tag:blogger.com,1999:blog-32174180.post8890464476815624357..comments2023-11-02T16:53:11.677+04:00Comments on ജനശക്തി ന്യൂസ്: പ്രവാസി ഭാരതീയ ദിവസ് സമ്മേളനത്തിന്റെ ഔപചാരിക ഉദ്ഘാടനം പ്രധാനമന്ത്രി മന്മോഹന് സിങ് നിര്വഹിച്ചു.ജനശക്തി ന്യൂസ്http://www.blogger.com/profile/16855967621006833937noreply@blogger.comBlogger1125tag:blogger.com,1999:blog-32174180.post-59552204191561657922010-01-08T09:45:31.300+04:002010-01-08T09:45:31.300+04:00പ്രവാസി ഭാരതീയ ദിവസ് സമ്മേളനത്തിന്റെ ഔപചാരിക ഉദ്ഘാ...പ്രവാസി ഭാരതീയ ദിവസ് സമ്മേളനത്തിന്റെ ഔപചാരിക ഉദ്ഘാടനം പ്രധാനമന്ത്രി മന്മോഹന് സിങ് നിര്വഹിച്ചു. <br /><br />ന്യൂഡല്ഹി: എട്ടാം പ്രവാസി ഭാരതീയ ദിവസ് സമ്മേളനത്തിന്റെ ഔപചാരിക ഉദ്ഘാടനം ഡല്ഹിയില് പ്രധാനമന്ത്രി മന്മോഹന് സിങ് നിര്വഹിച്ചു. പ്രവാസികളുടെ വോട്ടവകാശത്തിനുളള നടപടികള് പുരോഗമിക്കുകയാണെന്നും അടുത്ത പൊതുതിരഞ്ഞെടുപ്പിനകം അത് പൂര്ത്തീകരിക്കുമെന്നും അദ്ദേഹം പറഞ്ഞു. <br /><br />വിവിധ രാജ്യങ്ങളില് നിന്നുള്ള പ്രമുഖ മലയാളി പ്രവാസികളും 1500ല്പ്പരം മലയാളി സംഘടനാ പ്രതിനിധികളും സമ്മേളനത്തില് പങ്കെടുക്കുന്നുണ്ട്. പ്രവാസികളുടെ സ്വത്തുസംരക്ഷണം സംബന്ധിച്ച് പ്രശ്നങ്ങളും പോംവഴികളും ചര്ച്ച ചെയ്ത സെമിനാര് ആദ്യദിവസമായിരുന്ന വ്യാഴാഴ്ച നടന്നു. ഇന്ത്യയിലും പുറത്തുനിന്നുമുള്ള വിദഗ്ധര് തങ്ങളുടെ അറിവുകള് പങ്കുവെച്ച നാനോ ടെക്നോളജി സെമിനാറും ശ്രദ്ധേയമായി. <br /><br />ഭൂമിയും കെട്ടിടങ്ങളും മറ്റുമായി ബന്ധപ്പെട്ട നിയമങ്ങളെക്കുറിച്ചുള്ള അജ്ഞതമൂലം തങ്ങള് നേരിട്ട പ്രശ്നങ്ങള് പ്രവാസികള് സെമിനാറില് പങ്കുവെച്ചു. ഇടനിലക്കാരുടെയും സംശയകരമായ പശ്ചാത്തലമുള്ള കെട്ടിട നിര്മാതാക്കളുടെയും വഞ്ചനയില് കുടുങ്ങിയ കാര്യവും അവര് ചൂണ്ടിക്കാട്ടി. ഇത്തരം കാര്യങ്ങളില് രാജ്യത്ത് ഏകീകൃത നിയമം വേണമെന്ന് പലരും ആവശ്യപ്പെട്ടു. <br /><br />പ്രവാസികാര്യമന്ത്രി വയലാര് രവിയുടെ ആമുഖത്തോടെയാണ് സെമിനാര് തുടങ്ങിയത്. രാജ്യത്തെ വികസനത്തില് പ്രവാസികള് വഹിക്കുന്ന പങ്ക് അദ്ദേഹം എടുത്തുപറഞ്ഞു. സത്യത്തിന്റെ മെയ്ത്താസുമായി ബന്ധപ്പെട്ട് നഷ്ടം സംഭവിച്ച പ്രവാസികളുടെ പ്രശ്നങ്ങള്ക്ക് ഉടന് പരിഹാരം കാണുമെന്നും അടുത്ത പ്രവാസിസമ്മേളനത്തിനു മുമ്പ് പ്രശ്നം പരിഹരിക്കുമെന്നും സെമിനാറില് മുഖ്യപ്രഭാഷണം നടത്തിയ കമ്പനികാര്യമന്ത്രി സല്മാന് ഖുര്ഷിദ് പറഞ്ഞു. <br /><br />കെട്ടിടനിര്മാതാക്കളുടെ സംഘടനാ പ്രതിനിധികള് റിയല് എസ്റ്റേറ്റ് രംഗത്തെ പ്രമുഖര്, ധനകാര്യസ്ഥാപനങ്ങളുടെ പ്രതിനിധികള് തുടങ്ങിയവര് പ്രവാസികളുടെ സംശയങ്ങള്ക്ക് മറുപടി നല്കി. <br /><br />രാജ്യത്ത് വസ്തുക്കളോ കെട്ടിടമോ വാങ്ങാന് ഉദ്ദേശിക്കുന്ന പ്രവാസികള് ഒരുകാരണവശാലും വ്യാജവാഗ്ദാനം നല്കുന്ന നിര്മാതാക്കളുടെ വലയില് വീഴരുതെന്നും ഈ രംഗത്തെ പ്രമുഖര് സെമിനാറില് നിര്ദേശിച്ചുജനശക്തി ന്യൂസ്https://www.blogger.com/profile/16855967621006833937noreply@blogger.com