്നവരും കേരളത്തില്‍ നിന്നുള്ള പ്രവാസികളാണ്.
പ്രവാസികളെ ബാധിക്കുന്ന നിരവധി പ്രശ്നങ്ങള്‍ സമ്മേളനത്തില്‍ ഉയര്‍ന്ന് വരാറുണ്ടെങ്കിലും യാതൊന്നിനും ഇതു വരെ പരിഹാരം കാണാന്‍ കഴിഞ്ഞിട്ടില്ല. ആരും ശ്രമിച്ചിട്ടും ഇല്ല. സാമ്പത്തിക മാന്ദ്യം ലോകത്തെ പിടിച്ച് കുലുക്കിയപ്പോഴും ഗള്‍ഫ് രാജ്യങളില്‍ സ്വദേശിയവല്‍ക്കരണം നടപ്പാക്കിയപ്പേഴും ആയിര ക്കണക്കിന് ആളുകളാണ് ജോലി നഷ്ടപ്പെട്ട് ഇന്ത്യയില്‍ തിരിച്ചെത്തിയിട്ടുണ്ട്. ഈ അടുത്ത സമയത്ത് സൗദിയില്‍ നിതാഖത്ത് നിയമം ശക്തമായി നടപ്പാക്കിയപ്പോള്‍ നിരവധിപേര്‍ക്ക് അവരുടെ സമ്പാദ്യം മുഴുവന്‍ നഷ്ടപ്പെടുത്തി രാജ്യം വിടേണ്ടതായി വന്നിട്ടുണ്ട്...ജോലി നഷ്ടപ്പെട്ട് വെറും കയ്യോടെ നിരവധി ആളുകള്‍ കേരളത്തില്‍ തിരിച്ചെത്തിയിട്ടുണ്ട്. ഇവരെ സഹായിക്കുന്നതിന്നോ പുനധിവ സിപ്പിക്കുന്നതിന്നോ സര്ക്കാര് യാതൊരു സഹായവും ഇതുവരെ നല്‍കിയിട്ടില്ല...ഇനി നല്‍കുമെന്ന് ആരും പ്രതിക്ഷിക്കുന്നുമില്ല...എന്നും പ്രവാസികളോട് മോഹനവാഗ്ദാനങള്‍ മാത്രം നല്‍കി അവരെ വഞ്ചിക്കാനാണു കേന്ദ്ര-കേരള സര്‍ക്കാറുകളും പ്രവാസകാര്യബകുപ്പ് മന്ത്രിയും ശ്രമിച്ചിട്ടുള്ളത്....തിരിച്ചെത്തിയ തൊഴില്‍ വൈദഗ്ധ്യം ഉള്ള പ്രവാസികള്ക്ക് സ്വയം തൊഴില്‍ കണ്ടെത്താന്‍ പലിശയില്ലാ വായ്പയും സഹകരണ അടിസ്ഥാനത്തില്‍ തൊഴില്‍ സ്ഥപനങളും തുടങാനുള്ള സഹചര്യം സൃഷ്ടിക്കേണ്ടതായിട്ടുണ്ട്.
പ്രവാസി ഇന്ത്യക്കാരെ ഇന്നും ഏറ്റവും അലട്ടുന്നത് അവരുടെ യാത്രാ പ്രശ്നം തന്നെയാണ്. യാതൊരു മാനദണ്ഡവും ഇല്ലാതെ ചാര്‍ജ്ജ് ഇനത്തില്‍ വന്‍ വര്‍ദ്ധനവ് വരുത്തി, യാത്രക്കാരെ കൊള്ളയടി ക്കുകയാണ്. എയര്‍ ഇന്ത്യ എക്സ്പ്രസ്സ് എന്ന ബഡ്ജറ്റ് എയര്‍ലൈന്‍ ആരംഭിച്ചാല്‍ ഈ പ്രശ്നത്തിന് പരിഹാരം കാണുമെന്ന് പ്രചരിപ്പിച്ചിരുന്നു. എന്നാല്‍ യാത്രക്കാരെ കൊള്ളയ ടിക്കുന്നതില്‍ എയര്‍ ഇന്ത്യ എക്സ്പ്രസ്സ് സര്‍വ്വ കാല റൊക്കാര്‍ഡിന് അര്‍ഹമായിരിക്കുന്നു. യാതൊരു ദയാ ദാക്ഷിണ്യ വുമില്ലാതെയാണ് ഓണം, പെരുന്നാള്‍, ക്രിസ്തുമസ്സ് എന്നീ അവസരങ്ങളിലും, ഗള്‍ഫ് രാജ്യങ്ങളില്‍ സ്കുളുകള്‍ അടക്കുകയും തുറക്കുകയും ചെയ്യുന്ന സമയത്തും ഇവര്‍ യാത്രാ കൂലിയില്‍ വന്‍ വര്‍ദ്ധനവ് വരുത്തുന്നത്. മാത്രമല്ല ആവശ്യത്തിനുള്ള ഫ്ലയിറ്റുകള്‍ പോലും അനുവദിക്കാതെ, യാത്രക്കാരെ ഇവര്‍ പരമാധി ബുദ്ധിമുട്ടി ക്കാറുമുണ്ട്.ഇന്ത്യയുടെ ഔദ്യോഗിക എയര്‍ലൈനായ എയര്‍ ഇന്ത്യ, ഇന്ത്യാ രാജ്യത്തെ നാണം കെടുത്തുന്ന സ്ഥാപനമായി മാറി ക്കഴിഞ്ഞിരിക്കുന്നു. അഹന്തയും അഹങ്കാരവും നിറഞ്ഞ ഉദ്യോഗ സ്ഥന്മാരും , കൃത്യ നിഷ്ഠ ഇല്ലാത്ത പ്രവര്‍ത്തനവും, തോന്നിയ പോലെ ഷെഡ്യുള്‍ റദ്ദ് ചെയ്യുകയും ചെയ്ത് യാത്രക്കാരെ വട്ടം കറക്കുന്ന ലോകത്തിലെ ഒരേ ഒരു എയര്‍ലൈന്‍ എന്ന ബഹുമതിക്ക് എയര്‍ ഇന്ത്യ അര്‍ഹമാ . എയര്‍ ഇന്ത്യയില്‍ സമൂലമായ അഴിച്ചു പണിക്ക് കേന്ദ്ര സര്ക്കാര് തയ്യാറാകുമോ? പ്രവാസികള്ക്ക് ക്ഷേമ നിധിയും പെന്‍ഷനും വൈദ്യ സഹായവും നല്കാന് സര്ക്കാര് സന്നദ്ധമാകുമോ?2011 ഏപ്രില്‍ 14ന്ന് കേരള എയര്‍ ലൈന്‍ യാഥര്‍ത്ഥ്യമാകുമെന്ന് പ്രവാസികള്ക്ക് ഉറപ്പ് നല്‍കിയ കേരളത്തിലെ വിടുവായത്തം പറയുന്ന മുഖ്യമന്ത്രിയുടെ പുതിയ പ്രഖ്യാപനത്തിന്ന് പ്രവാസികള്‍ കാതോര്‍ത്തിരിക്കുകയാണു...
- നാരായണന്‍ വെളിയം‌കോട്
Thursday, December 26, 2013
ഹൃദയങ്ങളില്‍ പിറക്കട്ടെ ക്രിസ്മസ്
ഹൃദയങ്ങളില്‍ പിറക്കട്ടെ ക്രിസ്മസ്
മാനവജാതിക്ക് സന്തോഷവും സമാധാനവും ആശംസിച്ച് വീണ്ടുമൊരു ക്രിസ്മസ് സമാഗതമായി. ജാതിയുടെയും മതത്തിന്റെയും പേരില്‍ വിഭാഗീയത വളര്‍ന്നുകൊണ്ടിരിക്കുന്ന ഇന്നത്തെ നിര്‍ഭാഗ്യസാഹചര്യത്തില്‍ ക്രിസ്മസ് സന്ദേശത്തിന്റെ പ്രസക്തി വര്‍ധിക്കുന്നു. ലോകമെമ്പാടും പല തരത്തിലും രീതിയിലും ക്രിസ്മസ് ആഘോഷങ്ങള്‍ നടക്കുന്നു. ക്രിസ്മസ് കരോളുകള്‍, ക്രിസ്മസ് ക്ലബ്ബുകള്‍, ക്രിസ്മസ് ട്രീകള്‍, കമ്പിത്തിരി, മത്താപ്പൂ, കാര്‍ഡുകള്‍, ക്രിസ്മസ് ഫീസ്റ്റ് ഇവയെല്ലാം ആഘോഷങ്ങളുടെ ഭാഗം.
ഇന്ന് ലോകത്തിലുള്ള ഏറ്റവും വലിയ ഉത്സവവും ക്രിസ്മസുതന്നെയാകും. വൈരുധ്യത്തില്‍ ഏകത്വം എന്ന തത്വം ക്രിസ്മസിനെ സംബന്ധിച്ചിടത്തോളം അന്വര്‍ഥമാണ്. ലോകത്തിന്റെ പല ഭാഗങ്ങളില്‍ ജീവിക്കുകയും പല ഭാഷകള്‍ സംസാരിക്കുകയും പല സംസ്കാരങ്ങള്‍ പുലര്‍ത്തുകയും ചെയ്യുന്ന കോടിക്കണക്കിനു ജനങ്ങള്‍ പല രീതിയിലാണ് ക്രിസ്മസ് ആഘോഷിക്കുന്നതെങ്കിലും എല്ലാത്തിന്റെയും ലക്ഷ്യം ഒന്നുതന്നെയാണ്- യേശുവിനെ സ്മരിക്കുക എന്നുള്ളത്.
സമൂഹത്തിലെ അന്ധവിശ്വാസങ്ങള്‍ക്കും അനീതികള്‍ക്കുമെതിരെ ശക്തിയുക്തം പോരാടിയ വിപ്ലവകാരിയായിരുന്നു ക്രിസ്തു. ദേവാലയത്തില്‍ കച്ചവടം നടക്കുന്നു എന്ന് കണ്ടമാത്രയില്‍ ചമ്മട്ടിയെടുത്ത് കച്ചവടക്കാരെ അടിച്ചോടിച്ച അദ്ദേഹം, വിശന്നിരുന്ന അജഗണങ്ങളെ കണ്ടപ്പോള്‍ മനസ്സലിയുകയും സ്നേഹിതനായ ലാസറിന്റെ മരണവാര്‍ത്ത കേട്ട് കരയുകയും ലാസറിനെ ഉയിര്‍ത്തെഴുന്നേല്‍പ്പിക്കുകയുംചെയ്ത വ്യക്തിയാണ്. ആത്മാര്‍ഥതയുള്ള ആട്ടിടയന്മാരും വിദ്വാന്മാരും അവര്‍ക്ക് ലഭിച്ച സന്ദേശമനുസരിച്ച് പൈതലായ യേശുവിനെ ആരാധിക്കാന്‍ പുറപ്പെട്ടു. എന്നാല്‍, രാജാവിനോ മതപുരോഹിതന്മാര്‍ക്കോ യഹൂദ പ്രമാണികള്‍ക്കോ ഈ ഭാഗ്യം ലഭിച്ചില്ല. ആത്മാര്‍ഥതയും സത്യസന്ധതയും ഉള്ളവര്‍ക്കുമാത്രമേ ദിവ്യമായ അനുഗ്രഹങ്ങള്‍ ലഭിക്കുകയുള്ളൂ. വിനയമുള്ള ജീവിതവും ആഴമേറിയ സമര്‍പ്പണവും ഇതിനാവശ്യമാണ്. അത്യുന്നതങ്ങളില്‍ ദൈവത്തിന് മഹത്വം, ഭൂമിയില്‍ ദൈവപ്രസാദമുള്ള മനുഷ്യര്‍ക്ക് സമാധാനം&ൃെൂൗീ;എന്ന സന്ദേശമായിരുന്നു മാലാഖമാരില്‍നിന്ന് ആട്ടിടയന്മാര്‍ കേട്ടത്. ദൈവത്തിന് മഹത്വം പാടാന്‍ കഴിയണമെങ്കില്‍ വിഭാഗീയചിന്തകള്‍ ഇല്ലാതെയാകണം. പരസ്പരം ശുശ്രൂഷിക്കാനും ആദരിക്കാനും സ്നേഹിക്കാനും സാധിക്കണം.
മദ്യപാനവും ധൂര്‍ത്തും ക്രിസ്മസ് ആഘോഷങ്ങളല്ല, അവഹേളനങ്ങളാണ്. മനുഷ്യന് മനുഷ്യന് കോടാലി ആകാന്‍ പാടില്ല. സ്വന്തം സഹോദരനെ സ്നേഹിക്കാനും ഉള്‍ക്കൊള്ളാനും നമുക്കു കഴിയണം. അപ്പോള്‍ മാത്രമേ ക്രിസ്തുവിന്റെ ജനനം നമ്മെ സംബന്ധിച്ച് അര്‍ഥപൂര്‍ണമാകയുള്ളൂ. മനുഷ്യര്‍ ശരിക്കും ദൈവപുത്രരാകുന്നത് യേശുവിനോട് അലിഞ്ഞുചേരുമ്പോഴാണ്. ദൈവം മനുഷ്യനായി മനുഷ്യനെ ദൈവമാക്കി എന്നാണ് സെന്റ് ബേസില്‍ പറയുന്നത്. മനുഷ്യന് യേശുവിലൂടെ സ്നേഹമായി മാറുന്നു. ഇങ്ങനെയുള്ളവര്‍ക്കാണ് ക്രിസ്മസ് ആല്‍മോല്‍ക്കര്‍ഷദായകമായി മാറുന്നത്. യേശുവിന്റെ ജനനം പ്രത്യാശയുടെയും സമാധാനത്തിന്റെയും പുത്തന്‍പുലരിയായി ലോകം പരിഗണിച്ച് മനുഷ്യജീവിതത്തിന് അര്‍ഥവും ലക്ഷ്യവും നല്‍കണം. പ്രതാപത്തിന്റെ ഗിരിശൃംഗങ്ങളില്‍ നിന്ന് സമാധാനത്തിന്റെ സന്ദേശവാഹകനായി സ്നേഹത്തിന്റെയും വിശുദ്ധിയുടെയും പ്രവാചകനായി ബത്ലഹേമില്‍ പിറന്ന ത്യാഗമൂര്‍ത്തി ഈ ക്രിസ്മസ് സുദിനത്തില്‍ നമ്മുടെ ഹൃദയത്തിലും പിറക്കട്ടെ.റവ. ജോര്‍ജ് മാത്യു പുതുപ്പള്ളി
സഖാക്കളെ സുഹ്യത്തുക്കളെ "പവര്‍ ഓഫ് യുത്ത് " നാലാം വാര്‍ഷികം ഡിസംബര്‍ മാസം 26/27/28 തിയ്യതികളില്‍ വിപുലമായ പരിപാടികളോടെ ആചരിക്കുന്നു. സി.പി.ഐ.എം ന്‍റെ കേന്ദ്ര സംസ്ഥാന നേതാക്കന്മാര്‍,ബഹുജനസന്ഘടന നേതാക്കള്‍ മറ്റു പ്രമുഖ സാംസ്കാരിക പ്രവര്‍ത്തകര്‍ തുടങ്ങിയവര്‍ പങ്കെടുക്കുന്ന തല്‍സമയ പ്രസംഗങ്ങള്‍ സമകാലിക രാഷ്ടീയ ചര്‍ച്ചകള്‍, സെമിനാറുകള്‍, കവിയരങ്ങ്, ക്വിസ് മല്‍സരങ്ങള്‍, കലാപരിപാടികള്‍ തുടങ്ങിയ ഉണ്ടായിരിക്കുന്നതാണ് , എല്ലാവര്‍ക്കും സ്വാഗതം .....
Friday, December 20, 2013
കേരളത്തില്‍ ഇടതുപക്ഷത്തിന്നെതിരെ അപവാദ പ്രചരണങള്‍ നടത്താന്‍ ശ്രമിക്കുന്ന മാധ്യമങളും ബുദ്ധിജീവികളും എന്തുകൊണ്ട് ഈ നീചപ്രവര്‍ത്തിയെ അപലപിക്കുന്നില്ല?
കേരളത്തില്‍ ഇടതുപക്ഷത്തിന്നെതിരെ അപവാദ പ്രചരണങള്‍ നടത്താന്‍ ശ്രമിക്കുന്ന മാധ്യമങളും ബുദ്ധിജീവികളും എന്തുകൊണ്ട് ഈ നീചപ്രവര്‍ത്തിയെ അപലപിക്കുന്നില്ല?
ഒരു ഇന്ത്യന്‍ നയതന്ത്രപ്രതിനിധിയെ അതിക്രൂരമായ രീതില്‍ അപമാനിച്ചതിന്നെതിരെ രാജ്യത്ത് ശക്തമായ പ്രതിഷേധം ഉയര്‍ന്നിട്ടില്ലായെന്നത് ആരേയും അത്ഭുതപെടുത്തുന്നതാണു....എന്തിന്നും ഏതിന്നും സൊഷ്യല്‍ മിഡിയകളില്‍ പ്രതിഷേധവും പ്രതികരണവുമായി രംഗത്തുവരുന്നവര്‍ പോലും ഇതിനെ അവഗണിച്ചു.ഇതിന്നു കാരണം മലയാളികളടക്കമുള്ളവര്‍ക്ക് അമേരിക്കയോടുള്ള ആരാധനയും അവര്‍ ഇന്നും മനസ്സില്‍ സൂക്ഷിക്കുന്ന അടിമത്ത മനോഭാവവുമാണു...യജമാനന്മാര്‍ ചെയ്യുന്ന എന്തും ഇന്നും ഈ അടിമത്തം പേരുന്നവര്‍ ആരാധനയോടെ അനുഭവിക്കും...
ലോകത്തിലെ ഒരു നയതന്ത്രപ്രതിനിധിയും ദേവയാനി ഖൊബ്രഗഡെ അനുഭവിച്ചതുപൊലെയുള്ള അപമാനം അനുഭവിക്കേണ്ടതായി വന്നിട്ടുണ്ടാകില്ല. അവരുടെ സ്വന്തം വാക്കുകളില്‍ തന്നെ നമുക്ക് അത് കേള്‍ക്കാം." ആവര്‍ത്തിച്ചവര്‍ എന്നെ വിവസ്‌ത്രയാക്കി പരിശോധിച്ചു, സ്രവമെടുത്തു, വിലങ്ങുവച്ചു, സഹിക്കാതെ പലതവണ ഞാന്‍ പൊ ട്ടിക്കരഞ്ഞു.ശരീരത്തിന്റെ വിവിധ ഭാഗങ്ങളില്‍ നിന്നും കാവിറ്റി സെര്‍ച്ചിനായി സ്രവമെടുത്തു. ഡിഎന്‍എ ടെസ്റ്റിനായി ഉമിനീരെടുത്തു. പലയവസരങ്ങളിലും ഞാന്‍ പൊട്ടിക്കരഞ്ഞു. ഞാന്‍ നയതന്ത്ര ഉദ്യോഗസ്ഥയായതു കൊണ്ട്‌ ഇത്തരം ടെസ്റ്റുകളില്‍ നിന്നും ഒഴിവാക്കണമെന്ന്‌ തുടരെ പറഞ്ഞിട്ടും അവര്‍ വകവെച്ചില്ല. പതിവ് കുറ്റവാളികള്‍ക്കും മയക്കുമരുന്ന്‌ ഉപയോഗിക്കുന്നവര്‍ക്കും ഒപ്പമാണ്‌ എന്നെ ജയിലിലാക്കിയത്‌." എന്റെ സഹപ്രവര്‍ത്തകര്‍ എനിക്ക് നല്‍കുന്ന പിന്തുണ ശക്തമായ നടപടിയിലേക്ക്‌ വഴിവയ്‌ക്കുമെന്ന്‌ എനിക്ക് വിശ്വാസമുണ്ട്‌. അത് എനിക്കും എന്റെ കുട്ടികള്‍ക്കും കുടുംബാംഗങ്ങള്‍ക്കും സംരക്ഷണം നല്‍കുമെന്നും ഭീഷണിയിലായ എന്റെ സര്‍വീസിന്‌ അന്തസ്‌ നല്‍കുമെന്നും എനിക്ക് ഉറപ്പുണ്ട്‌.
അതെ സമയം യുഎസില്‍ അറസ്റ്റിലായ ഇന്ത്യന്‍ നയതന്ത്രജ്ഞ ദേവയാനി ഖൊബ്രഗഡെക്കെതിരായ കേസ് പിന്‍വലിക്കില്ലെന്ന് അമേരിക്ക വ്യക്തമാക്കി. ദേവയാനിയെ അപമാനിച്ച സംഭവത്തില്‍ മാപ്പ് പറയണമെന്ന ഇന്ത്യയുടെ ആവശ്യവും അമേരിക്ക തള്ളി. ദേവയാനിക്കെതിരായ ആരോപണങ്ങള്‍ ഗൗരവമുള്ളതാണെന്നും നിയമത്തില്‍ നിന്ന് ആര്‍ക്കും ഒഴിവാകാന്‍ സാധിക്കില്ലെന്നും യുഎസ് സ്റ്റേറ്റ് വക്താവ് മേരി ഹാര്‍ഫ് വാര്‍ത്താസമ്മേളനത്തില്‍ വ്യക്തമാക്കി. ഇന്ത്യയുമായുള്ള നയതന്ത്രബന്ധം വളരെ പ്രധാനപ്പെട്ടതാണെന്നും അവര്‍ കൂട്ടിച്ചേര്‍ത്തു. കേസ് പിന്‍വലിക്കാന്‍ ന്യൂയോര്‍ക്കിലെ യുഎസ് അറ്റോര്‍ണി പ്രീത് ബരാരയ്ക്കു മേല്‍ സമ്മര്‍ദം ചെലുത്തുമെന്ന വാര്‍ത്ത വാസ്തവവിരുദ്ധമാണെന്നും യുഎസ് സ്റ്റേറ്റ് ഓഫീസ് അറിയിച്ചു.......
ഒരു ഇന്ത്യന്‍ നയതന്ത്രപ്രതിനിധിയെ അതിക്രൂരമായ രീതില്‍ അപമാനിച്ചതിന്നെതിരെ രാജ്യത്ത് ശക്തമായ പ്രതിഷേധം ഉയര്‍ന്നിട്ടില്ലായെന്നത് ആരേയും അത്ഭുതപെടുത്തുന്നതാണു....എന്തിന്നും ഏതിന്നും സൊഷ്യല്‍ മിഡിയകളില്‍ പ്രതിഷേധവും പ്രതികരണവുമായി രംഗത്തുവരുന്നവര്‍ പോലും ഇതിനെ അവഗണിച്ചു.ഇതിന്നു കാരണം മലയാളികളടക്കമുള്ളവര്‍ക്ക് അമേരിക്കയോടുള്ള ആരാധനയും അവര്‍ ഇന്നും മനസ്സില്‍ സൂക്ഷിക്കുന്ന അടിമത്ത മനോഭാവവുമാണു...യജമാനന്മാര്‍ ചെയ്യുന്ന എന്തും ഇന്നും ഈ അടിമത്തം പേരുന്നവര്‍ ആരാധനയോടെ അനുഭവിക്കും...
ലോകത്തിലെ ഒരു നയതന്ത്രപ്രതിനിധിയും ദേവയാനി ഖൊബ്രഗഡെ അനുഭവിച്ചതുപൊലെയുള്ള അപമാനം അനുഭവിക്കേണ്ടതായി വന്നിട്ടുണ്ടാകില്ല. അവരുടെ സ്വന്തം വാക്കുകളില്‍ തന്നെ നമുക്ക് അത് കേള്‍ക്കാം." ആവര്‍ത്തിച്ചവര്‍ എന്നെ വിവസ്‌ത്രയാക്കി പരിശോധിച്ചു, സ്രവമെടുത്തു, വിലങ്ങുവച്ചു, സഹിക്കാതെ പലതവണ ഞാന്‍ പൊ ട്ടിക്കരഞ്ഞു.ശരീരത്തിന്റെ വിവിധ ഭാഗങ്ങളില്‍ നിന്നും കാവിറ്റി സെര്‍ച്ചിനായി സ്രവമെടുത്തു. ഡിഎന്‍എ ടെസ്റ്റിനായി ഉമിനീരെടുത്തു. പലയവസരങ്ങളിലും ഞാന്‍ പൊട്ടിക്കരഞ്ഞു. ഞാന്‍ നയതന്ത്ര ഉദ്യോഗസ്ഥയായതു കൊണ്ട്‌ ഇത്തരം ടെസ്റ്റുകളില്‍ നിന്നും ഒഴിവാക്കണമെന്ന്‌ തുടരെ പറഞ്ഞിട്ടും അവര്‍ വകവെച്ചില്ല. പതിവ് കുറ്റവാളികള്‍ക്കും മയക്കുമരുന്ന്‌ ഉപയോഗിക്കുന്നവര്‍ക്കും ഒപ്പമാണ്‌ എന്നെ ജയിലിലാക്കിയത്‌." എന്റെ സഹപ്രവര്‍ത്തകര്‍ എനിക്ക് നല്‍കുന്ന പിന്തുണ ശക്തമായ നടപടിയിലേക്ക്‌ വഴിവയ്‌ക്കുമെന്ന്‌ എനിക്ക് വിശ്വാസമുണ്ട്‌. അത് എനിക്കും എന്റെ കുട്ടികള്‍ക്കും കുടുംബാംഗങ്ങള്‍ക്കും സംരക്ഷണം നല്‍കുമെന്നും ഭീഷണിയിലായ എന്റെ സര്‍വീസിന്‌ അന്തസ്‌ നല്‍കുമെന്നും എനിക്ക് ഉറപ്പുണ്ട്‌.
അതെ സമയം യുഎസില്‍ അറസ്റ്റിലായ ഇന്ത്യന്‍ നയതന്ത്രജ്ഞ ദേവയാനി ഖൊബ്രഗഡെക്കെതിരായ കേസ് പിന്‍വലിക്കില്ലെന്ന് അമേരിക്ക വ്യക്തമാക്കി. ദേവയാനിയെ അപമാനിച്ച സംഭവത്തില്‍ മാപ്പ് പറയണമെന്ന ഇന്ത്യയുടെ ആവശ്യവും അമേരിക്ക തള്ളി. ദേവയാനിക്കെതിരായ ആരോപണങ്ങള്‍ ഗൗരവമുള്ളതാണെന്നും നിയമത്തില്‍ നിന്ന് ആര്‍ക്കും ഒഴിവാകാന്‍ സാധിക്കില്ലെന്നും യുഎസ് സ്റ്റേറ്റ് വക്താവ് മേരി ഹാര്‍ഫ് വാര്‍ത്താസമ്മേളനത്തില്‍ വ്യക്തമാക്കി. ഇന്ത്യയുമായുള്ള നയതന്ത്രബന്ധം വളരെ പ്രധാനപ്പെട്ടതാണെന്നും അവര്‍ കൂട്ടിച്ചേര്‍ത്തു. കേസ് പിന്‍വലിക്കാന്‍ ന്യൂയോര്‍ക്കിലെ യുഎസ് അറ്റോര്‍ണി പ്രീത് ബരാരയ്ക്കു മേല്‍ സമ്മര്‍ദം ചെലുത്തുമെന്ന വാര്‍ത്ത വാസ്തവവിരുദ്ധമാണെന്നും യുഎസ് സ്റ്റേറ്റ് ഓഫീസ് അറിയിച്ചു.......
Friday, July 26, 2013
ക്യാപ്റ്റന്‍ ലക്ഷ്മി ആധുനിക ഇന്ത്യയുടെ വീരപുത്രി
ക്യാപ്റ്റന്‍ ലക്ഷ്മി ആധുനിക ഇന്ത്യയുടെ വീരപുത്രി
ആധുനിക ഇന്ത്യയുടെ വീരപുത്രിവിടപറഞ്ഞിട്ട് ഒരു വര്‍ഷം പിന്നിട്ടിരിക്കുയാണു. ദേശീയസ്വാതന്ത്ര്യ സമരപ്രസ്ഥാനത്തെയും ഇക്കാലത്തെയും ബന്ധിപ്പിച്ചുനിര്‍ത്തിയ ധീരോദാത്തമായ ഒരു വീരേതിഹാസത്തിന്റെ ചരിത്രം ആവേശോജ്ജ്വലമായിരുന്നു. ഇത്രയേറെ ത്യാഗോജ്വലമായ പോരാട്ടത്തിന്റെ ധീരചരിത്രമുള്ള മറ്റൊരു സ്വാതന്ത്ര്യസമരസേനാനി ഇനി ഇന്ത്യയിലില്ല. സമാനതകളില്ലാത്ത ഈ ധീരവനിതയ്ക്കുമുന്നില്‍- ലക്ഷ്മി സൈഗാള്‍ എന്ന ക്യാപ്റ്റന്‍ ലക്ഷ്മിയുടെ സ്മൃതിക്കുമുന്നില്‍ ഞങ്ങള്‍ അഭിവാദ്യപൂര്‍വം പ്രണമിക്കുന്നു.
പുതിയ തലമുറയ്ക്ക് അവിശ്വസനീയമായി തോന്നാവുന്നതും പഴയ തലമുറയെത്തന്നെ അമ്പരപ്പിക്കുന്നതുമായ ധീരസാഹസിക പോരാട്ടങ്ങള്‍കൊണ്ട് ചടുലമായ ജീവിതത്തിന്റെ ഉടമയായിരുന്നു ക്യാപ്റ്റന്‍ ലക്ഷ്മി. സമ്പല്‍സമൃദ്ധമായ യാഥാസ്ഥിതിക കുടുംബത്തില്‍ ജനം, തിളക്കമുള്ള മെഡിക്കല്‍ ബിരുദം, സ്വച്ഛമായ ജീവിതം. അത്തരമൊരു പശ്ചാത്തലത്തില്‍നിന്ന് സ്വാതന്ത്ര്യസമരത്തിന്റെ കനല്‍പ്പാതകളിലേക്കും ഗറില്ലാ പോരാട്ടരംഗത്തേക്കും വഴിമാറി നടന്ന ക്യാപ്റ്റന്‍ ലക്ഷ്മിയുടേതിനുസമാനമായി മറ്റൊരു വനിതയുടെ ജീവിതം പുതിയ കാലത്ത് കണ്ടെത്താന്‍ കഴിയില്ല.
നേതാജി സുഭാഷ്ചന്ദ്രബോസിന്റെ ഇന്ത്യന്‍ നാഷണല്‍ ആര്‍മി എന്ന ഐഎന്‍എയില്‍ ചേര്‍ന്ന അവര്‍, സ്റ്റെതസ്കോപ്പ് ഇടംകൈയിലും കൈത്തോക്ക് വലതുകൈയിലുമായാണ് ബ്രിട്ടീഷ് സാമ്രാജ്യത്വത്തെ എതിരിട്ടത്. ഝാന്‍സിറാണി റജിമെന്റിന്റെ അധിപസ്ഥാനത്ത് അവര്‍ എത്തി. ബര്‍മയില്‍ ഗറില്ലായുദ്ധം നയിച്ചു. വെടിയുണ്ടകള്‍ക്കിടയിലൂടെ തലനാരിഴയ്ക്ക് രക്ഷപ്പെട്ടു. നേതാജി സുഭാഷ്ചന്ദ്രബോസ് "ആസാദ് ഹിന്ദ്" എന്ന പേരില്‍ പ്രതീകാത്മക പ്രവാസി സര്‍ക്കാരുണ്ടാക്കിയപ്പോള്‍ അതില്‍ മന്ത്രിയായി. ബര്‍മയിലെ പോരാട്ടത്തിനിടയില്‍ സൈന്യത്തിന്റെ പിടിയിലായി. ഒരുവര്‍ഷം ഏകാന്തതടവ്. ഇങ്ങനെ ചടുലമായ സംഭവങ്ങളുടെ പടവുകള്‍ ചവിട്ടിക്കയറി നീങ്ങിയതായിരുന്നു അവരുടെ ധീരയുവത്വം. വിഭജനത്തിലും കോണ്‍ഗ്രസിന്റെ ജനവിരുദ്ധ നയസമീപനങ്ങളിലും മനംനൊന്ത ക്യാപ്റ്റന്‍ ലക്ഷ്മി, സ്വാതന്ത്ര്യലബ്ധിയെതുടര്‍ന്ന് ഇന്ത്യയില്‍ മടങ്ങിയെത്തിയെങ്കിലും കുറെ കാലം നിരാശയോടെ നിശബ്ദയായിരുന്നു. ബംഗ്ലാദേശ് വിമോചന സമരകാലത്ത് അതിര്‍ത്തിയില്‍ ശുശ്രൂഷയ്ക്കെത്തിയ ഡോക്ടറെ അക്കാലത്ത് ജ്യോതിബസുവാണ് വീണ്ടും രാഷ്ട്രീയത്തിലേക്ക് തിരികെയെത്തിച്ചത്. കമ്യൂണിസ്റ്റ് പാര്‍ടി അംഗമായ ക്യാപ്റ്റന്‍ ലക്ഷ്മി സിപിഐ എം കെട്ടിപ്പടുക്കാന്‍ പ്രതികൂലസാഹചര്യങ്ങളെയാകെ വെല്ലുവിളിച്ച് ഹിന്ദി ഹൃദയഭൂമിയില്‍ സജീവമായി. മാസ്മരികമായ ആ വ്യക്തിത്വം യുപിയിലെയും ബിഹാറിലെയുമൊക്കെ ഗ്രാമവാസികള്‍ക്ക് പ്രിയങ്കരമായി. രാഷ്ട്രപതി തെരഞ്ഞെടുപ്പില്‍ സിപിഐ എം ആവശ്യപ്പെട്ടപ്പോള്‍ തോല്‍ക്കുമെന്ന് അറിഞ്ഞുകൊണ്ടുതന്നെ അവര്‍ മത്സരിക്കാന്‍ തയ്യാറായി.
സ്നേഹത്തിന്റെയും സാമൂഹ്യമാറ്റത്തിന്റെയും വിപ്ലവാത്മകതയുടെയും സമന്വയവ്യക്തിത്വമായിരുന്നു ക്യാപ്റ്റന്‍ ലക്ഷ്മിയുടേത്. മനസ്സിന്റെ ഒരുഭാഗത്ത് പോരാട്ടവീര്യവും മറുഭാഗത്ത് ജീവകാരുണ്യവും അവര്‍ കാത്തുസൂക്ഷിച്ചു. അതുകൊണ്ടുതന്നെ എന്നും രോഗികള്‍ക്ക് സാന്ത്വനമരുളുന്ന ഡോക്ടര്‍കൂടിയായി അവര്‍ പ്രവര്‍ത്തിച്ചു. കാണ്‍പുരിലെ പാവപ്പെട്ടവര്‍ക്കായി പണം മാനദണ്ഡമല്ലാത്ത ആതുരശുശ്രൂഷാകേന്ദ്രം തുറന്നു. രാപ്പകല്‍ഭേദമില്ലാതെ അവര്‍ അവിടെ ചികിത്സാരംഗത്ത് വ്യാപിച്ചു; പ്രത്യേകിച്ചും ദീര്‍ഘയാത്രകള്‍ ശാരീരികമായി അസാധ്യമായ വാര്‍ധക്യത്തിന്റെ നാളുകളില്‍. ഐഎന്‍എയിലായിരിക്കെ ഷാര്‍പ് ഷൂട്ടര്‍ എന്ന് പേരെടുത്ത പോരാളിയായിരുന്ന ക്യാപ്റ്റന്‍ ലക്ഷ്മി, രാഷ്ട്രീയരംഗത്ത് സാമ്രാജ്യത്വ- വര്‍ഗീയശക്തികള്‍ക്കെതിരെ ഉന്നംതെറ്റാതെ വാക്കിന്റെ അമ്പുകളെയ്തു. ഒരു ഘട്ടത്തില്‍ വര്‍ഗീയതയുടെ ശക്തികള്‍ വീടുവളഞ്ഞ് അവരെ വീട്ടുതടങ്കലിലാക്കുന്ന സ്ഥിതിപോലുമുണ്ടായി. ഐഎന്‍എ പോരാളിയെന്ന് അറിയപ്പെടുന്നതിലല്ല, മറിച്ച് സിപിഐ എമ്മിന്റെ പോരാളിയെന്ന് അറിയപ്പെടുന്നതായിരുന്നു ക്യാപ്റ്റന്‍ ലക്ഷ്മി കൂടുതല്‍ അഭിമാനകരമായി കരുതിയിരുന്നത് എന്നത് ശ്രദ്ധേയം.
കമ്യൂണിസ്റ്റ് എന്ന വിശേഷണം അവര്‍ക്ക് പ്രിയങ്കരവും അഭിമാനജനകവുമായി അനുഭവപ്പെട്ടു. അത് അഭിമുഖങ്ങളില്‍ പരസ്യമാക്കാന്‍ അവര്‍ മടിച്ചുമില്ല. പുതിയ കാലത്ത്, സാമ്രാജ്യത്വത്തിനും വര്‍ഗീയതയ്ക്കും എതിരായും ജനമോചനത്തിനുവേണ്ടിയും ആഗ്രഹിക്കുന്ന സ്വാതന്ത്ര്യസമരസേനാനികള്‍ ജീവിച്ചിരിക്കുന്നുണ്ടെങ്കില്‍ അവര്‍ക്ക് കമ്യൂണിസ്റ്റാവുകയല്ലാതെ തരമില്ലെന്ന സന്ദേശം അവര്‍ വാക്കുകൊണ്ടും പ്രവൃത്തികൊണ്ടും ജനങ്ങളിലെത്തിച്ചു. ഗുജറാത്തില്‍ അതിഭീകരമായ വര്‍ഗീയവേട്ട നടന്ന നാളുകളില്‍ അതിനെതിരെ വിലക്കു ലംഘിച്ച് നിരത്തിലിറങ്ങി പൊരുതിയ നേതാവാണ് ക്യാപ്റ്റന്‍ ലക്ഷ്മി.
ചെന്നൈയില്‍നിന്ന് പഴയ മലയയിലേക്ക് പോയതും സിംഗപ്പൂരില്‍വച്ച് ജനറല്‍ മോഹന്‍സിങ് നേതാജി സുഭാഷ്ചന്ദ്രബോസിന്റെ സമീപത്തേക്ക് 1942ല്‍ നയിച്ചതും യുദ്ധത്തില്‍ പരിക്കേറ്റവരെയും യുദ്ധത്തടവുകാരെയും ചികിത്സിച്ചതും ചികിത്സ പോരാട്ടങ്ങള്‍ക്ക് വഴിമാറിയതും ഝാന്‍സിറാണി റജിമെന്റിന്റെ ക്യാപ്റ്റനായതും ബര്‍മയില്‍ പോയതും അവിടെ ഗറില്ലായുദ്ധമടക്കം നയിച്ചതും ആസാദ് ഹിന്ദ് ഗവണ്‍മെന്റ് പ്രഖ്യാപിച്ചതും അതില്‍ മന്ത്രിയായി അറിയപ്പെട്ടതും 1946 മാര്‍ച്ച് നാലിന് ഇന്ത്യയില്‍ വീരോചിതമായ സ്വീകരണം ലഭിച്ചതും 1947ല്‍ കേണല്‍ പ്രേംകുമാര്‍ സൈഗാളിനെ വിവാഹം കഴിച്ചതും 1947 ആഗസ്ത് 15നുമുമ്പായുള്ള ആറുമാസങ്ങളില്‍- വിവാഹത്തിന്റെ മധുവിധുകാലത്ത്- സ്വാതന്ത്ര്യസമരപ്രസ്ഥാനത്തിന്റെ ഭാഗമായ പോരാട്ടങ്ങളില്‍ വ്യാപൃതയായതുമൊക്കെ ഉള്പ്പെട്ട ആ ജീവിതത്തിന്റെ ഓരോ അധ്യായവും പുതുതലമുറയ്ക്ക് പാഠപുസ്തകമാകേണ്ടതാണ്.
ജനാധിപത്യ മഹിളാ അസോസിയേഷന്‍ സംഘടിപ്പിക്കുന്നതിന് രാജ്യവ്യാപകമായി അവര്‍ യത്നിച്ചു. ട്രേഡ് യൂണിയന്‍ പ്രവര്‍ത്തനത്തിലടക്കം വ്യാപരിച്ചു. കേരളത്തിന്റെ മകളാണ് ഇന്ത്യയുടെ ഈ വീരപുത്രി എന്നത് ഓരോ മലയാളിക്കും സവിശേഷമായ അഭിമാനം പകരുന്നതാണ്. അമ്മു സ്വാമിനാഥന്റെയും ഡോ. എസ് സ്വാമിനാഥന്റെയും മകളായാണ് പാലക്കാട് ആനക്കരയിലെ വടക്കത്ത് കുടുംബത്തില്‍ ലക്ഷ്മി ജനിച്ചത്. സ്ത്രീജീവിത ചരിത്രങ്ങളെയാകെ വിസ്മയിപ്പിക്കുന്ന സാഹസികവും യാതനാപൂര്‍ണവും ത്യാഗോജ്വലവും മനുഷ്യസ്നേഹനിര്‍ഭരവും വിമോചകവുമായ ഉള്ളടക്കത്തോടുകൂടിയ ഒരു ജീവിതയാത്രയുടെ തുടക്കമായിരുന്നു അത്. മാതൃകാപരമായ ആ വിപ്ലവജീവിത സ്മരണയ്ക്കുമുന്നില്‍ ഞങ്ങള്‍ അഭിവാദ്യം അര്‍പ്പിക്കുന്നു.
Thursday, February 14, 2013
കേരളത്തില്‍ ഉന്നതന്മാര്‍ ഉള്പ്പെട്ട സ്ത്രി പീഢനങള്‍ തേയ്ച്ച് മായ്ച്ച് കളയുന്നതിന്നെതിരെ പൊതുജനങള്‍ ശക്തമായി പ്രതികരിക്കേണ്ടിയിരിക്കുന്നു
കേരളത്തില്‍ ഉന്നതന്മാര്‍ ഉള്പ്പെട്ട സ്ത്രി പീഢനങള്‍ തേയ്ച്ച് മായ്ച്ച് കളയുന്നതിന്നെതിരെ പൊതുജനങള്‍ ശക്തമായി പ്രതികരിക്കേണ്ടിയിരിക്കുന്നു
കേരളത്തില്‍ ഉന്നതന്മാര്‍ ഉള്പ്പെട്ട സ്ത്രി പീഢനങള്‍ തേയ്ച്ച് മായ്ച്ച് കളയുന്നതിന്നെതിരെ പൊതുജനങള്‍ ശക്തമായി പ്രതികരിക്കേണ്ടിയിരിക്കുന്നു..
17 വർഷം മുൻപ് പറഞ്ഞ ആരോപണങ്ങളാണ് ഇപ്പോഴും ആവർത്തിക്കുന്നത്. അതെ അതുതന്നെയാണു പറയുന്നത് ..എന്തുകൊണ്ട് അന്നും ഇന്നും നടപടിയെടുത്തില്ല.... അതു തന്നെയാണു ജനവും ചോദിക്കുന്നത് ബ്ബ് ബ്ബ് ബ്ബ അടിക്കാതെ കുറ്റവാളികളെ പിടിക്കാന്‍ നോക്ക് ഉമ്മച്ചാ......
കേരളത്തില്‍ ഉന്നതന്മാര്‍ ഉള്പ്പെട്ട സ്ത്രി പീഢനങള്‍ തേയ്ച്ച് മായ്ച്ച് കളയുന്നതിന്നെതിരെ പൊതുജനങള്‍ ശക്തമായി പ്രതികരിക്കേണ്ടിയിരിക്കുന്നു..
17 വർഷം മുൻപ് പറഞ്ഞ ആരോപണങ്ങളാണ് ഇപ്പോഴും ആവർത്തിക്കുന്നത്. അതെ അതുതന്നെയാണു പറയുന്നത് ..എന്തുകൊണ്ട് അന്നും ഇന്നും നടപടിയെടുത്തില്ല.... അതു തന്നെയാണു ജനവും ചോദിക്കുന്നത് ബ്ബ് ബ്ബ് ബ്ബ അടിക്കാതെ കുറ്റവാളികളെ പിടിക്കാന്‍ നോക്ക് ഉമ്മച്ചാ......
Sunday, November 18, 2012
ഗസയിലെ മനുഷ്യക്കുതി ഉടനെ നിര്‍ത്തണം....ചോരക്കൊതിയന്മാരായ ഇസ്രയേല്‍ സേനയെ ഉടനെ ചങലക്കിടണം.
ഗസയിലെ മനുഷ്യക്കുതി ഉടനെ നിര്‍ത്തണം....ചോരക്കൊതിയന്മാരായ ഇസ്രയേല്‍ സേനയെ ഉടനെ ചങലക്കിടണം.
ലോക മനഃസാക്ഷിയെ ഞെട്ടിപ്പിച്ചുകൊണ്ട് ഗാസയിലെ പലസ്തീന്‍മണ്ണില്‍ ചോരപ്പുഴയൊഴുക്കാന്‍ ഇസ്രയേല്‍ വീണ്ടും കച്ചമുറുക്കി ഇറങിയിരിക്കുയാണു. നാലുദിവസമായി തുടരുന്ന വ്യോമാക്രമണം ശക്തമാക്കിയ സയണിസ്റ്റ് സൈന്യം ഗാസയിലെ ഹമാസ് സര്‍ക്കാരിന്റെ ആസ്ഥാനവും പ്രധാനമന്ത്രി ഇസ്മായില്‍ ഹനിയയുടെ വസതിയും ആക്രമിച്ചു. ശനിയാഴ്ച പുലരുംവരെ തുടര്‍ന്ന ആക്രമണത്തില്‍ എട്ടു പലസ്തീന്‍കാര്‍കൂടി കൊല്ലപ്പെട്ടു. സ്ത്രീകളും കുട്ടികളുമടക്കം നിരവധി പേര്‍ക്ക് പരിക്കേറ്റു. ഏതുനിമിഷവും ഗാസയില്‍ കടന്നുകയറാന്‍ തയ്യാറെടുത്ത് ഇസ്രയേലിന്റെ വന്‍ സൈനികസന്നാഹം അതിര്‍ത്തിയില്‍ നിലയുറപ്പിച്ചിരിക്കയാണ്. കരുതല്‍ശേഖരത്തിലുള്ള 75,000 സൈനികരെക്കൂടി രംഗത്തിറക്കാന്‍ ഇസ്രയേലി മന്ത്രിസഭ അംഗീകാരം നല്‍കിയതോടെ കരയാക്രമണം ആസന്നമായി. ബുധനാഴ്ചമുതല്‍ തുടരുന്ന ഇസ്രയേലി ആക്രമണത്തില്‍ കൊല്ലപ്പെട്ടവരുടെ എണ്ണം 48 ആയതായി പലസ്തീന്‍ അധികൃതര്‍ പറഞ്ഞു. എട്ട് കുട്ടികളും ഒരു ഗര്‍ഭിണിയും ഇതില്‍പ്പെടുന്നു. 600ല്‍ പരം ആളുകള്‍ക്ക് പരിക്കേറ്റിട്ടുണ്ട്. വെള്ളിയാഴ്ച സമാധാനദൗത്യവുമായെത്തിയ ഈജിപ്ത് പ്രധാനമന്ത്രി ഹിഷാം ഖാന്ദിലുമായി ഇസ്മായില്‍ ഹനിയ ചര്‍ച്ച നടത്തിയ ഓഫീസ് മന്ദിരം മണിക്കൂറുകള്‍ക്കകമാണ് ആക്രമിക്കപ്പെട്ടത്. സമീപത്തെ പൊലീസ് ആസ്ഥാനത്തും മിസൈലുകള്‍ പതിച്ചു. ഹമാസ് നേതാവ് അബു ഹസ്സന്‍ സലാഹിന്റെ വീട് ആക്രമണത്തില്‍ തകര്‍ന്നു. 30 പേരെ പരിക്കുകളോടെ രക്ഷപ്പെടുത്തി. ഹനിയയുടെ ഓഫീസും ഹമാസ് ആഭ്യന്തരമന്ത്രാലയവും പൊലീസ് ആസ്ഥാനവുമടക്കം നിരവധി പ്രധാന കേന്ദ്രങ്ങള്‍ ലക്ഷ്യമിട്ടാണ് വ്യോമാക്രമണമെന്ന് ഇസ്രയേല്‍ സൈന്യം വ്യക്തമാക്കി. ശനിയാഴ്ച പുലര്‍ച്ചെ 180 വട്ടം വ്യോമാക്രമണം നടത്തിയതായി ഇസ്രയേലി ടിവി റിപ്പോര്‍ട്ട്ചെയ്തു. നാലുവര്‍ഷം മുമ്പത്തെ നിഷ്ഠുരമായ കടന്നാക്രമണത്തിന്റെ ആവര്‍ത്തനത്തിനാണ് ഇസ്രയേലിന്റെ ആസൂത്രിതനീക്കം. വെള്ളിയാഴ്ച രാത്രി പ്രധാനമന്ത്രി ബെന്യാമിന്‍ നെതന്യാഹുവിന്റെ നേതൃത്വത്തില്‍ മുതിര്‍ന്ന മന്ത്രിമാര്‍ ടെല്‍ അവീവില്‍ യോഗംചേര്‍ന്നിരുന്നു. ആക്രമണം കൂടുതല്‍ വ്യാപകമാക്കാന്‍ ഈ യോഗത്തിലാണ് തീരുമാനിച്ചത്. ഇതിനു തൊട്ടുപിന്നാലെയാണ് ഗാസയ്ക്കുമേല്‍ രൂക്ഷമായ വ്യോമാക്രമണം ആരംഭിച്ചത്. ഗാസയിലേക്കുള്ള ഹൈവേയില്‍ വന്‍ ആയുധസന്നാഹത്തോടെ ഇസ്രയേലി സൈന്യം നിലയുറപ്പിച്ചിരിക്കയാണ്. അതിര്‍ത്തിയിലെ രണ്ടു പ്രധാന റോഡും അവര്‍ പിടിച്ചെടുത്തു. ആക്രമണം തുടരുന്നതിനിടയിലും അറബ്ലോകത്തിന്റെ ഐക്യദാര്‍ഢ്യവുമായി ടുണീഷ്യ വിദേശമന്ത്രി റഫീഖ് അബ്ദുസലാം ഗാസയിലെത്തി. പരിക്കേറ്റ് ആശുപത്രിയില്‍ കഴിയുന്നവരെ അദ്ദേഹം സന്ദര്‍ശിച്ചു. ഗാസയിലെത്തിയ ഈജിപ്ത് പ്രധാനമന്ത്രി ഹിഷാം ഖാന്ദില്‍ ഇസ്രയേലി ആക്രമണത്തെ രൂക്ഷമായി വിമര്‍ശിച്ചിരുന്നു. സമധാനചര്‍ച്ചയ്ക്ക് മാധ്യസ്ഥം വഹിക്കാന്‍ തയ്യാറാണെന്നും ഈജിപ്ത് വ്യക്തമാക്കിയിട്ടുണ്ട്. ഗാസയിലെ സ്ഥിതി ആശങ്കാജനകമാണെന്നും ഇസ്രയേല്‍ സംയമനം പാലിക്കണമെന്നും ഐക്യരാഷ്ട്രസഭാ സെക്രട്ടറി ജനറല്‍ ബാന്‍ കി മൂണ്‍ പറഞ്ഞു. മൂണ്‍ ഉടന്‍ ഗാസ സന്ദര്‍ശിക്കുമെന്നും അദ്ദേഹത്തിന്റെ വക്താവ് അറിയിച്ചു.എന്നാല്‍ ഐക്യരാഷ്ട്രസഭയുടെ അഭ്യര്‍ത്ഥനക്ക് പുല്ലുവിലയാണു ഇസ്രേയേല്‍ കല്പിക്കുന്നത് അതേസമയം, അമേരിക്ക ഈ താന്തോണി രാഷ്ട്രത്തിന്ന് സമ്പൂര്‍ണ പിന്തുണയാണു പ്രഖ്യാപിച്ചിരിക്കുന്നത്... ഇസ്രയേലിന്റെ എന്ത് തൊന്നിവാസത്തിന്ന് എന്നും കൂട്ടുനിന്നവര്‍ അമേരിക്കമാത്രമാണു...ആയിരക്കണക്കിന്നാളുകളെ നിരപരാധികളായ കുട്ടികളെ സ്ത്രികളെ വ്ബരൃദ്ക്ധരെ കൂട്ടക്കൊല ചെയ്യുമ്പോഴാണു അമേരിക്കന്‍ പ്രസിഡണ്ട് ബരാക് ഒബാമ ഇസ്രേയേല്‍ പ്രധാനമന്ത്രി നെതന്യാഹുമായി ഫോണില്‍ വിളിച്ച് അമേരിക്കയുടെ പിന്തുണ അറിയിച്ചത്.....സമാധാനത്തിന്റെ വെള്ളരിപ്രാവുകളെന്ന് സ്വയം അവകാശപ്പെടുന്ന അമേരിക്കക്ക് ലോകത്ത് ചൊരപ്പുഴ ഒഴുക്കിയതിന്റെ ചരിത്രം മാത്രമെയുള്ളു....ഇന്നും ഇസ്രയേല്‍ പലസ്തീന്റെ മണ്ണില്‍ ഗാസയില്‍ ആയിരങളെ കൊന്നൊടുക്കി ചോരപ്പുഴ ഒഴുക്കുമ്പോഴും അവിടെ സമാധാനമുണ്ടാക്കുന്നതിന്ന് ശ്രമിക്കാരെ ചോരക്കൊതിയന്മാര്‍ക്ക് ഓശാനപാടാനും അവര്‍ക്ക് ആവശ്യമായ പിന്തുണ നകാനും ശ്രമിക്കുകയെന്നത് മനുഷ്യത്തമുള്ള മനുഷ്യരെയാകെ ഞെട്ടിച്ചിരിക്കുയാണു.ലോകം ഒന്നടക്കം ആവശ്യപ്പെടുന്നു ..ഉടനെ നിര്‍ത്തണം ഈ മനുഷ്യക്കുതി ....ചോരക്കൊതിയന്മാരായ ഇസ്രയേല്‍ സേനയെ ഉടനെ ചങലക്കിടണം..അതാണു ലോകം ഇന്ന് ആവശ്യപ്പെടുന്നത്...
Thursday, November 01, 2012
കേരളപ്പിറവി ദിനത്തില്‍ ഇന്ന് സിപിഐ എം നേതൃത്വത്തില്‍ നടക്കുന്ന നവോത്ഥാന സദസ്സില്‍ ചൊല്ലുന്ന പ്രതിജ്ഞ.
കേരളപ്പിറവി ദിനത്തില്‍ ഇന്ന് സിപിഐ എം നേതൃത്വത്തില്‍ നടക്കുന്ന നവോത്ഥാന സദസ്സില്‍ ചൊല്ലുന്ന പ്രതിജ്ഞ.
കേരളത്തെ സ്നേഹിക്കുന്ന ഓരോരുത്തരും എടുക്കേണ്ട പ്രതിജ്ഞ...ഞങളും നിങളോട് ഐക്യദാര്‍ഢ്യം പ്രകടിപ്പിക്കുന്നു...ഞങളും നിങോളോടോത്ത് പ്രതിജ്ഞചെയ്യുന്നു ....കേരളത്തെ വീണ്ടും ഭ്രാന്താലയമാക്കാനും ഇരുട്ടറയില്‍ തള്ളാനുമുള്ള സംഘടിതശ്രമങ്ങളെ ഉയര്‍ന്ന മാനവികതാബോധംകൊണ്ട് തകര്‍ത്ത് കേരളത്തെ സംരക്ഷിക്കുമെന്നും അതിനായി സ്വയം സമര്‍പ്പിക്കുമെന്നും പ്രതിജ്ഞ ചെയ്യുന്നു. ഈ വാക്ക് ഒരേ ശബ്ദത്തില്‍! ഈ ചിന്ത ഒരേ ഭാവത്തില്‍! ഈ യാത്ര ഒരേ താളത്തില്‍! ഒരേ മനസ്സായി നാം മുന്നോട്ട്! പ്രതിജ്ഞ! പ്രതിജ്ഞ! പ്രതിജ്ഞ!......
പ്രതിജ്ഞ ഇവിടെ തുടങുന്നു......
അന്ധവിശ്വാസങ്ങള്‍ക്കും അനാചാരങ്ങള്‍ക്കുമെതിരെ ബഹുജനകൂട്ടായ്മയുടെ സന്ദേശമുയര്‍ത്തി കേരളപ്പിറവി ദിനമായ വ്യാഴാഴ്ച സിപിഐ എം നേതൃത്വത്തില്‍ നടക്കുന്ന നവോത്ഥാന സദസ്സില്‍ ചൊല്ലുന്ന പ്രതിജ്ഞ. സമുന്നതമായ മാനവികതാബോധത്തില്‍നിന്ന് ഉയിര്‍ക്കൊണ്ട നവോത്ഥാന പാരമ്പര്യത്തിന്റെ മഹനീയ ആദര്‍ശങ്ങള്‍ അമൂല്യമെന്ന് നാം തിരിച്ചറിയുന്നു. അതിന്റെ തണലിലാണ് സാമ്രാജ്യത്വവിരുദ്ധ ദേശീയബോധവും സ്വാതന്ത്ര്യാഭിവാഞ്ഛയും സമഭാവനയും പുരോഗമനാഭിമുഖ്യവും സമൂഹമനസ്സില്‍ വളര്‍ന്നു പന്തലിച്ചത്. അത്, സ്വാതന്ത്ര്യത്തിന്റെയും ജനാധിപത്യത്തിന്റെയും സോഷ്യലിസ്റ്റ് സങ്കല്‍പ്പത്തിന്റെയും മതനിരപേക്ഷ മനോഭാവത്തിന്റെയും വിത്തു കിളിര്‍ക്കാന്‍ കേരളത്തിന്റെ മണ്ണൊരുക്കി. മാറുമറയ്ക്കാനും ക്ഷേത്രപരിസരത്ത് വഴിനടക്കാനും ക്ഷേത്രത്തില്‍ കയറി ആരാധിക്കാനും ഒരുമിച്ചിരുന്ന് പഠിക്കാനും പഠിപ്പിനൊത്ത് തൊഴില്‍ നേടാനുമുള്ള സ്വാതന്ത്ര്യം നാമാര്‍ജിച്ചത് നവോത്ഥാനപ്രസ്ഥാനം തെളിച്ച വഴികളിലൂടെയാണ്; ജാതിവിരുദ്ധവും മതനിരപേക്ഷവുമായ മുന്നേറ്റങ്ങളിലൂടെയാണ്. സാമൂഹികഅസമത്വം അവസാനിപ്പിക്കാനുള്ള മാനവികസ്വപ്നങ്ങള്‍ സാമ്പത്തിക ഉച്ചനീചത്വങ്ങള്‍ അവസാനിപ്പിക്കാനുള്ള പോരാട്ടങ്ങളായി ഉയര്‍ന്നു. നവോത്ഥാന പാരമ്പര്യത്തിന്റെ നേര്‍പിന്മുറക്കാരുടെ പുരോഗമന ശക്തി ആ സമരത്തിന് രാഷ്ട്രീയ ഉള്ളടക്കം നല്‍കി. ഇന്ന്, വെളിച്ചത്തിന്റെ വഴികളെല്ലാമടയ്ക്കാനും സമൂഹത്തെ അന്ധകാരത്തിന്റെ തുരുത്തുകളിലേക്ക് തിരിച്ചുകൊണ്ടുപോയി തളയ്ക്കാനും സാമ്രാജ്യത്വപ്രേരിത ശ്രമങ്ങള്‍ കരുത്താര്‍ജിക്കുന്നു. കേരളത്തെ പിന്നോട്ടു നടത്തിക്കാന്‍ സംഘടിത ശ്രമം ഉണ്ടാകുന്നു. നമ്മുടെ മണ്ണിനെയും വെള്ളത്തെയും ഭാഷയെയും സംസ്കാരത്തെയും പരിരക്ഷിക്കാനും അവ കവരാനുള്ള ശ്രമത്തെ ചെറുക്കാനുമുള്ള പോരാട്ടത്തിന്റെ നിലപാടുതറയായി നവോത്ഥാന പാരമ്പര്യത്തെ നമ്മള്‍ തിരിച്ചറിയുന്നു. അന്ധവിശ്വാസങ്ങളും അനാചാരങ്ങളും അവസാനിപ്പിച്ച് പുതിയ കാലത്തിന്റെ ശാസ്ത്രയുക്തിബോധം സമൂഹമനസ്സില്‍ ഉള്‍ച്ചേര്‍ക്കാന്‍ നാം കൈകോര്‍ക്കുന്നു. മനുഷ്യസ്നേഹത്തിന്റെയും സമഭാവനയുടെയും സംസ്കാരത്തിന്റെ നൂതന പ്രകാശം അണഞ്ഞുപോകാതെ കാക്കുമെന്ന് സത്യപ്രതിജ്ഞചെയ്യുന്നു. വര്‍ഗീയതയുടെ നിഷ്ഠുരമായ വിഭജനീക്കങ്ങളെയും ഭീകരപ്രവര്‍ത്തനത്തിന്റെ കിരാതമായ മാനവികതാധ്വംസനത്തെയും ചെറുത്ത് മനുഷ്യരൊന്ന് എന്ന മഹാസന്ദേശം നാം ഒരുമിച്ചുയര്‍ത്തുന്നു. കേരളത്തെ ഇന്നുകാണുന്ന കേരളമാക്കി മാറ്റിയെടുക്കുന്നതിന് ചാലകശക്തിയായി നിന്ന കമ്യൂണിസ്റ്റ് പ്രസ്ഥാനമാണ് നവോത്ഥാന പ്രസ്ഥാനത്തിന്റെ കണ്ണിമുറിയാത്ത നേര്‍തുടര്‍ച്ച. കമ്യൂണിസ്റ്റ് പ്രസ്ഥാനം തകര്‍ന്നാല്‍ കേരളം ആര്‍ജിച്ച മനസ്സിന്റെ വെളിച്ചവും ബോധത്തെളിച്ചവും ഇന്ന് അനുഭവിക്കുന്ന നേട്ടങ്ങളുമെല്ലാം ആത്യന്തികമായി തകരുമെന്ന് നാം മനസ്സിലാക്കുന്നു. പോരാട്ടങ്ങളിലൂടെ കേരളം നേടിയ പുതിയ സാമൂഹിക- സാമ്പത്തിക ജീവിതക്രമം നമ്മുടെ അഭിമാനമാണ്; അതിജീവന പ്രകാശമാണ്. അത് തല്ലിക്കെടുത്താനായി ഇടതുപക്ഷ പ്രസ്ഥാനത്തെ, കമ്യൂണിസ്റ്റ് പാര്‍ടി ഓഫ് ഇന്ത്യ മാര്‍ക്സിസ്റ്റിനെ ഇരുട്ടിന്റെ കിരാതശക്തികള്‍ വളഞ്ഞിട്ട് ആക്രമിക്കുന്നത് നാം രോഷത്തോടെ തിരിച്ചറിയുന്നു. ആ കൊടിയ മാര്‍ക്സിസ്റ്റ് വിരുദ്ധ ആക്രമണത്തെ പൊരുതിത്തോല്‍പ്പിക്കാനുള്ള കടമ സാമ്രാജ്യത്വത്തിന്റെ പുത്തന്‍ അധിനിവേശശ്രമങ്ങള്‍ക്കെതിരായ പോരാട്ടത്തോടൊപ്പം നാം ഏറ്റെടുക്കുന്നു. കേരളത്തെ വീണ്ടും ഭ്രാന്താലയമാക്കാനും ഇരുട്ടറയില്‍ തള്ളാനുമുള്ള സംഘടിതശ്രമങ്ങളെ ഉയര്‍ന്ന മാനവികതാബോധംകൊണ്ട് തകര്‍ത്ത് കേരളത്തെ സംരക്ഷിക്കുമെന്നും അതിനായി സ്വയം സമര്‍പ്പിക്കുമെന്നും പ്രതിജ്ഞ ചെയ്യുന്നു. ഈ വാക്ക് ഒരേ ശബ്ദത്തില്‍! ഈ ചിന്ത ഒരേ ഭാവത്തില്‍! ഈ യാത്ര ഒരേ താളത്തില്‍! ഒരേ മനസ്സായി നാം മുന്നോട്ട്! പ്രതിജ്ഞ! പ്രതിജ്ഞ! പ്രതിജ്ഞ!
പോരാടാം നാടിന്റെ നന്മയ്ക്ക് .....പിണറായി വിജയന്‍ (കേരളം പിന്നിട്ട നാള്‍വഴി....യുടെ രണ്ടാം ഭാഗം)
പോരാടാം നാടിന്റെ നന്മയ്ക്ക് ...പിണറായി വിജയന്‍ (കേരളം പിന്നിട്ട നാള്‍വഴി....യുടെ രണ്ടാം ഭാഗം)
by Narayanan Veliancode on Thursday, November 1, 2012 at 8:31am ·
പോരാടാം നാടിന്റെ നന്മയ്ക്ക് .....പിണറായി വിജയന്‍ (കേരളം പിന്നിട്ട നാള്‍വഴി....യുടെ രണ്ടാം ഭാഗം)
വിവിധ സംസ്കാരങ്ങളെയും മതദര്‍ശനങ്ങളെയും ഉള്‍ക്കൊണ്ട് മുന്നോട്ടുപോയതാണ് കേരളത്തിന്റെ സംസ്കാരം. ബൗദ്ധ- ജൈനദര്‍ശനങ്ങളും ഹൈന്ദവ- ക്രൈസ്തവ- മുസ്ലിം കാഴ്ചപ്പാടുകളുമെല്ലാം ഉള്‍ക്കൊണ്ട് വളരുകയും വികസിക്കുകയുംചെയ്ത മഹത്തായ പാരമ്പര്യമാണ് നമുക്കുള്ളത്. അതുകൊണ്ടുതന്നെ അഭിമാനകരമായ മതസൗഹാര്‍ദ അന്തരീക്ഷം കേരളത്തില്‍ രൂപപ്പെട്ടു. കേരളത്തിന്റെ ഈ മഹത്തായ പാരമ്പര്യത്തെ സംരക്ഷിക്കുന്നതിനും കൂടുതല്‍ ശക്തിപ്പെടുത്തുന്നതിനും ഉതകുന്ന പ്രവര്‍ത്തന പദ്ധതികളാണ് കമ്യൂണിസ്റ്റ് പാര്‍ടിക്കുള്ളത്. ജാതിക്കും മതത്തിനും അതീതമായി ജനങ്ങളുടെ പൊതുവായ ഐക്യം രൂപപ്പെടുത്തുക എന്നത്, തൊഴിലാളികളെയും കര്‍ഷകരെയും മറ്റു ജനവിഭാഗങ്ങളെയും കൂട്ടിയോജിപ്പിച്ച് അവരുടെ പ്രശ്നങ്ങള്‍ പരിഹരിക്കുന്നതിനായി പൊരുതുന്ന കമ്യൂണിസ്റ്റ് പാര്‍ടിക്ക് ഏറെ പ്രധാനമാണ്. അങ്ങനെ കമ്യൂണിസ്റ്റ് പാര്‍ടിയുടെ ദൈനംദിന പ്രവര്‍ത്തനങ്ങള്‍ മതസൗഹാര്‍ദം നിലനിര്‍ത്തുന്നതിനുള്ള ഉപാധികൂടിയായിത്തീരുന്നു.
കേരളത്തിന്റെ മതനിരപേക്ഷതാ പാരമ്പര്യം മുന്നോട്ട് കൊണ്ടുപോവുക എന്നത് പാര്‍ടിയുടെ പ്രവര്‍ത്തനത്തില്‍ ഉള്‍ച്ചേര്‍ന്നതാണ്. ജനങ്ങളുടെ യോജിപ്പിനെ തകര്‍ക്കുക എന്നത്, സാമ്രാജ്യത്വശക്തികള്‍ക്ക് അവരുടെ നയം നടപ്പാക്കുന്നതിന് അനിവാര്യമായ ഒന്നാണ്. അതുകൊണ്ടാണ് വര്‍ഗീയശക്തികളെ രൂപപ്പെടുത്തുന്നതിനും അവരെ പ്രോത്സാഹിപ്പിക്കുന്നതിനും ഉതകുന്ന സമീപനം ഇന്ത്യയിലെ ഭരണവര്‍ഗപാര്‍ടികള്‍ പൊതുവില്‍ സ്വീകരിക്കുന്നത്. അങ്ങനെയാണ് സാമ്രാജ്യത്വശക്തികളുടെ കടന്നുവരവോടെ ഇന്ത്യയില്‍ വര്‍ഗീയപ്രസ്ഥാനങ്ങള്‍ രൂപപ്പെട്ടത്. കേരളത്തില്‍ 1940കളുടെ തുടക്കത്തില്‍ കോഴിക്കോട് ആര്‍എസ്എസിന്റെ ശാഖ ആരംഭിച്ചിരുന്നു. ഈ ഘട്ടത്തില്‍ത്തന്നെ തലശേരിയില്‍ മുസ്ലിംവ്യാപാരികളെ വളരാന്‍ അനുവദിക്കരുത് അത് ഹിന്ദുത്വത്തിന് ആപത്താണ് എന്ന രീതിയിലുള്ള പ്രചാരണവും ആരംഭിച്ചു. സ്വാതന്ത്ര്യസമരം കൊടുമ്പിരിക്കൊണ്ട ഈ ഘട്ടത്തില്‍ ദേശീയ സ്വാതന്ത്ര്യസമരവുമായി ബന്ധപ്പെട്ട ഒരു മുദ്രാവാക്യവും മറ്റ് എവിടെയും എന്നപോലെ ഇവിടെയും ആര്‍എസ്എസ് മുന്നോട്ടുവച്ചില്ല. കേരളത്തില്‍ നിലനിന്ന മതനിരപേക്ഷതയെ തകര്‍ക്കാന്‍ വ്യത്യസ്ത രീതിയിലുള്ള വഴികളാണ് ഓരോ ഘട്ടത്തിലും സംഘപരിവാര്‍ സ്വീകരിച്ചത്.
അക്കാലത്തുതന്നെ എന്‍എസ്എസിനെയും എസ്എന്‍ഡിപിയെയും ഐക്യപ്പെടുത്തി അതിലൂടെ തങ്ങളുടെ അജന്‍ഡ സ്ഥാപിക്കാനുള്ള പ്രവര്‍ത്തനങ്ങള്‍ നടത്തി. മുസ്ലിം ലീഗിന് അധികാരത്തില്‍ ലഭിച്ച കണക്കുകള്‍ നിരത്തി ഹിന്ദുക്കള്‍ക്ക് അധികാരം അപ്രാപ്യമാണ് എന്ന പ്രചാരവേലയിലാണ് പിന്നീട് ആര്‍എസ്എസ് ഊന്നിയത്. 1970കള്‍ ആകുമ്പോഴേക്കും ആശയ പ്രചാരണത്തേക്കാള്‍ അക്രമോത്സുകമായ പ്രവര്‍ത്തനങ്ങള്‍ക്കാണ് അവര്‍ പ്രാമുഖ്യം നല്‍കിയത്. 1978 മുതല്‍ 1979 മാര്‍ച്ചുവരെയുള്ള കാലയളവില്‍ ആര്‍എസ്എസ് നേതൃത്വം കൊടുത്ത 164 സംഘര്‍ഷങ്ങള്‍ ഉണ്ടായതായി രേഖകള്‍ കാണിക്കുന്നു. കമ്യൂണിസ്റ്റ് പാര്‍ടിയെ തകര്‍ക്കുക എന്നത് എക്കാലത്തെയും അവരുടെ അജന്‍ഡയായിരുന്നു. വിമോചനസമരത്തെ പിന്തുണയ്ക്കുന്നതിന് ഇവര്‍ തയ്യാറായി. പാര്‍ടിയെ പരാജയപ്പെടുത്താന്‍ യുഡിഎഫുമായി ഒളിഞ്ഞും തെളിഞ്ഞും ബന്ധത്തിലേര്‍പ്പെടുക എന്നതും അവരുടെ നയമായി. ബേപ്പൂര്‍ നിയമസഭാ മണ്ഡലത്തിലും വടകര പാര്‍ലമെന്റ് മണ്ഡലത്തിലും ഉണ്ടായ കോ.ലീ.ബി സഖ്യം പ്രസിദ്ധമാണല്ലോ. ഈ പരീക്ഷണവും പരാജയപ്പെട്ടതോടെ കേന്ദ്രത്തില്‍ അധികാരത്തില്‍ വന്ന ഘട്ടത്തില്‍ ആ സ്വാധീനംകൂടി ഉപയോഗപ്പെടുത്തി ഹിന്ദു ഐക്യം എന്ന മുദ്രാവാക്യം ഉയര്‍ത്തി എന്‍എസ്എസിനെയും എസ്എന്‍ഡിപിയെയും തങ്ങളുടെ കൊടിക്കീഴില്‍ കൊണ്ടുവരാനുള്ള പരിശ്രമങ്ങള്‍ ആര്‍എസ്എസ് നടത്തി. അതും പ്രാവര്‍ത്തികമായില്ല. ഇപ്പോള്‍ വീണ്ടും ഇത്തരം പദ്ധതികളുമായി ആര്‍എസ്എസ് രംഗത്തുവന്നിട്ടുണ്ട്. കേരളത്തില്‍ ഇന്നേവരെ പാര്‍ലമെന്റിലോ അസംബ്ലിയിലോ ഒരു സീറ്റുപോലും നേടാന്‍ കഴിയാത്ത സംഘപരിവാര്‍, തങ്ങളുടെ അജന്‍ഡ നടപ്പാക്കുന്നതിന് നടത്തുന്ന ശ്രമങ്ങളാണ് ഇതിനു പിന്നിലുള്ളതെന്ന് നാം തിരിച്ചറിയണം. കേരളത്തിന്റെ മതനിരപേക്ഷ പാരമ്പര്യം കാത്തുസൂക്ഷിക്കുന്നതിന് ഇത്തരം നീക്കങ്ങളെ തിരിച്ചറിഞ്ഞ് ഒറ്റപ്പെടുത്താനാകണം. ഇന്ത്യയിലെ മറ്റു സംസ്ഥാനങ്ങളില്‍നിന്ന് വ്യത്യസ്തമായ നിലയാണ് ന്യൂനപക്ഷങ്ങളെ സംബന്ധിച്ചിടത്തോളം കേരളത്തില്‍ ഉള്ളത്. 50 ശതമാനത്തോളം ന്യൂനപക്ഷ ജനവിഭാഗങ്ങളാണ് കേരളത്തിലുള്ളത്. എന്നാല്‍, സംഘപരിവാര്‍ പ്രചരിപ്പിക്കുന്നതുപോലെ കേരളത്തിലെ ന്യൂനപക്ഷങ്ങള്‍ ആകമാനം സമ്പന്നരല്ല. ഒരു വിഭാഗം സാമ്പത്തികമായി ഉയര്‍ന്നുവന്നിട്ടുണ്ട് എന്നത് വസ്തുതയാണ്. ന്യൂനപക്ഷ വിഭാഗങ്ങളില്‍ വലിയ ശതമാനം മത്സ്യത്തൊഴിലാളികളാണ്. ഇവരാകട്ടെ കേരളത്തില്‍ ഏറ്റവും ദുരിതം അനുഭവിക്കുന്ന ജനവിഭാഗമാണ്. അവരുടെ അവശത പരിഹരിക്കുക എന്നത് കേരള വികസനത്തിന് ഏറെ പ്രധാനമാണ്. ന്യൂനപക്ഷ വിഭാഗങ്ങളില്‍നിന്ന് ഉയര്‍ന്നുവന്ന ഒരു സമ്പന്ന വിഭാഗം എല്ലാ ഘട്ടത്തിലും അടിസ്ഥാന ജനവിഭാഗത്തിന്റെ താല്‍പ്പര്യങ്ങള്‍ സംരക്ഷിക്കുന്ന കമ്യൂണിസ്റ്റ് പ്രസ്ഥാനത്തിന് എതിരായി പ്രവര്‍ത്തിക്കുന്നതിന് ശ്രമിച്ചിട്ടുണ്ട്. ഇത് ഏറ്റവും പ്രകടമായി പ്രത്യക്ഷപ്പെട്ടത്, 1957ല്‍ ഭൂപരിഷ്കരണവും വിദ്യാഭ്യാസ ബില്ലും പാസാക്കിയ സര്‍ക്കാരിനെ അട്ടിമറിക്കാന്‍ നടത്തിയ വിമോചനസമരത്തിലൂടെയാണ്. കമ്യൂണിസ്റ്റ് പ്രസ്ഥാനത്തെ തകര്‍ക്കാന്‍ തങ്ങള്‍ക്ക് തനതായി കഴിയില്ലെന്നു മനസ്സിലാക്കിയ കേരളത്തിലെ കോണ്‍ഗ്രസ് നേതൃത്വം ജാതി- മത ശക്തികളുമായി ഐക്യമുണ്ടാക്കുക എന്ന നിലപാട് സ്വീകരിച്ചു. ഇത്തരം സംഘങ്ങളുടെ നേതൃത്വത്തില്‍ നിലകൊണ്ട സമ്പന്നവിഭാഗത്തിന്റെ താല്‍പ്പര്യങ്ങളും വലതുപക്ഷത്തിന്റെ വര്‍ഗപരമായ നിലപാടും പരസ്പരം പൊരുത്തപ്പെട്ടതുകൊണ്ട് കമ്യൂണിസ്റ്റ് പ്രസ്ഥാനത്തിനെതിരെ പൊതുവായ ഐക്യപ്രസ്ഥാനമായി ഇവ നിലകൊള്ളുന്ന സ്ഥിതിയും ഉണ്ടായി. എങ്കിലും പാവപ്പെട്ട ജനങ്ങളുടെ താല്‍പ്പര്യങ്ങള്‍ സംരക്ഷിക്കുന്ന പ്രസ്ഥാനം എന്ന നിലയില്‍ ന്യൂനപക്ഷ ജനവിഭാഗങ്ങളില്‍ ഉള്‍പ്പെടെയുള്ള പാവപ്പെട്ട ഒരു വലിയവിഭാഗം ജനത പാര്‍ടിയോടൊപ്പം അണിചേരുകയുണ്ടായി. ആഗോളവല്‍ക്കരണത്തിന്റെ വര്‍ത്തമാനകാലത്ത് തീവ്രമായ വാണിജ്യവല്‍ക്കരണ നിലപാടുകളെ പിന്തുണയ്ക്കുകയും മറുഭാഗത്ത് തീവ്രമായ വര്‍ഗീയ ധ്രുവീകരണത്തെ പ്രോത്സാഹിപ്പിക്കുകയും ചെയ്യുക എന്ന സമീപനം വലതുപക്ഷ ശക്തികള്‍ സ്വീകരിക്കുകയാണ്. അതിന്റെ ഭാഗമായി പൊതുസ്ഥാപനങ്ങളെയും പൊതുമണ്ഡലങ്ങളെയും എല്ലാം തകര്‍ത്ത് സ്വകാര്യവല്‍ക്കരണത്തിന്റെയും അതുവഴി വര്‍ഗീയവല്‍ക്കരണത്തിന്റെയും വഴികളിലേക്ക് കേരളത്തെ നയിക്കുന്നതിനുള്ള ഇടപെടല്‍ നടത്തുകയാണ്. ഒരുകാലത്ത് കേരളത്തിലെ പാവപ്പെട്ടവന് വിദ്യാഭ്യാസം നല്‍കുന്നതില്‍ സുപ്രധാന പങ്ക് വഹിച്ചവരായിരുന്നു മിഷണറിമാര്‍. അത്തരം പാരമ്പര്യം അവകാശപ്പെടുന്ന സംഘങ്ങള്‍ പലതും, പണമുള്ളവനു മാത്രമേ വിദ്യാഭ്യാസം നല്‍കൂ എന്ന നിലപാട് സ്വീകരിക്കുന്നത് ദൗര്‍ഭാഗ്യകരമാണ്. ഈ നിലപാടിനെതിരെ പാവപ്പെട്ടവന്റെ പക്ഷത്തുനിന്ന് ശബ്ദിച്ചാല്‍ അത് മതവിരുദ്ധമാണെന്നു പ്രചരിപ്പിച്ച് വിശ്വാസികളെ തങ്ങളുടെ നിലപാടുകള്‍ക്കു പിന്നില്‍ അണിനിരത്താനും ശ്രമിക്കുന്നു. ഓരോ മതസ്ഥരും അതത് മതസ്ഥാപനങ്ങള്‍ നടത്തുന്ന വിദ്യാലയങ്ങളില്‍ത്തന്നെയാണ് പഠിക്കേണ്ടത് എന്ന നിലപാടുപോലും മതനിരപേക്ഷതയുടെ ഉജ്വല പാരമ്പര്യമുള്ള കേരളത്തില്‍ ഉയര്‍ന്നുവരുന്നു. ഇതിലൂടെ സംഭവിക്കുന്നത് മതനിരപേക്ഷതയിലധിഷ്ഠിതമായ പൊതുവിദ്യാഭ്യാസ രീതിപോലും മതവല്‍ക്കരണത്തിലേക്ക് നയിക്കപ്പെടുന്നു എന്നതാണ്. മുസ്ലിംലീഗ് ഇപ്പോള്‍ സ്വീകരിക്കുന്ന നിലപാടുകള്‍ കേരളത്തിന്റെ മതനിരപേക്ഷതാ പാരമ്പര്യത്തിന് കനത്ത തിരിച്ചടി നല്‍കുന്ന തരത്തിലുള്ളതാണ്. സമ്പന്നര്‍ക്കായുള്ള ലീഗിന്റെ സാമുദായിക രാഷ്ട്രീയം തീവ്രവാദപരമായ രാഷ്ട്രീയത്തിന് കീഴടങ്ങുന്നുവെന്നതാണ് വര്‍ത്തമാനകാലത്തുണ്ടായ പ്രവണത. ഈ സര്‍ക്കാരിന്റെ കാലത്ത് നടന്ന ചില ചെയ്തികള്‍ ഇത് വ്യക്തമാക്കുന്നുണ്ട്. കാസര്‍കോട് അന്വേഷണ കമീഷനെ പിരിച്ചുവിട്ടത്, നാദാപുരം നരിക്കാട്ടേരിയിലെ ബോംബ് സ്ഫോടനക്കേസ് ഇല്ലാതാക്കിയ നടപടി, മാറാട് സിബിഐ അന്വേഷണം തടയുന്നതിനായി നടത്തിയ ഇടപെടലുകള്‍ തുടങ്ങിയവ ഇതിന് ഉദാഹരണമാണ്. വ്യക്തി സ്വാതന്ത്ര്യത്തെ പൂര്‍ണമായും ഹനിക്കുന്ന തരത്തില്‍ ജനാധിപത്യസമൂഹത്തിന് ഭീഷണി ഉയര്‍ത്തി സദാചാര പൊലീസ് ശക്തിപ്പെട്ട് വരുന്നുവെന്നതും കേരളത്തിന്റെ പിറകോട്ട് പോക്കിന്റെ ലക്ഷണമായി തീര്‍ന്നിരിക്കുന്നു. എല്ലാ വര്‍ഗീയവാദികളും ഇത്തരം ശക്തികളെ പിന്തുണയ്ക്കുകയും ചെയ്യുന്നു. ലീഗിന്റെ അഞ്ചാം മന്ത്രിപദം സാമുദായിക സന്തുലിതാവസ്ഥ തകര്‍ത്തു എന്നു പറഞ്ഞത് കോണ്‍ഗ്രസ് നേതാവുതന്നെയാണ്. ലീഗിനകത്ത് തീവ്രവാദശക്തികള്‍ നുഴഞ്ഞുകയറി എന്ന് യുഡിഎഫ് മന്ത്രിസഭയിലെ ഒരംഗംതന്നെയാണ് പ്രസ്താവിച്ചത്. ഇത്തരത്തില്‍ സംസ്ഥാനത്തെ ഭരണസംവിധാനം വര്‍ഗീയശക്തികളുടെ സമ്മര്‍ദങ്ങള്‍ക്കും അവരുടെ ചെയ്തികള്‍ക്കും അനുകൂലമായി നിലപാട് സ്വീകരിക്കുന്ന നിലയാണുള്ളത്. അധികാരത്തിനുവേണ്ടി വര്‍ഗീയശക്തികളുടെ അജന്‍ഡകള്‍ക്ക് കീഴ്പ്പെടുക എന്ന യുഡിഎഫിന്റെ സമീപനം വര്‍ത്തമാനകാലത്ത് ഏറെ തീവ്രമായിരിക്കുന്നു. ഭരണകൂടത്തിന്റെ ഇടപെടല്‍തന്നെ വര്‍ഗീയശക്തികള്‍ക്ക് അനുകൂലമാകുമ്പോള്‍ സമൂഹത്തില്‍ വര്‍ഗീയധ്രുവീകരണം സൃഷ്ടിക്കപ്പെടും എന്നതും വസ്തുതയാണ്. ആ തരത്തിലേക്കാണ് കേരളം നീങ്ങുന്നത്. അത്തരം ശക്തികളുടെ സംരക്ഷണകേന്ദ്രമായി കോണ്‍ഗ്രസും യുഡിഎഫും മാറി. വര്‍ഗീയശക്തികളുടെ കൂടാരമായ യുഡിഎഫ് അധികാരത്തില്‍ വന്നാല്‍ കേരളത്തിന്റെ മതനിരപേക്ഷതയ്ക്ക് തിരിച്ചടി ഏല്‍ക്കുമെന്ന് കഴിഞ്ഞ തെരഞ്ഞെടുപ്പ് ഘട്ടത്തില്‍തന്നെ മുന്നറിയിപ്പ് നല്‍കിയതാണ്. ഇപ്പോള്‍ അത് യാഥാര്‍ഥ്യമായി. എന്നാല്‍, കേരളത്തിലെ വിവിധ മതവിശ്വാസികള്‍ ഏതെങ്കിലും വര്‍ഗീയസംഘങ്ങളുടെയോ സാമുദായിക ശക്തികളുടെയോ കുഴലൂത്തുകാരാണെന്ന് ധരിക്കരുത്. ഏതെങ്കിലും ജാതിമത സംഘടനകള്‍ തെളിക്കുന്ന വഴികളിലൂടെ സഞ്ചരിക്കുന്നവരല്ല അവര്‍, മറിച്ച് മതനിരപേക്ഷതയ്ക്ക് പ്രഹരമേല്‍ക്കുന്ന ഘട്ടങ്ങളിലെല്ലാം ശക്തമായി പ്രതികരിച്ചിട്ടുള്ളവരാണ്. എല്ലാ മതവിശ്വാസികള്‍ക്കും അവരുടെ വിശ്വാസങ്ങള്‍ വച്ചുപുലര്‍ത്താനുള്ള അവകാശം ഉണ്ടാകണം. അതിന് ആരെങ്കിലും തടസ്സം നിന്നാല്‍ മതവിശ്വാസികളുടെ സ്വാതന്ത്ര്യം സംരക്ഷിക്കുന്നതിന് പാര്‍ടി പ്രതിജ്ഞാബദ്ധമാണ്. അതേ അവസരത്തില്‍ വിശ്വാസം ഇല്ലാത്തവര്‍ക്ക് അങ്ങനെ ജീവിക്കാനുള്ള അവസരം ഉണ്ടാകണം. മതം രാഷ്ട്രീയത്തിലും രാഷ്ട്രീയം മതത്തിലും ഇടപെടുന്ന രീതി ഉണ്ടാകരുത്. ഏതെങ്കിലും ഒരു വര്‍ഗീയതകൊണ്ട് മറ്റൊരു വര്‍ഗീയതയെ പ്രതിരോധിക്കാനാകില്ല. അതുകൊണ്ട് എല്ലാ വര്‍ഗീയതകളെയും ഒറ്റപ്പെടുത്തുന്നതിനുള്ള വിശാല ബഹുജനമുന്നേറ്റം കാലഘട്ടം ആവശ്യപ്പെടുകയാണ്. കേരളത്തിലെ മഹത്തായ മതേതര പാരമ്പര്യം സംരക്ഷിക്കുന്നതിന് അത് അനിവാര്യമാണ്. അതിനായുള്ള പ്രവര്‍ത്തനങ്ങള്‍ സംഘടിപ്പിക്കുന്നതിനുള്ള പ്രതിജ്ഞ പുതുക്കേണ്ട ദിനംകൂടിയാണ് ഇത്. വിവിധ ജനവിഭാഗങ്ങളുടെ കൂടിച്ചേരലുകളില്‍നിന്നാണ് ഒരു നാടിന്റെ സംസ്കാരം രൂപപ്പെടുന്നത്. വിവിധ ജനവിഭാഗങ്ങളുടെ സംസ്കാരങ്ങള്‍ പരസ്പരം സ്വീകരിച്ചാണ് ഒരു ജനതയുടെ ജീവിതം രൂപപ്പെടുന്നത്.
ഇത്തരത്തിലുള്ള പൊതുവായ സംസ്കാരങ്ങളെയും ജീവിതരീതികളെയും സംരക്ഷിക്കുക എന്നത് മതനിരപേക്ഷതയുടെ നിലനില്‍പ്പിന് അത്യന്താപേക്ഷിതമാണ്. ഈ യാഥാര്‍ഥ്യം മനസ്സിലാക്കാത്തവരാണ് പൊതുമണ്ഡലങ്ങളെ പിളര്‍ക്കുന്നതിനും വിവിധ ജാതിമത സ്വത്വങ്ങളുടെ അടിസ്ഥാനത്തില്‍ സംസ്കാരത്തെ അഴിച്ചെടുക്കുന്നതിന് ശ്രമിക്കുകയും ചെയ്യുന്നത്. ഇത്തരം ശ്രമങ്ങള്‍ക്കെതിരായി നാം ജാഗ്രത പുലര്‍ത്തണം. കേരളീയന്റെ യോജിപ്പിന്റെ അടിസ്ഥാനം അവന്റെ ഭാഷയും സംസ്കാരവുമാണ്. അതുകൊണ്ടുതന്നെ മലയാളഭാഷയുടെ സംരക്ഷണവും അതിനെ ശക്തിപ്പെടുത്തുന്നതിനുള്ള ഇടപെടലുകളും വര്‍ത്തമാനകാലത്ത് ഏറെ അനിവാര്യമാണ്. ഭാഷ മൗലികവാദമല്ല. ഭാഷയെ ആധുനിക കാലഘട്ടത്തിന് യോജിച്ച വിധത്തില്‍ നവീകരിക്കുക എന്നത് പ്രധാനമാണ്. ഭാഷാ കംപ്യൂട്ടറിങ് ഉള്‍പ്പെടെയുള്ള രീതികളുമായി മലയാളഭാഷയെ ബന്ധിപ്പിക്കുന്നതിനുള്ള പ്രവര്‍ത്തനവും വര്‍ത്തമാനകാലത്ത് കടന്നുവരേണ്ടതുണ്ട്.
ഭരണഭാഷയും കോടതിഭാഷയും ഉള്‍പ്പെടെ മാതൃഭാഷയില്‍ ആക്കുക എന്നതും അടിസ്ഥാന ജനവിഭാഗങ്ങള്‍ക്ക് ഇത്തരം മേഖലകളില്‍ ഇടപെടുന്നതിന് അനിവാര്യമാണെന്ന് കാണേണ്ടതുണ്ട്. അത്തരം പ്രവര്‍ത്തനങ്ങള്‍ ശക്തിപ്പെടുത്താനുള്ള ഇടപെടല്‍ നടത്തുക എന്നതും നാടിനെ സ്നേഹിക്കുന്നവരുടെ ഉത്തരവാദിത്തവുമാണ്. ആഗോളവല്‍ക്കരണനയങ്ങള്‍ കേരളത്തിലെ ജനതയുടെ ജീവിതം ദുസ്സഹമാക്കുമ്പോള്‍ അതിനെതിരായി അതിശക്തമായ വികാരം ഉയര്‍ന്നുവരുന്ന കാലഘട്ടമാണ് ഇത്. ഈ ജനകീയരോഷത്തെ മറികടക്കുന്നതിന് വര്‍ഗീയ അജന്‍ഡകള്‍ രൂപപ്പെടുത്തി സാധ്യമാകുമോ എന്നാണ് ഇപ്പോള്‍ പരിശ്രമിച്ചുകൊണ്ടിരിക്കുന്നത്. കേരളത്തില്‍ വര്‍ഗീയ ധ്രുവീകരണത്തിനുവേണ്ടിയുള്ള ശ്രമം നടത്തുന്നവര്‍ക്ക് ഇത്തരം അജന്‍ഡയുണ്ട് എന്നും നാം തിരിച്ചറിയണം. ബിജെപിയായാലും യുഡിഎഫ് ആയാലും ഒരേ നയത്തിന്റെ വക്താക്കളാണ്. ഈ നയങ്ങളെ തുറന്നുകാട്ടുന്നതിനും നൂറ്റാണ്ടുകളായി കേരളം പുലര്‍ത്തിയിരുന്ന മതേതര പാരമ്പര്യത്തെ ശക്തിപ്പെടുത്തുന്നതിനും മലയാളഭാഷയെയും സംസ്കാരത്തെയും ശക്തിപ്പെടുത്തുന്നതിനുമുള്ള പ്രവര്‍ത്തനങ്ങള്‍ സംഘടിപ്പിക്കും എന്നതാണ് കേരള രൂപീകരണ വാര്‍ഷികദിനത്തില്‍ നമുക്ക് പ്രതിജ്ഞ എടുക്കാനുള്ളത്. (അവസാനിച്ചു)
Subscribe to:
Posts (Atom)
